عندما يتغير عليك أعزالناس؟"؟

عندما يتغير عليك أعز الناس.....؟؟
انسان عزيز عليك.....
تقضي معظم اوقاتك معه....



في يوم من الأيام تجد تصرفاته غريبة.....
وعندمايفتح هاتفه النقال.....
يجد.......
المكالمات ام يرد عليها=؟
الرسائل الواردة=؟
وتكون هذه الأتصالات منك انت.....
لكنه لايرد على أتصالااتك....
أو على رسائلك....
وقد كان الانسان الذي تشكو له همومك.....
وتسعدك ابتسامته الرقيقة.....
وكان يهتم بك....
ولايقدر على فراقك....
وحالك لايصبح افضل الا بلقياه....وسماع صوته كل يوم......

بين ليلة وليلة انقلب حاله...
وتغيرت تصرفاته...
كأنه لم تكن بينكما علاقة وطيدة تجمعكما....

ماذاستكون ردة فعلك تجاهه.....؟؟؟؟؟
هل تحاول معرفة السبب....؟؟؟؟
وماذا ستفعل.....؟؟؟؟؟؟؟
وهل مررت بهذه التجربة من قبل....؟؟؟؟؟؟

طبعا معرفة السبب هو اول ما افعله اذا حصل الذي قلت عليه
لانه وكما وصفته في بداية الامر, فهو شخص عزيز جدا
ويجب ان يكون هناك سبب لما يفعله

و اكبر خطا قد يرتكبه صديقين في هكذا حالة, هو التعامل بالمثل
عندها سياتي يوم سيتنهي كل شي

دائما كن المبادر فيما يتعلق باصدقائك, فلا احد عارف ما في القلوب
و شكرا

أول شي بعملو طبعا أذا صار معي اللي قلت عنو هوي معرفة السبب متل ما قال خيي عماد
وبعدين لكل حادث حديث

والله مثل ما اتفضلتوا وقلتوا الكل بدو يعرف السبب ومثل ما بيقولوا اذاعرف السبب بطل العجب فمثلا انا مريت بهيك موقف من قبل يعني اذا بدنا نحسبا بالتحديد من 10 او 11 سنة وكانت النتيجة اني طردت من بيت صديقي وكان السبب تافه وما الو اساس من الصحة بس كتر الحكي هوي يلي كبر الموضوع فانا بدي اسال كل سخص يحاول يتصور نفسوه بهيك موقف ويتفضل ويقلنا شو بدو يتصرف وشكرا

اكيد لازم يكون في سبب حتى اعز الناس عندك يتغير وبتصور اذا عنجد انت كمان اعز الناس بلنسبة اليه مالازم يتغير حتى لو شو ما كان السبب اما اذا كان عم يوهمك انك اعز شي بلنسبة اليه فهيدا شي تاني لان بيصير يسدء اي كلمة واي شي وانا شخصيا صارت معي متل هيك قصة ومن اعز الناس عندي

بالواقع موضوع كتير مهم
واللي بياكد هالشي انو كل المشاركين قالوا انهم مروا بهيك موقف
بس كل قصة والها تفاصيلها وما بنقدر نحكي بشكل عانم بهيك موقف
فالشخص بيلعب دور والاشكال وطبيعتو بتلعب دور
بس لازم يكون في مصارحة مباشرة وسريعة لانو اهمال اي اشكال حتى ولو كان صغير ممكن تعمل جرح وشرخ صعب يتداوى
واذا الطرف التاني قرر انو ينهي العلاقة بيكون هوي مفتعل قصة منشان ينهيها
بس بكرر دق الحديد وهوي حامي

بصراحة يا خيي مجد معك حق بلي قلتو ولازم الواحد يدق الحديد وهوي حامي بس انا برأيي انو كل مشكلة ولها حل بس المشكلة ما بينوجد لها حل بس تكبر وتخرج عن نطاق السيطرة واكيد هيك مشاكل بتكبر وما عاد فيك تتحكم فيا بسبب كثر الحكي يعني مافيك تقول اذا ماكبرت ما بتصغر يعني اذا كان في مجال انو الواحد يحل المشكلة فبسبب كثر الحكي ما بينوجد حل

