المشوار.......

اتا بدي قول للاستاذ الزير هيدا كان رأيي وانت ماعجبك يلا مو مشكلة اصلا تصتفل بس انا حبيت اعطي رأيي وبس _وكمان انت شو بدك اذا كنت من صافيتا ولا من اليازدية ولا من اي مكان انا عندي رايي وعطيتوه وهيدا كل شي اذا بتدايق ماعاد بحكي شي

وانا محترم رأيك وبالنسبة لمنين انت تأكدي انو ما بيهمني بلمرة بلمرة مين ما كنت تكوني وايخر همي اي بليز حطفزي برأيك لحالك لانو رأيك موجه الي تحديدا واذا عندك الجرءة وكتير عيملي حالك يا لطيف حكيني وجه لوجه اي ولا تزتي حكي من فوق الاسطيح والشغلة مو شغلة اني ادايق الشغلة شغلة خلي الكلام واضح وبعدين ومعليش وين الغلط اذا عرفتي عن حالك بالنهاي القرار الك وياريت لا تخلي الموضوع يكبر أكتر من هيك

اي يا زير رح انسا كل القصة لانو ماالها معنا اصلا -بتمنا نكون رفقا لانو كل يلي صار بس رأي_وبعدين في عالم على المنتدى بيعرفوني وسال اذا حابب

اولا حابب قول اني من برات الياذدية من ضيعة من ضيع المشتى. بس أنا زرت الياذدية عدت مرات وحابب اقول الي عندب.
ياشباب انتو بضيعة هي أكيد جنة, ولو كانت ببلد أجنبي كان عملوا 20 فندق بالياذدية بس, الطبيعة المميزة والسد الرائع....................
بس (الجنة بلا ناس ما بتنداس) لازم تكونو مجموعة وحدة كبيرة وحلوة. خلال كل نزلاتي على اليازدية اتمنيت شوف نشاط واحد جماعي بكل الياذدية عملوا شباب الضيعة بين بعض انا في فكرة بدي اطرحا لمجرد المساعدة.
لما كنت بعمر 15 سنة كان المشوار عنا بالضيعة مقتصر على العجزة. الشباب الي كانو يحيو المشوار ما عاد عجبتون الشغلة ونحن الجيل الصاعد يلي كن نتلاقى 3 شهور الصيف بس كن جداد على الجو. وما منعرف بعض منيح لسا ففي عنا نبع بالضيعة هو صاير بالحرش جوا. فقررنا وقتا انو نستفيد من هالقعدة الحلوة. عمرنا غرفة صغيرة هنيك وخالي (بيشتغل حداد) عمل سور للمنطقة وبعض الادوات للاستخدام (طاولة-كراسي.......) وجبنا غاز صغير وكاسات للمتة وللشاي ومصاصات متة وشاي وقهوة وركاوي واباريق واراكيل وصرنا شي 8 شباب نجتمع يوميا نجيب مسجلة وعلى ضحك ورقص ونكت ولعب ورق وشطرنج هيك كل يوم للصبح وهدفنا تزيد الشلة ونتعرف على كل شباب الضيعة وصار هل الحكي, صارو الشباب يجو والمجموعة تكبر وتكبر وكل يوم رقص سكيتشات لعب ورق اراكيل دخان ننزل على الحراش نسرق تفاح. بعد فترة كبرت المجموعة وضمت 90% من شباب الضيعة فصرنا نظم الأمور ونمي اهتمامات بعضنا:
يلي كان يحب التمثيل يعملوا مجموعة ويعملوا شي مميز ويجو يقدمولنا ياه بالسهرة وكانت سكيتشات راقية جدا, الي عندوا شعر يقوم يقولوا والعالم كلا تهني وتعطي رقيا بكل موضوعبة, بالسنة الي بعدا صدقا كنا مثل الأخوة نظمنا الأمور فوق الخمسين شب وصبية نجتمع بحدود الساعة 8 نجهز الأراكيل والمتة والشاي والبزر والجوز والوز وبعدين نقعد شي حدا بيدق على الدربكة ونرقص نحنا وندبك ونغني مع الدربكة شوي تانية نعمل سكيتشات يجي وقت النكت بعدين منتعب من الجنان فمنقعد وخود على سير ومواضيع وعلى شي 12 بليل منطلع على المشوار رايحين من اول الضيعة لآخرى من تحدث منركض ورى بعض من. بعد فترة قررنا تكون نشاطاتنا موحدة اكثر وهيدا الي صار, صرنا ننزل كلنا سوا على دير السلزيان شلى وحدة وعيلة وحدة وقت النشاطات كل واحد بنشاطو (سلة- قدم- مسرح- شعر- غناء-موسيقى- كومبيوتر- بليارد- طائرة) وكان 3 ايام بالجمعة, بعد فترة حطينا ايدينا بايدين بعض وعملنا ملعب كرة قدم وملغب كرة سلة بالضيعة, وبعدين عملنا صالة بينغ بونغ عامة free.
والمشوار كبر والامور حلييت حتى بال2003 كان في خمسة ناجحين بكلوريا ومعدلات ال5 فوق230 رحنا مجموعة وطرحنا الموضوع على الشباب نجمع تبرعات ونعمل سهرة شبابية للناجين, وفعلا الأهل دفعوا قبلنا مشان ننبسط وجبنا DJ واكل وطوايل كراسي وسهرة بالعمر.
الفكرة انو شباب الضيعة بدون ما ينتظرو الكنيسة لتعملون مخيم هن قادرين يعملوا كشباب ضيعة وحدة لاقو منطقة عامة هي ملتقى عام لكل شباب الضيعة مو كل 5-6 سهرانين بيت شي واحد سهرة وحدة كل يوم بتلم الكل.
بالنهاية الولاد هدول اخواتكن اذا مو منهلق بلشوا ينزلوا على المشوار بس يكبروا بصيروا يحسوا حالون غريبين عن بعض, بعدين انتوا وجهون ليعملوا نشاطاتون وبكرا بيكبروا بتصيروا رفقاتون. لك بيقول المثل اذا كبر ابنك خاويه فكيف اذا كبر خيك.
بتمنالكن التوفيق من قلبي لأنو باعتقادي صار قلي رفقات كتير بالياذدية وصديق عمري كلو الانسان الأعظم بالكون المشكلة الوحيدة الي في انو يازداوي والمصيبة انو من بيت الياس والفاجعة انو فادي.
سلام للجميع.

