أنت القصيدة

أنت القصيدة


أنت لي رغم كلّ الاعتراضات
ورغم كلام الناس..ونظراتهم
وجميع الأحاديث والثرثرات
أنت لي ..ومن بعدك ياحياتي
ما معنى الحياة...

سأظل أنظم لعينيك شعراً
لو نفذ قرطاس العالم كله
وجفّ المداد من الدواة
وسأخترع لك أبجدية جديدة
إذا اندثرت جميع اللغات

أنت في الدنيا رجائي
أنت وعدي الذي سيثمر
أنت صيفي و شتائي
وأنت ربيعي المزهر
من بعدك محوت
كل الأسماء
من كل الحكايات



في الأرض أعاجيب كثيرة
وفي كل مملكة أميرة
إنما أنتي أميرة كل النساء
وحسنك منزل من أعلى السماء
وبعدُ ... أنت معجزة المعجزات


أنت لي يا حبيبة عمري
ويا سيّدة السيدات
يا قنديلاً يضيء عتمة أحزاني
في الليالي المظلمات
يا كلّ شيء لديّ
وأجمل شيء لديّ
يا أروع ما كتبت من كلمات


أنت لي ..ولك القصيدة
وحياتي كلها ..أحلى قصيده
طالما ..أنت من ينظم فيها
إيقاع المفردات



كنعان الياس كنعان

رااااااااااااااااااااااااااائعة و اكتر كمان
سؤال بس: هيدي من تاليفك يا كنعان؟
اذا تاليفك, الله يقويك اكتر و تعطينا اكتر و اكتر
عنجد حلوة

[quote="yazdawib7a2"]رااااااااااااااااااااااااااائعة و اكتر كمان
سؤال بس: هيدي من تاليفك يا كنعان؟
اذا تاليفك, الله يقويك اكتر و تعطينا اكتر و اكتر
عنجد حلوة[/quote]

شكرا لك على المرور الكريم وعلى إعجابك بالقصيدة
نعم إنها من تأليفي ولدي قصائد أخرى كثيرة بالفصحى والزجل وأيضا روايات
سأنشرها جميعها في موقع ضيعتي أتمنى أن تنال إعجابكم.
وشكراً .

شكراً لك
لقد اخذنا باقتراحك بانشاء منتدى للشعر وللزجل ويسعدنا ان تشرف عليه
مع الشكر

الله يقويك يا سيدي
كتير حلوين, و احنا ناطرين شو عندك بفارغ الصبر
على فكرة, و بصراحة يعني, انا مش من محبين الشعر و قاريتو
بس بالفعل القصيدة عجبتني, فبلكي بيتغير رايي على ايدك

[quote="إدارة المنتدى"]شكراً لك
لقد اخذنا باقتراحك بانشاء منتدى للشعر وللزجل ويسعدنا ان تشرف عليه
مع الشكر[/quote]

أشكر تجاوبكم ولي الفخر أن أشرف على المنتدى ودمتم بخير

[quote="yazdawib7a2"]الله يقويك يا سيدي
كتير حلوين, و احنا ناطرين شو عندك بفارغ الصبر
على فكرة, و بصراحة يعني, انا مش من محبين الشعر و قاريتو
بس بالفعل القصيدة عجبتني, فبلكي بيتغير رايي على ايدك [/quote]

يا الأسمك يزداوي بحق ------ لما الشعر بابك دق
فتحتلو بوابك عطـــول ------ وقلبك عالكلمة رق
ما كنت تحب الأشعـــار------ يا سيدي إي معك حـق
بس أشعاري رح تغريك ----- ع دنيي جديدة توديك
ومش رح فيك تقّلا لأ

أهلا وسهلا فيك وانشلا رح يعجبوك مواضيعي

خيي كنعان انا غيران من يزداوي وبدي شعر الي
هههههههههههههههه مزحة
كتير حلو شعرك بيعبر عن جوهرة موجودة بداخلك بتشع هالحكي الحلو
منور المنتدى

[quote="magdeeb"]خيي كنعان انا غيران من يزداوي وبدي شعر الي
هههههههههههههههه مزحة
كتير حلو شعرك بيعبر عن جوهرة موجودة بداخلك بتشع هالحكي الحلو
منور المنتدى[/quote]

