خاص:<<يلي بيحبو الياذدية>>..........

اولا احب ان أتوجه بشكر خاص لكل من ساهم بانشاء هذا المنتدى الرائع ولكل أعضاء الادارة.
واذا ابتسمحولي رح قدم اقتراح وبتمنى من الكل يشاركوني فيه وبلأخص شباب الادارة حتى اعرف رأيهم بالموضوع.
أنا ياشباب وياصبايا أصبحت مغترباً الان وهذا الموقع الجميل قدّم لي صلة مبلشرة بالضيعة وأخبارها وأهاليها,وعنجد كل مابفوت عالموقع بحس حالي كأني قاعد بالضيعة!! لذلك نحنا كمغتربين وكاعضاء في هذا المنتدى وكذلك كل عضو فعّال في هذا المنتدى<<ليش مابنعمل صندوق لمساعدته بتبرع مبلغ مالي بسيط من كل عضو في المنتدى >> وهيك منكون ردينا ولو جزء بسيط من الجميل يلي قدملنا ياه المنتدى...
يمكن البعض من المغتربين يقلي كيف بدنا انساهم بهالشئ فرضاً اذا كان المبلغ 50ل.س بالشهر كلفة تحويل المبلغ بتكلف أكتر من المبلغ, بما أنو نحنا مغتربين فأكيد عنا مين يمثلنا بالضيعة وفيه يقدم هالمبلغ لأحد أعضاء الادارة...
بتمنى من الكل يقدموا اقتراحاتهم على الموضوع وتساعدوا المنتدى ليكمل المشوار ويرفع اسم الياذدية لفوق

والله ياخيي يوسف غرض الموقع الأول هو المغتربين ونعمل هل موقع عهل اساس انو يكون في شي بيوصل شباب الضيعة هل مغتربين بضيعتون ويعرفو اخبارا ويحكو مع اهلن واحبابن وانا اول واحد بساهم بالتبرع وانا ببتمنى من كل الموجودين هون بالأمارات اذا بحبو يتبرعو انا بهتم بهل شي هنن يوصلولي التبرعات وانا بتكفل بعتن للموقع او للمدير واهم شي الأنسان يشتغل لضيعتو واهلو وناسو.............

انا موافق بقوووووووووووووووة
و انا اتبرع بحمل مسؤولية الصندوق يا مجد و لم التبرعات بس انزل عالضيعة اذا ما عند الادارة مانع او ما في شخص ممكن يقوم بهالشي

و شكرا

وأنا أكيد موافق

فكرة حلوة
وبحب بشرك يا يوسف نحنا هون بالامارات عم نشتغل عل مشروع :جمعية مغتربي اليازدية لدعم المشاريع الاجتماعية و الثقافية و الخيرية
وهيك رح يكون اشمل و اوسع و بساهمة رمزية شهرية

وانشاء الله خلال فترة قريبة رح ينطرح بالمنتدى و بكامل التفاصيل

شكرا

حلو يا زياد
خبرونا بالتفاصيل قريبا
الله يقويكون

فكرة حلوة كتير يا شباب والله يقويكن

وانا شخصيا بشكركن ونشالله بينجح المشروع الي متشتغلوا علاه

فكرة الجمعية حلوة كتير ياشباب, وبنتمنى اتخبرونا التفاصيل عن قريب وانشالله ننتقل الأمور حتى تصبح بشكل عملي ومايضل حكينا حبر على ورق...وبتمنى أنو يكون في مشاركة أكبر من المغتربين لوضع أرائهم حول هذا الموضوع..

بالنيابةعني و عن اهل الضيعة بشكركن يا شباب الغربة لانو هلق نحنا بالضيعة صرنا حاسين بوجودكن و كانو انتو مانكم مسافرين ابد
وانا باي انو نحنا بالضيعة من شباب و صبايا لازم النسام و لو بشكل رمزي لانو 100 هو200 مانا مشكلة
وفقكم الله انما ذهبتم

