لا تسافر يا حبيبي ( أغنية )

لا تسافر يا حبيبي


كل مرة بيسافر وبيقلا هي آخر مرة
وقبل ما يسافر إجا لعندا وقلا


دق باب السفر عقلبي وقلي تعــا
جايي تقلّك بعد يومين رح روح
بيصعب عليي عيونك ودّعــــا
قلبي صار من السفر مجــروح


بتقلو هيي


لا تسافر يا حبيبي دوبني السفر
دموعي ومكاتيبي بتبكّي الحجر
من قلبي المجروح من صوتي المبحوح
بندهلك لاتروح ضلك يا قمــر


يا ضلك عطول يا خدني معك
قلبي هالمشغول دقــــــاتو إلك
لا تترك هالقلب وتضيع هالدرب
والله السفر صعب عكل البشـــر


لا تقلي قدرنا نبقى دوم بعــاد
والزمن غدرنـا وحرمنا الأعياد
كلو بإيدينــا تفرقنا وبكينــــا
نحنا اللي نوينا شو خص القدر


المراسيل الحزينة بتشهد عالغياب
بعدك بيبكيني ارحمني من العذاب
لا لا تبعد عني بعدك بيجنني
لعيونك رح غني تيحن الوتـــر


ياما على غيابك دوبني العذاب
شو نطرتك عبابك ترجع بعد غياب
أوعى تعيد الكرّة هيدي آخر مرّة
والله الفرقة مرّة وقلبي مش حجــر



كنعان الياس كنعان

حبيبي يا كنعان ولله انك انسان شاعر ومشكور يا غالي

حبيبي حسام شكرا الك

abo al zoz كتب:عزيزي كنعان كتير حلو كلامك الفراق صعب والأصعب انو نفارق شخص فارقنا بالجسد وضل ساكن بالروح ويمكن نتحمل فراق شخص بس ما نتحمل يكون قدام عيونا وما يكون ملكنا و بنحاول نهرب يمكن ننسا بس طيف الحب بيضل يحوم حوالينا اشبه بروح معذبة وبحاجة للخلاص وبالرغم من كل شي الحياة لازم نعيشها بكل اشكالها والله يسعد الجميع

العزيز أبو الزوز

شكرا لك على ردك الجميل , نعم الحياة مستمرة ولا تقف أمام أي فراق أو لقاء, فالربيع آت رغم أنف الخريف
شكرا لك.

يسلم هالتم خيي كنعان لامست كلماتك الجرح والله ألف شكر خيي كنعان.......

Souli...Y,M... كتب:يسلم هالتم خيي كنعان لامست كلماتك الجرح والله ألف شكر خيي كنعان.......

الجرح من كلماتك بيشفى --- ما بيحتاج حكيم ومستشفى
اذا كنت بردان بعتم أيلول --- من جمر قافيتك أنا بدفــــا

شكرا خيي يوسف عردك الجميل

الجرح من كلماتك بيشفى --- ما بيحتاج حكيم ومستشفى
اذا كنت بردان بعتم أيلول --- من جمر قافيتك أنا بدفــــا

شكرا خيي يوسف عردك الجميل[/quote]

احساسك للجرح بلسم من الوفا........والقلب بحضن كلماتك غفى
انت المحبة يلي ما بتعرف جفا........وبعمره أيلول من غيمك صفا


شكرا ألك عزيزي كنعان على هيك أشعار ومحبة......