الى أمي الغالية بمناسبة عيد الأم

بعيدك يا أمَ الوفا بتتفتح الأزهار

وبيرجع لقلبي الهنا وبتزول آلامي

وقلبي بيرقص طرب ع نغمة الأوتار

كرمال عينك يا عيني ونور أيامي

عيدك يا أمي إلو بقلبي الوفي تذكار

ياما حرمتك ليالي بطولها تنامي

حدي سهرتي حتى طلع فجر نهار

تا يزول عني الألم وتصح أحلامي

ياما تعبتي يا أمي على ولاد صغار

وفي تسع أشهر حتى يوم الفطامي

واليوم صرنا بفضلك يا حنونة كبار

فيكي بنفتخر وأمامك منحني الهامي

وصى إله العرش بالوالدين كبار

وبطاعة ومحبة ووفا وإكرام إلزامي

ويلي بينال الرَضا من والدينو صار

في رضا ربَو ليوم القيامي




منقول


أتمنى من جميع الأعضاء اذا بيحبوا يكتبوا أي شي لأمهاتهم أن يضيفوها في هذه الصفحة

ومن بعد إذنك ابن خالي كنعان مشرف منتدى الشعر و الزجل والخاطرة أنا طرحت الموضوع بهذا المنتدى لعل بعض الاعضاء يودون كتابة شعر او خاطرة