منعتزر خيي سولي. حقك عراصي من فوق

ياسيدي أنشالله بيضل المشوار عامر والكل ينزل أي سمعونا الأخبار الطيبة من الأول .......
وستون غولد ولايهمك مقبولة بس ماعرّفتنا عن حالك مظبوط ....

أنا بصراحة ما بعرف كتير عن الضيعة وبصراحة أكتر ما بعرف أنو فيها مشوار
يعني ولا مرة سمعت أنو فيه حدا نازل ع المشوار إن كان كبير او صغير
يمكن جديد هالشي ويمكن لأ ..... مابعرف

mixx hooxs كتب:أنا بصراحة ما بعرف كتير عن الضيعة وبصراحة أكتر ما بعرف أنو فيها مشوار
يعني ولا مرة سمعت أنو فيه حدا نازل ع المشوار إن كان كبير او صغير
يمكن جديد هالشي ويمكن لأ ..... مابعرف

أهلا وسهلا فيكي عضوة جديدة معنا وبالنسبة لموضوع المشوار قديم كتيييير بالضيعة
من أيام بيي بذكر كانو يحكولنا عن المشوار....يعني المشوار بضيعن=تنا قديم كتيير
وأساه لهلق ...
وشو صبايا وشباب ماعد سمعنا شئ عن المشوار أنشالله تمام وعم تعجق متل العادة...