ياشباب بتمنى من الكل ياخد الموضوع على محمل الجدية.......
واذا في مجال كل شخص يبدي رأيه في الموضوع أن يرفقه بمجموعة من الاقتراحات......
ورح ساعدكم شوي:
1_ كم المبلغ الواجب دفعه على كل شخص فعال في هذا المنتدى<مع مراعاة انّ هذه مجرد اقتراحات>
فهذه الاقتراحات ليست الزامية لكل شخص بالمنتدى..بالنهاية الهدف الاول والاخير من طرحي لهذا الموضوع هو رد جزء من هذا الجميل العظيم الذي قدمه لنا المنتدى.
2_ سيتم الدفع بشكل شهري_سنوي أو......
3_من سيستلم<مارح سميها نقود> هذا الرعبون من الشكر.
4_ كيف سيصرف هذا الرعبون ,مثلا: تحديث البرامج في المنتدى, تطوير شبكة المنتدى,صيانة.......
5_ هل نستطيع تقديم المساعدة بطريقة أخرى؟ غير النقود مثلا.<< بس بعتقد انو 150ل.س مثلا بالشهر مارح تكسر حدا لااذا كان من المغتربين او من سكان الضيعة ..........>
6_ بالنسبة لموضوع المغتربين,من سيتكفل بجمع المساعدات . لانو بالصراحة لما بدنا نتحدث عن المغتربين بالامارات مثلا,صحيح الامارات صغيرة ويمكن شغل الواحد مابيبعد عن الثاني من <دكانة نبيه النجمة لعند كافيتيرية أبوعصام>> بس صدقوقوني كل مين عشغلوا الله يعينو وبيوم الاجازة بيجي من الله لانو بيكون مكسور عنوم...وهيك ماحدا بيفضى يشوف الثاني ميشان هيك بتمنى من الشباب يقترحو شي حل لهالموضوع.
________________________________

هذه مجموعة من الاقتراحات بتمنى اتشاركوني بوجهة نظركم فيها واتزيدوا عليها لحتى انتمم هالموضوع وانبلش فيه بشكل عملي انشالله يحصل على رغبة واراء الجميع.. بالنهاية بحب ذكر الكل هيدا الشي نحنا ككل المستفيد الأول والأخير منه............

يوسف بالنسبة الي انا مع اي عمل ممكن يدعم الموقع وباي شكل كان مو بس المادي( مو معناتا ما رح ادفع منشان ما حدا يفهم غلط )

الفكرة حلوة والموقع بيستاهل هوي و الشباب اللي عم يتعبو منشانو هيك ويمكن اكتر من هيك

ويا ريت يا زياد اذا ممكن تعطينا فكرة عن النقطة اللي حكيتا حضرتك

وشكرا على هالافكار الحلوة يا يوسف

كلام جميل جداً
وأولاً وأخيراً الموقع موقعنا كلنا, وكلما عطيناه بيعطينا, وبيرفع اسم الضيعة لفوق
وبعتقد إنو الأمر سهل جداً , أكتر المغتربين إذا ما قلت الكل شهرياً عم يحولو مصاري عالضيعة, فإذا اللي بيحب يشارك بيخبر أهلو يوصلو المبلغ , ومو شرط شهرياً , بيقدر الواحد يدفع عن أكتر من شهر.
وشكرا يوسف عالموضوع الخيري.

يوسف

اول شي خليني قول انو يا ريت ما نسميها تبرع او مساعدة
لانو انا برايي هيدا واجب علينا كلنا

بالنسبة لكمية الاشتراك ما فيك تحددا, حتى لو انو 150 ما بتكسر حدا, ومع ذلك ما فيك تحددا
و بالنسبة كيف بدها تنصرف, طبعا الادراة هيي اللي بتحدد و بتتصرف بالموضوع
احنا علينا نقدم اللي منقدر عليه
و متل مانك شايف الشباب مو مقصرين بشي الله يقويهون

و بالنسبة للجمع, انا تبرعت بسوريا لما انزل بالصيف اعمل الحملة
اذا بدها الادارة هالشي, انا جاهز

و شكرا مجددا و الله يقويكون

أنا برأيي الحل الأفضل والاسهل أنو يتم الموضوع بسوريا ونكلف واحد بيوم عطلتو يقوم بهالعملية

ونحنا هون منتكفل بأرسال المصاري لأهلنا منشان يقوموا بالواجب

و هون بالمنتدى منعمل لائحة بأسماء الشباب بالمنتدى وطبعا بتساعدنا بهالشي إدارة المنتدى

وهي أنا رح حط اسمي أول شي:

فادي سعاده الياس

يا شباب الموضوع سهل جدا هنام\ك احتمالين:
1_الاول هو انو وقت بتجو على الضيعة واحد منكم بيلم التبرعات و حسب اعتقادي اكثر من واحد تبرع
2_الاحتمال الثاني هو انو وانتو هونيك تلمو مبالغ حسب قدرة كل شخص بدون و ضع مبلغ معين
وانا حابب اطرح على ادارة االمنتدىانونشارك نحنا شباب الضيعة بي ها الشئ امنو نحنا نعمل تبرعات شهرية في الضيعةة

