نداء عاجل لكل الشعراء

كنعان كنعان الثلاثاء يناير 06, 2009 9:18 am

نداء عاجل لكل الشعراء

شايف المنتدى صار
متلو متل صحرا
ع غيبة الشـعّار
الكلمات منتــحرا
******
موجوع الشعر ... مقهور
بغيابكن نشفت بحورو
لو هاجرت الطيور
تبقى تجي تزورو
******
لمّا بالسما الغيمات
بتلبس سواد اللون
بتسخى .. بتذرف الدمعات
و بتروي كل الكون
******
ولما الربيع يطل
بيفلش للدني ورودو
قــّرب آدار يهل
ويخْضَّرْ للغصن عودو
******
ورغم قسى أيلول
اللي هــرّ وراق الشجر
بيصير الليل يطول
ويشعشع ضو القمر
******
والصيف رغم نارو
ما بينشف الينبوع
بتضل بالفي جرارو
ترشح وتبكي دموع
******
خليكين متل الدني
ان تبدلت الفصول
ما بتتعب ولا بتنحني
ويبقى العطاء يطول
********************

أحبائي ندائي إليكم من باب الاشتياق والمحبة وليس عتاباً على أحد
المنتدى محتاجكم وينتظر حروفكم وأقلامكم ليعود له تألقه وبهجته .
أنا بانتظاركم .
كنعان الياس كنعان

Souli...Y,M... الأربعاء يناير 07, 2009 6:18 pm

لو مهما تقسى الظروف....وتبعدنا ليالي الغربة
وخانت الشعر الحروف....رح ينطق قلم المحبة
ويكتب شوقي الملهوف....الكم يا اغلى صحبة

خيي كنعان وانت وكل اعضاء المنتدى لاتواخذونا بعدنا عن المنتدى ومن زمين ماشاركنا
معكم بس الظروف ما بتسمحلنا اكترمن هيك انشالله منرجع وايد بأيد منحيي منتدى الشعر
وبرجع كرر اعتذاري للكل وانشالله ايامكم كلها ورد وفل...

magdeeb الخميس يناير 08, 2009 5:00 pm

خيي كنعان النداء --- غالي عالقلب والروح
وتجاهل أمير الشعراء--- بقاموسي مش مسموح
لكن تطوير الأداء--- وبلوغ التخرج طموح
رح يبعدني كم يوم---يسرق من عينيي النوم
وأرجع بأشعاري بوح

نداء عاجل لكل الشعراء

نداء عاجل لكل الشعراء

رد: نداء عاجل لكل الشعراء

رد: نداء عاجل لكل الشعراء