واصل عن الشباب

واصل عن الشباب

كلمة نسمعها كثيراً عند ركوب باصات النقل العام
ما المغزى منها ؟ هل تقال في كل الدول؟
هل هي مظهر كرم ؟ هل هي مصدر إزعاج وتملق ؟
هل نركب باصات النقل العام لندفع عن كل الركاب إذا كنا نعرفهم؟
طيب لماذا لانركب التاكسي عندها فالأجرة هنا واحدة؟
أرجو المشاركة وإبداء الرأي

شكر أخي على الموضوع الحلو

للحقيقة سؤال محير
بس على ما أعتقد أنو هذه الأمور لا تحدث إلا في بلدنا ربما من ناحية الكرم وأن الأجرة رخيصة وما حلو تلم قدام العالم من رفقاتك مشان أجرة باص
من رأي أنها تنم عن كرم وحسن نية ....

أما في دول أخرى فلا أحد يعترف على الآخر في هكذا مواقف ربما هكذا تعودوا منذ ولادتهم

انا رأيي انو الموضوع ما بيستاهل كل هالنقاش
يعني ببساطة هيي شوفة حال عند البعض
وعند ناس هيي مجرد حرج
بس كمان في ناس من منطلق الكرم !!!!!!!!!!!!!!ما بدنا نظلم حدا

واصل عن الشباب !! قد تكون عادة أو تقليد من تقاليدنا ، فعلى الأغلب هذه ااظاهرة موجودة في بلدنا فقط ، حيث تعود لخصلة الكرم بشكل عام ، و احيانا قد تكون محرجة لبعض الأشخاص الذين يجلسون في المقاعد الأمامية فتراه يعرف أغلب الركاب و بعضهم عن دفع عنه الأجرة سابقا ، فيجبر على دفع الأجرة عنهم في المقابل

حتما هذه الظاهرة ليست موجودة في المجتمعات الغربية.

انا عن نفسي بحب هالعادة
لانها مرات تنم عن احترام, عندما تدفع عن شخص اكبر منك او تحبه او تحترمه
و مرات تنم عن اشيا متبادلة بين اي تنين , متل ما قال فادي انو بيكون دافعين عنك قبل مرة, و بتدفع عنون انت هالمرة
فحلوة, بالعكس ممكن تزيد العلاقات بيناتون اذا كتر هالموضوع
وانا ما بلاقيه وضح محرج ابدا, لانو الشخص ما عم يدفع عن الناس كل يوم, و الاجرة مش غالية كتير
فوين الاحراج بالموضوع؟

القصة ما فيها لا كرم ولا اي شي يذكر لكن كل ما في الامر اننا كلنا اهل واقرباء واصدقاء وانسباء فهي نوع من الاحراج. وخاصة في القرى لانك قد تجد مثلا في باص القرية بنت عمك وجارك واخ خطيبتك ....الخ يعني احراج بكل معنى الكلمة ولا شوفة حال ابدا

والله هي القصة قصة أحراج وأحترام ولا هيي شوف حال
بدك تسألني لأنو انا بحكم اني عم أعمل دورة بصافيتا فبقى كل ما بطلع بالباص بيكون
تلت رباعو قرايبيني او رفقاتي ودافعين عني قبل مرة فا بنحرج وبيدفع أيضا بدافع الأحترام
ولوووووووووووووووووووو واصل عن الشباب

برأي الموضوع كله هوي احترام يعني بس ادفع عن قريبي اوجاري او استاذ من اساتذتي كان يعلمني بالمدرسة وخاصة انون اكبر مني بالعمر فهذا دليل احترام لالون اما ممكن نشوف بعض المراهقين فبتلاقي واحد راكب بالباص وفي شي صبية حلوة بيصير بدو يلفت انتباه قداما اوقدام الصبايا وبينط وبيصرخ واصل يا شباب هيك صار اسما شوفة حال ومثل ما اتفضلتوا وقلتوا ممكن الشخص ينحرج ويكون في ناس بالباص ودافعين قبل عنو فبينحرج وبيدفع عنون وكمان في بعض الناس عندون خصلة الكرم فبتكون عادة عندون انون يدفعوا عن الاخرين

والله يا خيي مارك مشتهيك شي مرة تكون طالع مع عمي تامر ويكون الباص مليان بصحابك وتقلون واصل يا شباب