[b][font=Tahoma][size=21][color=#1f497d]أعز الناس كلمة كتير حلوة ومعبرة [/color][/size][/font][/b]
[b][font=Tahoma][size=21][color=#1f497d]بعتقد متل ماقالولك ياSWEETY[/color][/size][/font][/b]
[b][font=Tahoma][size=21][color=#1f497d]لازم تعرفي السبب وأنت الوحيدة إللي ممكن تعرف لأن أعز الناس يعني شخص كتيير مقرب إلك أما إذا تغير بدون سبب ممكن يكون كرمالك لأن متل ماعرفت أنت طالبة وممكن حدا طلب منو منشان مايلهيك عن درسك[/color][/size][/font][/b]
[b][font=Tahoma][size=21][color=#1f497d]أو ممكن وللأسف بقلك أنت ماكنت أعز النس بالنسبة إلو وإذا كان هيك فهالشي لمصلحتك [/color][/size][/font][/b]
[b][font=Tahoma][size=21][color=#1f497d]بالأخر أنت فكري وبتعرفي ليش وبتمنالك كل الخي بحياتك وبدرسك انشالله[/color][/size][/font][/b]
[b][font=Tahoma][size=21][color=#1f497d]سلام [/color][/size][/font][/b]

ممكن من خلال تعليقي تعرفيني وأحسن شي تعملي هالشغلة لازم تعرفي السبب أول شي
بعدين طنششششششششششششششششششي عرفتيني مو عملي هيك ورتاحي

أنا بدي أعتذر منكم جميعا لان رأيي رح يكون مخالف لأرائكم لان وقت صديقي او شخص هوي أعز الناس
رح يعمل معي هيك موقف وكمان صار معي هيك موقف بس اللي بعرفه اني أنا ما غلطت بحق الطرف التاني يعني انا ما عليي اي ذنب وبيتخذ هوي موقف لحاله من دون ما يواجهني ما بيهمني أعرف ليش؟؟؟؟ لان الصديق الحقيقي او اللي بتعتبره أعز الناس اذا معدنه 100 % وفاء هوي بيخبرك عن السبب قبل ما يتخذ هيك موقف ومتل ما اجى بيجي غيروا مع اني لا أحب تعدد الصداقات بس انا ذمتي طيبة قدام ربي وما غلطت بحقوا
وشكرا

انا معك يا وردتنا باللي قلتيه
بس اذا بيهمك امر الشخص ليش ما بتسالي عن سبب زعلو؟؟؟؟؟؟؟؟؟؟
ام هوي الكبرياء اللي منعك؟؟؟؟؟؟؟؟؟؟؟؟

اكيد عزيزي مجد القصة لا قصة كبرياء ولا شي ولو القصة كبرياء ما برجع بحكي معوا وقت بتواتيني الفرصة لاني متل ما قلت انه انا نيتي بريئة وصافية تجاهوا وما غلطت بحقو مع اني بسأل دائما وبعرف كل اخباره دائما وببقى على طول بطمن عنه وبوصله سلام
بس اذا هوي عزيز عليي كل هالقد وانا عم أعمل كل شي حتى اعرف اخباره معناتها مكانته غالية عندي بس وقت بحس انه هوي ما عم يستجيب فهل شي بيدل على انه انا مش عزيزة عليه واذا القصة صارت هيك فقلت انه الاصدقاء بيجوا وبيروحوا وما في اكتر من الناس الطيبة بهل الدنيا بس كرامتي عندي اغلى من شخص عزيز اذا هوي ما بدو يبادلني نفس المعزة

