رد: تشات المنتدى........ دردش معنا !!!!!!!

antony الأربعاء سبتمبر 03, 2008 4:49 pm

لا تواخذني خيي دادو مانتبهت
كيفك

razor back الأربعاء سبتمبر 03, 2008 4:56 pm

كتر خير الله شو كيف استعدادك لهلبكلوريا

شو شيدا واللا

إن شاء الله خير

خلينا نشوفك OK

antony الأربعاء سبتمبر 03, 2008 4:59 pm

والله يا غالي الكل بيقول شدا
يلا بدي اجي عالضيعة بهالكم يوم جهز
حالك لدق طرنيب

razor back الأربعاء سبتمبر 03, 2008 5:02 pm

طيب بس قلي ايمت وأنا بخبر ابن عمتك يجهزلنا شي تنين حتى نلعب

أو انت خبر ابن عمتك وخليه هوي يقلي ok

يلا

antony الخميس سبتمبر 04, 2008 10:32 am

صباح الخير ياجماعة وينكون ليش تاركيني لحالي هون

يلا حدا يفوت ناطركون انا

Souli...Y,M... الخميس سبتمبر 04, 2008 10:53 pm

وينننننننننننننننننكم أنا بالغرفة الصوتية يلا ياشباب الكل ينزّل البرنامج ولاقوني عالغرفة من هلق لساعة بعد

أنا ناطركم لاتطولو بااااااااااااااااااااااااي.....

sweetgirl الأحد سبتمبر 07, 2008 10:47 pm

هاي يا جماعة كيفكون شكلكون نسيتو التشات
عكل حال دعولنا يا جماعة بكرا أول يوم بلمدرسةالنظامية مو بمدرسة المشاغبين
بس الي منطلبو من الله نقدر نفيق بكير

razor back الأحد سبتمبر 07, 2008 11:05 pm

شو كيفكن اليوم يلا هنونا بكرا المدرسي او بالأحرى اليوم المدرسي الصبح

يلا ماعاد صار فينا نطول معكن

بس مامننساكن انتوا بالقلوب

وتصبحوا عخير

razor back الإثنين سبتمبر 08, 2008 3:01 pm

كيفكن يا أوادم

شو مبين ما في حدا ع هالمنتدى شو مبين ما تدرسوا

والله انا ما عملتا

قوموا تسلولكن شوي

خلونا نشوفكن ونشوف ردودكن حتى نعرف انو في حدا ع المنتدى

يلا شو ناطرين يلا

COBRA الإثنين سبتمبر 08, 2008 6:47 pm

مسا الخير يا شباب

انا هلق وصلت

كنت انا والشاعر كنعان و انطانيوس وابو وهية احلى مشوار بالعالم

رحنا ع نهر قيس وليلى ونحنا عالطريق بدنا نشرب متة بالسيارة

صبينا المتة ومنشرب وماحكيلون كيف كبيت العصير ع حالي من زمان

ماخلصت حكي انكبت المتة علينا وبالسيارة وعبينا حالنا

وصلنا لهونيك

عرق ووسكي وسكر وطرنيب والخ....................

كان في غبيط مي كانو العناكليس ميلعبو فيه ونحنا نزتلون بشقف اللحم ويهجمو عليون

كان في اكتر من عشرين عنكليسة واصغر وحدة شي كيلو ..........اخ لو كان معنا قصبة وسنارة

وينك يا سولي

واذا بتحبو تشوفوا الفيديو تبع العناكليس مع خيي كنعان منظر بيجنن

وانبسطنا كتير وربح كنعان بالطرنيب

والله احلى شياب واحلى مشوار

كان في قداحة مع كنعان صرلي شهر بنق علاه عطيني ياها مابيعطيني ياها

ونحنا وراجعين حط القداحة ع التابلو تبع السيارة وعلفة الكوع طارت وضاعت هههههههههههه

كانت عيني فيا وبعد ما ضاعت صار يقلي يا ريتني عطيتك ياها ههههههههههههههه

وعبكرا طالع انا والشاعر كنعان و خيي انطانيوس عقطنا بالشام

بدنا نجيب يانسون من شان نعرّق

يتبع

الأغـــــــا الإثنين سبتمبر 08, 2008 10:46 pm

ليوم كان اول يوم بالمدرسة وكان كتير بشع حسيتو دهر

وكل العادي دائما بيفوتو هل المعلمين بي بلشو وعظ

وكل العادي شعبة الادبي مخالفي

antony الثلاثاء سبتمبر 09, 2008 5:13 pm

مسا الخير كيفكون كيف هالمدرسة معكون
نحنا قلنا من مبارح منطلع ومنرجع الساعة 9
لأنو أستاتذة مافي ناطرين حتى يبعتولنا التربية أساتذة

razor back الثلاثاء سبتمبر 09, 2008 8:22 pm

نيالكن يا عمي

لسا من أول يوم وظايف

رياضيات وإنكليزي

مبين هالأستذة متحمسن عالمدرسي اكتر منّا

soula الأربعاء سبتمبر 10, 2008 11:43 am

هاي كيفكن ياشباب اجت المدرسة واجا معا هم البكلوريا والمقت مابعرف كيف بدا تمرق السنة ميتة رعبة دعولنا ننجح فيا بعلامات عالية انا وكل رفقاتي انشالله cheers

nichol الأربعاء سبتمبر 10, 2008 11:54 am

hiiiiiiiiiiiiiii
كيفكون يا الله انا رح طق من هالمدرسة
قال ماصدقنا ايمت صرنا عاشر هلق كرهانين كلشي اسمو عاشر

mixx hooxs الأربعاء سبتمبر 10, 2008 8:01 pm

آآآآآآآآآآآآآآآآآآآآآآآآآآآآآآآخ تعبانة كتير من المدرسة وماني مفكرة هالحادي عشر صعب كل هالقد
يعني عيني العاشر أهون بكتير