تكرم عينك بس لا تغار ------ لعيونك كل الأشعار
انت الجوهر والألماس ------ مشعشع بكل الأنوار
من قطر ببعت ســلام ------ مـــع نسماتك يا آذار
يوصل لعندك يا مجّد ------ يبوس خدودك قنطار

تكرم خيي مجد وهي لعيونك

من هالضيعة طلعت يا كنعان
طلعة المارد من الفنجان
خليك هيك مثل الندي شبعان
كل مانزل عاوردة بيرتوي عطشان
من اليازدية لبيت أ بو كنعان
اصطف الجوري وتمايل الريحان
وطير ال بالسما ماتوه العنوان
جاي يوفي بندرها ويطلب الغفران
خليكن مثل حبة القمح بها الوديان
كل مانزل الشتي عليها شبع جوعان
جوع المحبة لترابهاغنى وصلا وإيمان
إيدي بإيدك يا خي مثل شروش السنديان
تنسيج فيها ضيعتنا ونحميها من غدر الزمان
هونيك صار إلها حد الشمس بيت وكبرالعنوان
وع العنوان منلتقي اليوم وبكرا وكل الأوان

[quote="s.adonis62"]من هالضيعة طلعت يا كنعان
طلعة المارد من الفنجان
خليك هيك مثل الندي شبعان
كل مانزل عاوردة بيرتوي عطشان
من اليازدية لبيت أ بو كنعان
اصطف الجوري وتمايل الريحان
وطير ال بالسما ماتوه العنوان
جاي يوفي بندرها ويطلب الغفران
خليكن مثل حبة القمح بها الوديان
كل مانزل الشتي عليها شبع جوعان
جوع المحبة لترابهاغنى وصلا وإيمان
إيدي بإيدك يا خي مثل شروش السنديان
تنسيج فيها ضيعتنا ونحميها من غدر الزمان
هونيك صار إلها حد الشمس بيت وكبرالعنوان
وع العنوان منلتقي اليوم وبكرا وكل الأوان[/quote]


أدونيس يا رفيقي بالغربة
كلماتك صارو بقلبي

وكل ما قريتهم برجع بعيد
وبلاقي فيهم صلا ومحبة

انشلا الخير عندك يزيد
وما ينقص عن بيدرك حبة

غير محبتك أنا ما بريد
وحتى تدوم بدعي لربي

تضل إيامنا كلها عيد
ونرجع عالبلد بعد هالغربة

ويرجع الدوري يعشق القرميد
والغار يفرش دربك ودربي


عراسي خيي أدونيس
بس لو بعرف عنوان الفنان الكبير وديع الصافي
كنت بعتلو كلماتك تيلحنن ويغنيون
شكرا الك

ولك كنعان............يحرق حريشك؟
ليش مين فيه يقول لا لما يقرا هيك شعر؟
يا سيدي يسلم هالتم
و رقعني شي شعر تاني بلكي مجد بيطق راسو ههههههههههههههه
عم امزح
يللا ناطرين جديدك
و شكرا مرة تانية

ولوووووووووووووووو
شو هالحكي الحلو رح تخلونا نعمل مناظرة شعرية وزجلية بمهرجان اليازدية
شو كفو ؟؟؟؟؟؟؟؟؟؟؟
يسلم هالتم

العترة علينا يا شباب مو طالع بايدنا غير نقرا وبس

بس شوبدنا كنعان كفو من يوم يومو وما بدر منو غير كل خير

واللي بيكون بقلبو الخير من تمو ما بيطلع الا كل شي حلو

بس عفكرة يا مجد يا ريت يصير هيك شي مناظرة شعرية بين الشباب بالمهرجان اللي جاي

بالتوفيق يا كنعان ولكل الشباب اللي عندون هيك مواهب

بدنا مناظرة شعرية بالمهرجان
عجبتني الفكرة
يعني عالقليلة منسمع الشعر بدل ما نقرا
هيك الواحد بيحس بشعور الشاعر
يللا شدو الهمة

[quote="yazdawib7a2"]ولك كنعان............يحرق حريشك؟
ليش مين فيه يقول لا لما يقرا هيك شعر؟
يا سيدي يسلم هالتم
و رقعني شي شعر تاني بلكي مجد بيطق راسو ههههههههههههههه
عم امزح
يللا ناطرين جديدك
و شكرا مرة تانية[/quote]