والله يديم المحبة

يا جماعة حكيتوا كتير بهالموضوع ولشو توصلتو بالنتيجة متل ما قالت وردتنا الانسان نفسو عزيزة عليه وهيدا شي اكيد وما حدا بيتنازل عن عزة النفس بس بدي وضح شغلة صغيرة وممكن تكون الجواب الشافي لهالموضوع فأنا برأيي انو ما حدا منا بيحطا واطيي وبيرجع بيحكي مع الشخص الزعلان منو بيقلك الواحد اي خليه هوي يجي ويحكيني انا مابروح ولا بحكي معو وهيدا الواقع ويلي عم بيصير وبيكفينا نزايد على بعض

عملي متل ما قال خيي MIKHAILعرفي السبب وطنششششششششششششي

موضوعك يا sweet girl مهم كتير ولو أجا ردي متأخر بدي أسألك وياريت تجاوبيني بصارحة أذا اتغير أعزززززززززززززززززززززز الناس عشخص من دون سبب وكان هوي يحاول أوقات يأذي بس الشخص التاني كان يطينششششششششششش ويقول بسيطة بس أعز الناس ضل يتغير معو شو فيه الواحد يعمل بهيك موقف
((((ياريت يوصلني جوابك بسرعة أو أي حدا بيحب يقلي شو بدي أعمل))))

هلق أعز الناس عليكي مو رح يتغير اذا ماكان صايرلو شي
طيب أنت حاولتي تعرفي شو السبب
اذامتغير معك بس أكيد بدو يكون متدايق منك عشي أنت عملتيه وزعجتيه فيه
أما اذا متغير مع الكل بهالحالي بدك تشوفي شو الظروف الي هوميمرق فيا أو شو السبب الي خلاه يتغير معكون واذا أعززززززززززززززززززززز الناس متل مانك متقولي فنصيحة با pink girlعرفي السبب وبعدين شوفي شو الي بيريح الطرفان وعملوه

ليش شو صاير مع sweetgirl و pink girl ممكن نتعرف مين متغير مع مين منشان نحل اللغز
بس بتمنا ميكون التغير منشان ابو وديع و كلشي بعدين هين و بينحل
بتمنا انكون تخبرونا منشان نسيعدكون
وانا ناطر رد كون فكرو منيح بالي صاير معكون

يا خينا الطير القصة مو بالضرورة تكون بيني وبينsweet girl أنا سألتا لأنو هيي اللي كتبت الموضوع
((((بتصور أنا كتبت شو صاير معي وفيك ترد عللي كتبتون أنا وبتمنى ماحدا يحلل الموضوع متل ما بدو))))
((((وقت بدو يكون في شي بيني وبين sweet girl منحلو بين بعضنا لانو ماحدا الو علاقة بيناتنا ))))

نشالله ميكون مي شي بينك وبين sweetgirlواكيد وقت بدو يكون في شي بتحلي بينك زبينا
بس انا مكنت منتبه انو الموضوع صفحتين ؟

أنا مرقت بهيك حالة........
وإذا بدك نصيحتي رح قلك متل أخواتي الضبع ومخائيل!!!!!!!!
..........طنننششششششششي..........

والله يا شباب الظاهر انكن ما انتبهتو عا اسم الموضوع منيح (عندما يتغير عليك أعز الناس) لان مابتصور ان الي بيتغير عليه اعز الناس عليه بيطنش وما بيهمو واذا هيك لازم يكوب اسم الموضوع (عندما يتغير عليك احد الناس) والي بيطنش بيكون عم يضحك عا حالو

بدي ابدي اعجابي بنباهتك ودقتك بالقراءة والتصفح يا عاشقة اليازدية

يسلمو خيي مجد كلك زوق

شكرا لهالتعليق يا عاشقة اليازدية بس لمن بيتغير هيك لله لا بالله أنا ما بخضعلو
يا أما يقول السبب أو يصطفل لمن بحب يرجع اهلا وسهلا نحنا فاتحين قلوبنا لكل الناس

نحنا قلنا أول شي يا عاشقة الياذدية اعرفي السبب بعدين طنشي