عملية حسابية ارجو المشاركة في الحل

ثلاث شباب كل يوم بياكلوا بنفس المطعم وكل يوم بيطلع حسابون 75 ليرة اجوا يوم واكلوا وطلع حسابون كمان 75 ليرة يعني كل واحد بيدفع 25ليرة .
وبعد ما دفعوا كل واحد 25ليرة قررصاحب المطعم انو يعمول خصم للشباب اليوم
فرد لكل واحد ليرة ليرة عالماشي يعني دفع كل واحد 24 ليرة
والشباب انبسطوا فقرروا يعطوا بقشيش للشغيل بالمطعم فعطوه ليرتين (2ليرة )
هلق كل واحد دفع 24 ليرة وعطوا الشغيل 2ليرة يعني
24+24+24+2=74 ليرة

الشباب دفعوا 75 ليرة بس المجموع طلع 74 ليرة يعني في ليرة ضايعة
وينا هاليرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بلشوا الحل وفرجونا شطارتكون

القصة ومافيها
أنو صاحب المطعم رجعلهم 3 ليرات وهني عطو من هالتالتة 2 بقشيش أذا الليرة الأخيرة أخدوها معهم والعملية صحيحة هيك

24+24+24+2+1=75

مو صح ؟؟؟

بس بدك تدلني ع هالمطعم الي الواحد بياكل فيه بـ25 ليرة

تحياتي

اسمحلي يا بيدو
النكتة اللي قلتا فيها غلط
لانو لما صاحب المطعم رجع لكل واحد ليرة ليرة ليرة, معك حق, صار كل واحد دافع 24 ليرة
بس لما قرروا يعطوا الجرسون ليرتين بقشيش, في تنين منون رجعوا دفعوا ليرة و ليرة يعني ما عادون دافعين 24, صاروا دافعين 25
و الحل :25 + 25 + 24 + 1 (الليرة اللي ضلت مع الشخص التالت) = 75

بس يا حبيب انا الحزورة بعرفها غير هيك
الحزورة على الشكل الاتي
3 شباب راحوا على مطعم, اكلو و شربوا, و طلع حسابون 25 ليرة
شال كل واحد منون 10 ليرات و عطوها للجرسون, يعني دفعوا 30 ليرة
اجا الجرسون بدو يرجعلون 5 ليرات, صح؟
رح شال ليرتين حطون بجيبتو, و عطا لكل واحد ليرة ليرة ليرة
هون صار كل واحد منون دافع قديش؟؟؟؟؟؟؟؟؟؟؟ 9 ليرات
حسبها هلق: 9+9+9+2 (الليرتين اللي مع الجرسون) = 29 ليرة
هلق وين راحت الليرة؟
فرجيني شطارتك تشوف
و اسا في حزورة تانية اصعب منها, بس حل هاي تشوف بالاول

يا خيي عماد هيي على نفس المبدأ وأنا بعرف الحل بس خلينا نشوف الشباب والصبايا اذا بيعرفوا يحلوا


وعلى فكرة جوابك غلط يا الملاك الابيض

يعني جوابي صح؟

يا خيي عماد جوابك كمان غلط شوي اذا بسألوا شي استاذ رياضيات بيعطيكون الجواب الصحيح لان الجواب الو علاقة بعلم الرياضيات