خيي عمودي أكيد واجب ليش مين قال غير هيك أساسا ليش طرحت الموضوع وأول شئ ذكرته أنو علينا أنرد ولو جزء بسيط منالجميل يلي قدملنا ياه المنتدى ...
بعدين أنا ما حدّدت أنا طرحت الرقم كمثال وكتبت بعده وبين قوسين أنو هيدي اقتراحات بس ميشان شجعكم لحتى اتساعدوني واشوف أراء أكثر من شخص بهالموضوع لأنو مثل ماشفت الاراء السابقة أشتملت على الموافقة فقط بدون طرح أية أراء أو اقتراحات حول الموضوع ,وهدفي كان من وضع رقم أيضاً ووضع فترة زمنية معينة هي بدافع التنظيم
لأنو هلق الكل يمكن يهبوا مرة وحدة وبيصير الصندوق لمرّة وحدة وبينتسى الموضوع بعدين..........

وبالطبع لمّا منحدّد المبلغ والفترة ويلي أكيد ما حدا ملزم فيها لأنها واجب علينا كيزداويين كما ذكرنا من قبل..
وبرجع ابذكر أنو هذه كلها اقتراحات لحتى انوصل بنهاية الأمر لشي منظم وبيشمل أراء ورغبة الجميع..
وبالنسبة لموضوع صرف المبلغ أكيد هالشئ بيرجع للادارة بس أنا ذكرت هالاقتراح بالذات لأني بعتقد انو في كتير من الأعضاء بالمنتدى رح يفكروا أنو شو لازملو للمنتدى مصاري مثلا وما بيعرفوا أنو لازملو تطوير وبرامج وصيانة...
ولو الادارة طرحت شو هيي مستلزماتها أو احتاجاتها بعتقد أنو موضوع الصندوق كان انطرح من زمان وللاّ لاءء
مشان هيك اطرحت هالاقتراح ميشان انفهّم الكل ونشجعهم على المشاركة بالموضوع..

ويا كوكو أكيد أنتو شباب الضيعة لازم اتشجعوا هالشئ بالنهاية الأمر الكم أسهل عالقليلة فيكم تجتمعوا بيوم عطلة
وبتمنى منك أنو تجتمع مع شباب منتدى الضيعة وتقترحوا بعض الاقتراحات بهالموضوع واتردوا علينا خبر....
وهيك انشالله ايد بأيد نحنا شباب الضيعة منتمم هالموضوع ومنرفع اسم اليازدية لفوق............

مشكورة نواياكم افعالكم ومحبتكم مع انه لا شكر على واجب فهذا واجبكم
اولا اليازدية تقوم على ابناءها المقيمين والمغتربين
الموقع والمنتدى هو شكل من اشكال تواجد هذه القرية وب التالي كثر هي الناس يلي تحب ان تطور هذه الاشكال
الاخ العزيز يوسف طرح موضوع الدعم المادي وهو مشكور
وهنا اسمحوا لي ان اقول
الموقع والمنتدى بحاجى لكل ابناءه المقيمين والمغتربين لتقديم كل اشكال الدعم وهو يشكر نواياكم وهنا اقول لكم باننا لن نتدخل بالصيغة التي ترونها مناسبة
وانا طرحت الموضوع اكثر من مرة بانه عندما تكون هناك تبرعات بدرجة جيدة سيكون هناك بيان مالي متواجد بشكل دائم يمكنكم الاطلاع عليه باستمرار بالاضافى لميزانية ستوضع وتطرح للنقاش
من واجبي انا اقول بان الموقع قام على اكتاف المقيمين اما المغتربين فمشاركتهم كانت خجولة جدا وتمثلت باخ عزيز وكريم واحد فقط لا غير
وهنا سافيدكم علما بان الموقع يقوم بنشاطات تعليمية ودوائية ومساعدات مالية بالقرية بسرية و بعلم اشخاص محدودين
مع شكري الدائم لمحبتكم

مشكور ياأخ سامر على هالرد بس بتمنى تشكرنا على نوايانا لأنو الأفعال أسّا مابيّن منها شئ.
ومثل ما بنعرف مشوار الألف ميل بيبدى بخطوة واحدة وأكيد المنتدى قام بالخطوة الأولى بنجاح باهر,وهون بيكمن دورنا نحنا كأعضاء في المنتدى لحتى نساعد المنتدى ليكمّل المشوار..
الموضوع انطرح بس للأسف مو كل المغتربين أعطوه الأهمية اللازمة أو يلي كنت متوقعها أنا بالذات.
ومثل ماذكرت سابقاً أنو التقاء المغتربين هون صعب وشبه مستحيل وهو السبب الرئيسي يلي عم يعيق التقدم بهالموضوع
ولذلك رح قدّم الحل الأنسب وهو التبرع عن طريق الأهل,وانشالله اليوم رح يوصل مني مبلغ رمزي للأخ مجد على شكل شهري ولا تواخذنا يامجد لأنو منحملك هالمسؤولية.
وبتمنى من كل المغتربين يخطو هالخطوة,وكذلك المقيمين يضمّوا صوتهم لصوتنا
وهيك أيد بأيد منكمّل مشوارالألف ميل............

