سؤال عالماشي

تعلمت

أن الحياة بلا عمل كالنحل بلا عسل



ــــــــــــــــــــــــــــــــــــــــــــــــــ

انا تعلم سواقة السيارة والدبكي
وتعلمت انو كترت الاصدقاء بتجبلك المشاكل

الحياة بتعلمنا كتير شغلات



بس أنا تعلمت اني ما أوثق بأي شخص وبسسسسسسسسسسسسسسسسسسسسسسسسسسس

سؤال كتير عام ومجال الإجابة كبير
بس فيني قول : لله في خلقه شؤون

يا شباب ماني شايف واحد متفائل فيكن ليش الحياة ماعلمتكن التفائل

واذا واحد فيكن مرّ بتجربة وكانت سلبية مو معناتا يستسلم ياخدها نظرة شمولية
أنا تعلمت كتير من الحياة متل ماقال خيي مجد في أجوبة كتير عاهالسؤال
ورح أكتب مثلان من أهم الأسس بحياتي وطبعن هني أمتال انكليزية بس مو غلط نتعلم من غيرنا الأمور الجيدة

1_ impossible is a personal opinion

المستحيل هو رأي شخصي : يعني المستحيل برأيك مانو مستحيل برأي شخص تاني وبالعكس

2_ "If you aim at nothing, you will hit it"

أذا بتصوب على ولا شي رح بتصيبو : يعني أي واحد بيحط هدف قدامو وبيجتهد ليوصلّو رح يوصلّو
المتل بيقول أذا بتصوب على ولا شي رح بتصيبو فا اتخيل أذا بتحط هدف وبتصوب عليه أكيد رح بتصيبو وبتنالو
بتمنى كون قدرت أثرت شوي ببعض أراء الشباب بخصوص ماذا تعلمت من الحياة

وأخر شي بدي قولو حتى لو الأنسان تعلم من الحياة كتير لا يفكر حالو وصل عند حد بيكفيه من المعرفة
لأنو كمان تعلمت أنو قد ماأتعلم بيضل ناقصني تعليم
الشاعر

انا تعلمت انو طنش تعش تنتعش

العلم هو الملاذ الأخير

عيش كتير بتشوف كتير

اسا لحد هلق ما تعلمت شي بس متل ما قال عبد الحليم حافظ :
الحياة حلوة بس نفهمها

الحياة علمتني كتير شغلات
ومنا انو اخد حذري من الكل
ومااخد صديق من اول مااتعرف عليه
ومو مين ماكان بينوثق فيه

تعلمت ( أن اللي يسكت عن حقه ينداس. )

تعلمت أن الدنيا ما تسوى قرش أحمر.

تعلمت أن الدنيا مو مقياس للأخلاق.

تعلمت أن اللي ما فيه خير لأهله ما فيه خير للناس.

تعلمت ( أن الحياة ممكن تنتهي بأي لحظه ونحن بغفلة. )

تعلمت أقول الحمد الله على الصحة والعافية.

تعلمت ( أعمل خير وما انتظر مقابل منشان ما أنصدم. )

تعلمت أن الكلمة الحلوة والنفس البشوشة رأسمال الطيب.

تعلمت أن مافي شي اسمه حب
تعلمت أن أغنى إنسان في العالم اللي يملك الصحة وراحة البال.

تعلمت أن الخسارة بالعمر إذا ضاع بدون فايده.

تعلمت أن من يزرع الثوم ما يجني ريحان.

تعلمت أن نهاية العمر موت.

تعلمت أن المال يغير النفوس ويخضع رؤوس.

تعلمت أن العمر ينتهي والشغل مابينتهي.

تعلمت أن من يقول الصدق يصير منبوذ.

تعلمت أن من يريد الناس تسمعه لازم يسمعهم أول.

تعلمت أن الطيب رايح حظه والـ ..... (خلوها على الله).

تعلمت ( أن ليس كل الناس على نياتها. )

تعلمت أن اللي تعلمناه بالمدرسة شي والواقع شي ثاني.

تعلمت أن ناس كثيرين لمصلحة شغلهم يصيروا كويسين وإذا خلصت مصلحتهم ما بيعرفوك.

تعلمت ( أن السفر يبين لك معادن الناس. )

تعلمت أن الواحد يشتري أكثر مما يبيع______ يعني يسمع أكثر مما يتكلم.

تعلمت أشوف وأسمع عن مصايب الناس وأقول الحمد الله على كل حال.

تعلمت ( أن مهما تسوي من خير للنذل يرده أصله وما يبين فيه. )

تعلمت أن اللي يتفلسف كثير (يقول أنا وأنا) فاضي من الداخل.

تعلمت ( أن اللي معدنه ذهب يبقى ذهب، واللي معدنه حديد يتغير ويصدأ. )

تعلمت ان كل الي في المقابر كانو مشغولين وعندهم مواعيد وفي نياتهم اشياء ما سووها

تعلمت أن الإنسان اللي يقرأ هذا الكلام يعرف قيمته ويقدر تعب الناس عليه.

تأكدت ان اذا لقيت دكتور عربي متخرج من امريكا او بريطانيا خذ منة ربع العلم والباقي من العطار .