Souli...Y,M... الخميس سبتمبر 11, 2008 10:23 am

COBRA كتب:

مسا الخير يا شباب

انا هلق وصلت

كنت انا والشاعر كنعان و انطانيوس وابو وهية احلى مشوار بالعالم

رحنا ع نهر قيس وليلى ونحنا عالطريق بدنا نشرب متة بالسيارة

صبينا المتة ومنشرب وماحكيلون كيف كبيت العصير ع حالي من زمان

ماخلصت حكي انكبت المتة علينا وبالسيارة وعبينا حالنا

وصلنا لهونيك

عرق ووسكي وسكر وطرنيب والخ....................

كان في غبيط مي كانو العناكليس ميلعبو فيه ونحنا نزتلون بشقف اللحم ويهجمو عليون

كان في اكتر من عشرين عنكليسة واصغر وحدة شي كيلو ..........اخ لو كان معنا قصبة وسنارة

وينك يا سولي

واذا بتحبو تشوفوا الفيديو تبع العناكليس مع خيي كنعان منظر بيجنن

وانبسطنا كتير وربح كنعان بالطرنيب

والله احلى شياب واحلى مشوار

كان في قداحة مع كنعان صرلي شهر بنق علاه عطيني ياها مابيعطيني ياها

ونحنا وراجعين حط القداحة ع التابلو تبع السيارة وعلفة الكوع طارت وضاعت هههههههههههه

كانت عيني فيا وبعد ما ضاعت صار يقلي يا ريتني عطيتك ياها ههههههههههههههه

وعبكرا طالع انا والشاعر كنعان و خيي انطانيوس عقطنا بالشام

بدنا نجيب يانسون من شان نعرّق

يتبع

والله ياعمي أيامكم كله عم سجله عندي عالدفتر ها روحات وطلعات ونهورا وتكريك والله هي أكبر خيانة...
عم نمزح ها ياسيدي موفقين وأنشالله الشباب بيقضو أحلى أجازة ونطرنا يامارسيل جايين أنشالله صيفية الجاي...

Souli...Y,M... الخميس سبتمبر 11, 2008 10:28 am

وشو ياصبايا ويا شباب كل هالقد كرهانيين المدرسة معقولة ... أي كيف بكرا ماتوصلو للجامعة وتبلش المسؤولية والمواد تكبر بدكم تقولوا عيني أيام المدرسة ما أحلاها ....

واله يوفقكم ويوفق طلاب البكلوريا هي السنة وتدخلوا عالفروعا لي بترغبوها......

loooby الخميس سبتمبر 11, 2008 1:21 pm

soula كتب:هاي كيفكن ياشباب اجت المدرسة واجا معا هم البكلوريا والمقت مابعرف كيف بدا تمرق السنة ميتة رعبة دعولنا ننجح فيا بعلامات عالية انا وكل رفقاتي انشالله

بسيطة ********************* طنش تعش تنتعش

ANASTACIA-GIRL الجمعة سبتمبر 12, 2008 3:29 pm

هاي شو صار معكن مشان الغرفة الصوتية

razor back السبت سبتمبر 13, 2008 1:58 pm

شو يا شباب كيفكن كيف احوالكن

إلنا زمان ما شفنا كن

شو في شي بوادر درس واللا

هههههه

للبكلوريا شدوها بتعرفوا هالمعدلات نار جهنم

شدوها يلا

....................

mark السبت سبتمبر 13, 2008 4:46 pm

مسا الخير

كيف الشباب والصبايا كيف الدريسة

شو شايف الكل متدايق من المدرسة

والله مافي أحلى من ايام المدرسة مو هيك يا خيي سولي

موفقين انشالله

الحب وبس السبت سبتمبر 13, 2008 5:47 pm

هاي ياشباب ويا صباياوكل عا م وانتو بخير بمناسبة عيد الصليب صراحة أنا اليوم كل الوقت قاعدة بالبيت يا أما عالانترنيت أوعم بقرا رواية للكاتب البرازيلي باولو كويللو وانتو شو عم تعملو بهالايام

razor back السبت سبتمبر 13, 2008 10:21 pm

...................ز

أي والله معك حق يا خيي مارك

أحلى أيام هالأيام أيام المدرسي والدراسة لأنو مانا رح نحس فيها حتى نخلص دراسي ونتذكر فصولنا كل يوم مع الأساتذة

الله يعينن ع هالجيل شي بيشيب شعر الراس

خلونا ننبسط لأنو إسالنا هالسنا والللي بعدا وبس .....

موهيك

وإن شاء الله منشوفكن متل ما بتتمنوا في المستقبل

.............................

razor back السبت سبتمبر 13, 2008 11:07 pm

تصبحوا على خير يا شباب إن شاء الله منشوفكن بكرا

هلق فايت نام وأحلــــــم

يلا تصبحوا على خير خلونا نشوفكن ok

bye

..............................