أنا موافق عالأخير

أنا موافق على هذا الشيء لأن هذا الشيء سيرفع أسم الضيعة

شو يا شباب مبين انو الكل جاهز لهل الموضوع يلي اقترحو يوسف بس لحد الان ما وصل شئ لادارة المنتدى غير من يوسف مقدسي
يعني حسب ما شفت انو الكل وافق على الموضوع بالكتابة بس وين الافعال
لانو يا شباب ادارة المنتدى بتدعم المنتدىبقد نحنا ما مندعمو
نحنا من خلال التبرعات ممكن نقود الضيعة الى الافضل
ويا شباب عدم الماخذة انا ما عندي شئ شخصي بس عنجد لازم نتصرف

يعني ياخيي بوش ماعد ناقص غير نمد ايدنا و.............وفهمك كفاية ..
ياشباب بدي منكم شغلة وحدة بس :::::
كل مين بيقرا هالموضوع اذا بتريدوا مابدي رأيه فيه كنو بيوافق وللا لاء بس بدل مايكتب رأيه يروح بطريقة أو بأخرى يوصل تبرعه للأدارة وهيك بتكون كلمته وصلت منيح وكترت .............
بقى ياشباب أنا ماني طارح استفتاء رأي أنا طالب أداء واجب وشكرا وبعتذر اذا في حدا انزعج من كلامي........

ملاحظة: لمن يريد المساهمة أو الأستفساران يتّصل بالأدارة بتصور انها جاهزة وبجدد شكري من جديد..........

حبيت أرجع أحيي الموضوع من جديد وذلك لسببان:

الأول : متل ما الكل ملاحظين تزابد الأعضاء في المنتدى وذلك بشكل سريع وهذا الشئ أكتر من جيد فمنذ أن طرحت الموضوع وحتى الأن زاد عدد الأعضاء في المنتدى بنسبة 52 عضو في مدة لا تتجاوز 40 يوم أي بنسبة عضو كل يوم تقريبا وهذا شئ عظيم جدا ان نرى هذا النمو السربع في المنتدى وهذا ان دلّ على شئ فهو يدل على السمعة الطيبة لهذا المنتدى وأقبال الناس أليه.....هذا من جهة ومن جهة أخرى تزداد المسؤلية على أدارة المنتدى والأعضاء المشرفين مرتبطة بهذا التزايد السريع وكذلك فهم مسؤلون على تطوير هذا المنتدى وتوسيع نشاطاته بقدر هذا النمو فلذلك أعيد طلب الأقتراح المادي لهذا المنتدى بهدف مشاركة الأعضاء للأدارة والرقي معا بهذا المنتدى الجميل فأرجو الأقبال العملي من قبل الأعضاء الجدد والقدماء بهذ الواجب.......
الثاني : ككل شخص في هذا المنتدى أو عضو فيه من أهالي اليازدية الأحباء يعلم بقدوم المهرجان السنوي لقرية الياذدية وهو بالطبع يحتاج للكثير من الأعداد والتخطيط بالنسبة لأدارة المنتدى ان كان بشكل التفرغ لأعداد التخطيط أو دعم جميع نشاطاته ماديا فبالنهاية يا أحبائي هذا المهرجان الذي سيرسم البسمة على وجوه كبارنا وصغارنا ليس من مسؤولية هذه الأدارة ولكن هم تعاهدوا فيما بينهم بأن يقدمو الأفضل فالأفضل لهذه الضيعة الجميلة والرقي بها فليس من واجبنا نحن أن نقدر هذا الأمر أيضا نحن أبناء هذه القرية ونساهم بالتبرع لهذا امنتدى وأشدد على كلمة االمنتدى فالتبرع هو للمنتدى ولا يظن أحد أنه يتبرع لأعضاء الأدارة هذا المنتدى الذي لمّ شمل شباب وصبايا اليازدية من جديد .
فأرجو من الأعضاء الكرام المساهمة الفعّالة في هذا الواجب وشكرا من جديد لكم وللأدارة على هذا الموقع الجميل..