انت ومجد و الشلة اليــــازداوية
وكل يللي رحبــــوا فيـــــــــــي

أشعاري كلها إلكن بهديهــــــــا
وان ما كفّت بهدي عينيـــــــــي

اليازدية رب السما يحميــــهــا
وتضل علأرض قطعة سماوية

بأرضها بشعبها بكل شي فيهــا
ببيوتها اللي بعدها ساكنة فيــي

بزيتونها.. بسنديانها بكل أراضيها
ولو نبرم الدنيي ما منسيـــــــها
الله يحمي ترابك يا اليازديـــــة

[quote="magdeeb"]ولوووووووووووووووو
شو هالحكي الحلو رح تخلونا نعمل مناظرة شعرية وزجلية بمهرجان اليازدية
شو كفو ؟؟؟؟؟؟؟؟؟؟؟
يسلم هالتم[/quote]


أنا رأيي بلّش بالتـحدي
بحفلة زجل هيك عاقدّي

وان كان حدا بيعرف يقول
ويرد الردة من بعد ردّة

يشرف يخبرني على طول
تا نبدى عابعضنا التعدي

وخلي الزجل يدقدق طبول
وعالساحة يلا نضبضب العدّة

كنعان شاعر من اليازدية اكيد
ضيعتك قالتلك سمعني وبعد زيد
ضيعتك حلوة وفيها شو ما بتريد
انت قول الشعر و هي عليك بالمحبة بتزيد
اولادها كلون بيحبوك بلا تحديد
بيدعولك بالمحبة وبالعمر المديد

[quote="syrian"]العترة علينا يا شباب مو طالع بايدنا غير نقرا وبس

بس شوبدنا كنعان كفو من يوم يومو وما بدر منو غير كل خير

واللي بيكون بقلبو الخير من تمو ما بيطلع الا كل شي حلو

بس عفكرة يا مجد يا ريت يصير هيك شي مناظرة شعرية بين الشباب بالمهرجان اللي جاي

بالتوفيق يا كنعان ولكل الشباب اللي عندون هيك مواهب[/quote]



من كلماتك الخير يا رفيقي عم ينبع
الشاعر يللي بيشعر وبيعرف يسمع

لو ما بتكتب وبتصيغ الحــروف
إحساسك بالكلمات شمس عم تلمع



شكرا صديقي وانشلا منكون عند حسن الظن

[quote="samerbek"]كنعان شاعر من اليازدية اكيد
ضيعتك قالتلك سمعني وبعد زيد
ضيعتك حلوة وفيها شو ما بتريد
انت قول الشعر و هي عليك بالمحبة بتزيد
اولادها كلون بيحبوك بلا تحديد
بيدعولك بالمحبة وبالعمر المديد[/quote]


ضيعتي ألها عليي ندر مندور
عأهلها وأرضها ابقى غيــور

وبالغربة ما بنسى ريحة ترابها
ولون صبحها وصوت الطيور

وريحة الشتي وقرقعة مزرابها
بيوتها اللي أحلى من القصور

وبالربيع الأخضر تلبس تيابها
وتكذدر بمرج كلو زهـــــــور

اليازدية لو دقيت عبوابـــــها
بتقتح قلوبها بدل البــــــــواب
مجبور إرجع إلا مجبــــــور

مانك مجبور و لانك مغصوب
اليازدية بقلبك مهما تبعد الدروب
بتكتبلها و بتكتبلك هيدا الوفا بالقلوب
حلوة مزيونة صبية لعوب
بتغمزها ومن نظرة روحك بتدوب
بتقرب بتشمها وبتصير بحبها مجذوب
وبتكتبلها وبتنظم الشعر لاحلى القلوب

[quote="samerbek"]مانك مجبور و لانك مغصوب
اليازدية بقلبك مهما تبعد الدروب
بتكتبلها و بتكتبلك هيدا الوفا بالقلوب
حلوة مزيونة صبية لعوب
بتغمزها ومن نظرة روحك بتدوب
بتقرب بتشمها وبتصير بحبها مجذوب
وبتكتبلها وبتنظم الشعر لاحلى القلوب[/quote]


مجبور أرجع عدروبها رش الحكي
بيكفي بالغربة هم ودمع وبكــــــــي

ضيعتي صبية وزايد حـــــــــــلاها
واذا مرّة اتدايقت إلها بشتــــــــكي

بتغمرني بالعاطفة لأني ضنــاهـا
وقت اللي بتكون إيامـــي مشربكي


ويا سامر من عندك خبّر سمـــاها
وقلها كنعان بكرا راجع لكـــــي