أنـــت أيـــها الطــالب الســـوري .مـــا الـــذي يحـــدد خيــارات دراســـــتك؟؟؟؟

لفتني الكلام الذي يصدر عن الشباب الذين نجحوا في الشهادة الثانوية
فهم يختارون فروع دراستهم حسب متطلبات سوق العمل في الخليج العربي
في السياحة والهندسة و الصحة والتسويق والمصارف ...
ولا يفكرون في السوق السورية
فهل أسواق البلد ممتلئة لدرجة الإشباع؟؟؟؟؟ هل سوق الخليج يقدم لهم طموحاتهم ويشبع رغباتهم؟؟؟؟
ما الذي يحدد خياراتك أنت؟؟؟؟؟؟
أسئلة عديدة أرجو أن تكون مدخل لحوارنا
شاركونا

فهل أسواق البلد ممتلئة لدرجة الإشباع؟؟؟؟؟
لا . بس دائماً الشاب أو الشابة بيضل عندن أو بالأحرى عنا طموح أنو الواحد يطلع لبرا ( يسافر ) .
هل سوق الخليج يقدم لهم طموحاتهم ويشبع رغباتهم؟؟؟؟
كمان لا . بس هوي أقرب شي و كل الضيعة فيه و صارت كلمة و منقالة أنو بكرا بنروح عالخليج .
ما الذي يحدد خياراتك أنت؟؟؟؟؟؟
أولاً الميزانية .
ثانياً العلامات لأن بيجوز ععلامة ما يطلعلي البدي ياه .
شكراً عالموضوع .

يعني خيي رازور خطابك حلو كتير وكلنا بنحلم بهالحلم الوردي اللي متوصفو بحديثك
بس يا هالترى بلادنا حاطة الأسس الصحيحة لتقدرك كإنسان تملك طاقة وميل معين
شفت أحد الطلاب بالضيعة بدو يدفع نص مليون ليدخل الفرع اللي بدو ياه واللي نجح بامتحان التأهل إلو
كرمال علامة........ فهل هذا عدل؟؟؟
وأنا طالب هندسة معمارية لو قدر الله وتخرجت أي مؤسسة بدها تستوعبني مع العدد الكبير من رفاقي
تصور أن يوظفوني في بلدية مثلاً شو رح أقدر نفذ من اللي تعلمتو ... المهندس المدني بيعملي شغلي
يا ترى بيلغوا العمارة أو بيلاقوا فرص لخريجيها؟؟؟؟؟؟؟؟؟
سوق الخليج بيناسبني وبيناسب مهنتي وهيدا تفكير كل عاقل وهنا الوطنية ما الها دور الدور بيكون بعد
ما تكون كونت نفسك وثروتك ووقتها البلد بتعتب عليك إذا ما جيت استثمرت وحركت باقتصادها
للأسف هيدا واقعنا اللي ماني شايف انو رح يتغير عالمدى القريب

أنا معك انو هالبلد فيها شوي من التأخير في التطور او ما يسمى الخدمات الطلابية

بس يا ترى هل الدولة لوحدا فيها تعمل شي إذا ما كل واحد منّا ساعد ولو بشغلي بسيطة



وهل تعلم لماذا ترفع معدلات الشهادة الثانوية ؟

ليش مو لأنو ما في جامعات تستوعب الكم الهائل من الطلاب



وكمان هالطلاب مزال بيعرفوا انو المعدلات مرتفعة ليش ما بيرفعوا معدلات جهدون شوي مشان ما يوقف عامل المال في طريقهم أو العلامات


وكمان:



انت أيها المسافر إلى الخليج هل تضمن أن تلك البلاد سوف تستقبلك بالمرحبا والأهلا ؟



هل تضمن لمستقبلك الإستقرار بمجرد سفرك إلى هناك و هل تضمن أنك ستجد مباشرة عمل يليق بمعرفتك ؟



هل ستأخذ أكثر مما تدفع في تلك البلاد ؟




الأسئلة لسائل المستقبل مفتوح أمامه ؟



شو في حدا يجاوب ويعطيني الجواب الأكيد ؟



في إنتظار ردودكم


وشكراً

اولا شكرا الك يا خيي مجد على طرح هذا الموضوع
وثانيا تعددت الردود والاراء بس بحب قول شغلة انو يلي بيعد العصي مو مثل يلي بأكلا .
وثالثا ما في داعي كل واحد لسا ما قطع ال15 من العمر يطلع ويبيع وطنيات لان كلنا منحب بلدنا ومنحب تراب هالبلد وكلنا مرجوعنا على البلد .
وبحب بس قول كلمة للاخ رازور بس تخلص البكلوريا انشاالله وانشاالله بتكون من المتفوقين بتمنى انك وقتا تتذكر الكلام يلي قلتو امس وتبقى بالبلد وما تسافر .
ولاتفكر انو يلي مغترب متغرب عن طيب خاطر طبعا كل واحد في عندو اسباب خاصة فيه دفعيتو للسفر والعمل في دول الخليج اوغيرها من الدول.

وردا على اسئلتك يا اخ رازور بحب قلك انو ما في شي بيجي بالهيين ان كان بالبلد او برا البلد بس لو انو فرصة العمل متوفرة بالبلد ما كان حدا سافر وكون على يقين انو يلي بسافر لو بدو يعمل شي بسنة ممكن انو يعملو اذا حط عقلو براسو