[size=9]الله يسترني ما يصير معي هيك يا خيي بيدو بعدين بيي بدو يقوصني [/size]

الحقيقة صايرة الركبة بالباصات مخيفة .
و انا بفضل اني اخد تكسي بميتان ليرة ولا اركب الباص
لان الواقع يا شباب انو الواحد بيخاف ينسالو شي حدا ما يدفع عنو
و من ناحية الاجرة نفس الشي بحكم اننا قاعدين بضيعة وحدة والكل قرايبينا و مجبورين تدفعو عنن و بالتالي بيجوز تدفع عن كل الباص و ما تحس فخود تكسي احسنلك طلب و مزمز و شراب كاسة متة فيها و كون مرتاح
احسن متدير راسك لورا بالباص و تكشف تكشف مين في بالباص و يجعك راسك
لا للباص و لا للنقل العام ........
و مكاتب التكاسي معباية الضيعة يعني صار لكل واحد تكسي خصوصي
و عيشو بهالنعمة ..................

يعني بعتقد كل واحد جاوب متل مابيفكر
لأن إذا بدنا نعتبر هال25 إو هال50 ليرة إحراج لألنا مافي داعي ندفع ونحرج حالنا لأن إللي بيبطل هالعادة ماعاد حدا بيدفع عنو وهيك هيك حتى يبطل الكل يدفع عن حدا هيدا إذا إذا إذا بيلاقي إحراج بهالموضوع
لأن برأيي أنو الموضوع موضوع كرم لأن الكرم من صفات أهل الضيعة وبتحدى كل واحد منكن ينزل من الباص ومايدفع عن قرايبو أو صاحبو أو أو أو......
لأن كل واحد منكن أكرم من التاني وما بيرضى هالشي بعدين إذا لغينا هالعادة وغيرها وغيرها شو بيضل يميزنا يبين حبنا لبعض
مابدي قول أنو هالخمس ليرات دليل محبة لأن المال فاني بس الأصل النية

القصة خي مجد هي بتصير بشكل تقدير واحترام مو الشغلة شغلة شوفت حال بس الشغلة بالأخيير دين ووفى عرفت كيف هلق في عالم بتحسبها من ناحية ولله بيصير يحبني أو يقدرني بس لا هي مو هيك يا خيي هي انو أنا بحترمك منشان هيك بدفع عنك الشغلي شغلة تقدير لا أكتر ولا اقل بعدين دخلك بشو الواحد بود يشوف حالو بهل خمسة او العشرة يلي بيدفعا اي بلأخير المصاري وحياة الصليب زبالة الدنية يا خيي والمعاملة اهم شي

والله يا شباب بعد الغلا ما بعتقد بدكون تسمعوا هالكلمة بقا.....

خي مخاييل ...اي اجباري ما رح نسمع هالكلمة لانو مين بيسترجي يقولا واللأجرة صارت عشر ليرات عالراكب

أنا بعتقد يا خيي مجد أنو هالكلمتان محرجين بقدر ما بيعبرو عن حسن النية بس والله هي هيي العادة هون ولازم نتأقلم معاها ...............................................

magdeeb كتب:واصل عن الشباب

كلمة نسمعها كثيراً عند ركوب باصات النقل العام
ما المغزى منها ؟ هل تقال في كل الدول؟
هل هي مظهر كرم ؟ هل هي مصدر إزعاج وتملق ؟
هل نركب باصات النقل العام لندفع عن كل الركاب إذا كنا نعرفهم؟
طيب لماذا لانركب التاكسي عندها فالأجرة هنا واحدة؟
أرجو المشاركة وإبداء الرأي

ولاه هل الكلمة الجميع تعودو عليها منذ الولادة و هل الكلمة ليست مظهر تملق بل هيي مانا غالية بالنسبة لأجرة الياص العام هلاء إذا كان الواحد بيعرف شخص شو العيب إذا دفع عنه و أكثرية الناس لا يركبون التكاسي ليس من أجل الغلا السبب هو أن الناس يحبون الجماعة بطبعهون و ليست هي مصدر فخر أو شوفة حال و يمكن في بعض الدول أن تجد مثل هذا الظاهرة بس لاك هل السؤال محير و المغزى هة أنه ليس للمال أهمية فهذا من رأيي ما بعرف رأي الأخرين يمكن أن يعرضوا رأيي فلكل شخص رأي.........................