هل يتحلى الرجل بالصراحة مع زوجته أو امرأته

<HR style="COLOR: #c1d8fe" SIZE=1>

أنا برأيي مافي أحلى من الصراحة وحاصة بين الزوجين يعني بالنهاية الواحد اذا ماعندو شئ يخبيه ليش حتى مايحكي بصراحة وهالشئ أكد بوطد الثقة بين الزوجين ......بعدين اذا الزوج ماتعامل بصراحة مع الزوجة كمان ليزم يتوقع هالشئ من قبلها وهالشئ رح يزيد المشاكل طبعا بينهم لذلك الصراحة مطلوية من قبل الطرفين......
وأكيد مافي شئ أسمه كرامة ورجولة بهيك موضوع أبدا.....

هلق أنا ما بنكر أنو الزلمي كزاب بس مو متل المرا بالكزب والتلوفك وبس

هلق يمكن يكون معك حق انو الشباب في منون صادقين وكمان في منون كذابين(مع أحترامي لكل الشباب)
بس والبناتفي منون هيك وفي منون هيك بالنهاية صابيع الايد مو كلا متل بعضا صح؟؟؟؟؟؟؟؟؟؟؟؟؟؟

وشوفوا هالموقف الي بيصير بأغلب البيوت:
الزوج والزوجة قاعدين بلحظة صفا

مدري شو بيخطر ع بال الزوجة وبتسأل زوجا مثلا عن حياتو العاطفية قبل ما يتزوج

وما بيصدق الزوج انو يحكي عن هيك موضوع ادام زوجتو وبيبلش يظهرلا بطولات شي كان وشي ما كان وبيطلع اداما دونجوان عصرو

وبتتحرك الغيرة عند الزوجة المصون وبتطلع الشرارة من عيونا وبتبلش الحرب الأهلية بالبيت وهات ع زعل كذا يوم وبالاضافة الى انقطاع العلاقات الدبلوماسية

وبيندم الزوج عالساعة يلي عرض فيا بطولاتو العاطفية ادم الزوجة

بالنسبة لأي مشكلة بيتعرضلا الرجل فبشكل عام بيتمنى انو ما يحكيا لمرتو الا بعد ما تنحل هالمشكلة يمكن لأنو بيخاف انو مرتو تفقد ثقتا فيه فالافضل بالنسبة الو انو يظهر شطارتو بحل مشاكلو لحالو ع انو يبين ادام مرتو ع انو ناقص الحيلة وناقص رجولة

منشان هيك الزوجة يلي حابة تحافظ ع زوجا مو غلط تعطيه مساحة من الحرية او بالاحرى مساحة من الخصوصية وتشوف كيف فيا تحافظ ع زوجا وبيتا

بقا قلولي شو رأيكون

معك حق بس موضوعنا عن صدق الرجل والمرأة اي
برجع وبقل الزلمي كزاب لان ممكن مرتو تسألو وين كنت ولا كنت غداء عمل أو في شغل لعيلي راسي منشان هيك طفيت الموبايل بس المرة كمان مانا هيني اي ومارح احكي عن اكاذيب المرة