شو سر الوسوف؟؟؟؟؟؟؟؟؟؟؟؟؟؟؟؟؟؟؟؟

بتمنى من كل الأعضاء الي بيحبو بشاركو بالموضوع يحطو سبب ليش بيحيو الوسوف

شكرا انو القيت ناس بتحب السلطان او طفل المعجزة او ابو وديع او جورج او الوسوف زيي او يمكن اكتر مافي سبب محدد اتحبيه منشانة لأنه كلو على بعضه شخصية محبوبه وفذة ومع تعدد الاسامي بس بتودي الى فنان لن يتكرر ويخرج مثلة غنى جميع الانواع والاشكال الطربية اما عني بحبو لانة محافظ مو كل مانزل لووك بساوية ولان وقفتة على المسرح وقفة فارس

I love Abu Wadee coz all his songs is from the real life and his words touch our hearts

انا بحب ابو وديع لانو سلطان الهوى وسلطان القلوب المجنونة الغرقانة بالحب

ابو وديع سلطان الطرب ومن عندو بيت الطرب

عهيك منحبو ومنحب أغانيه

وشكراً سويت

والله ياكوبر شي متل العيب الوسوف الوسوف عا شو يعني عشويي متل ماقالت رح يصير المسيح المنتظر يعني في مطربين ومطربات اعظم من الوسف ليش هوي يعني مهم ليش طفل المجزة بس لانو غنى هوي وصغير مثلا معين شريف غنى من صغرو وكاصوت واغاني غير شكل يعني وديع الصافي اشهدلو هيدا مقياس صغير كيف مانحكي عن فيروز وماجدة وكاظم وشمس الغنية نجوى كرم الخ........ انا بسمع جورج وسوف بس مو لادرجة الموت اما الرحابني وفيروز لادرجة الموت عالقليلة معروفين وشكرا هيدا رايي

كل من الذين شاركو قدم رأية او قدم استياءه المهم ان الاسماء المغنيين التي وردت في اخر مشاركة هي بنفس المكيال ويمكن اسوء من باب سبب تكبيره من قبلنا و بغض النظر عن التسميات والاوصاف التي اطلقها البعض عليه (الصفات السلبية من النساء ومخدرات و..........)انقلب الموضوع دائما لضروره وجود معارض يجب عليه ابداء استياءه من موضوع ما وكالرأي الخاص بي وكل الاحترام للجميع ان لم تكن من عشاقة فدع الحديث لمحبية دون ابداء استنكارك وشكرااااااا. للجميع مع كامل الاحترام لكل تعليق ,,,,,,,,,,,,,,,,,,,,,,,,,,,,,,,,,,,,,,

*اولا مسا الخير
*انا لا اعتبر اي رد وخصوصا ردك يا عزيزي كوبرا تهجما فهو نقاش للتوصل الى ماهو اصح .,فكما تحترمون رأيي فواجب علي تقديس ارأكم من باب الرد بالمثل , ولكن كان عتبي في عملية الخلط لديكم ,حيثو خلطتم بين شخص الوسوف وبين محبتنا لخامة الصوت ,فالجميع له حياته الخاصة التي لايجب ادخالها في التعميم ,وانا بصدد ما حدث استخدامكم لأسلوب النقد كان واسعا لمن شارك ,فأنا مثلا لا اجد نفسي في كلمات كاظم , وأن طلب رأيي اقول وببساطة ان خامة الصوت والاسلوب لا يعجبني , ولن اتتطرق لجمل الاخرين ان علق البعض بأنة قيصر الغناء ,نحترم الجميع ,ونتحترم تفكيرهم,واحترم كتابتهم , ولكن لأحب الصمت القاتل مع انة افضل احياناااا من الكلام , واعتقد وانت تشاطرني التفكير ان الموضوع اخذ اكبر من حيزة.. ,
*تقبلو مني فأئق الاحترام والتقدير والاسف و ان كان كلامي قد جرح احداا فهو من باب العتب ليس الا
*وشكراااااااااااااااااااااااااااا للجميع

لما بتورق شجرة التين بنعرف إنو الصيفية إجت....
ولما بينزل ألبوم أبو وديع بتطلع الشمس وبتحلى الأيام وبترجع الصيفية كمان, أبو وديع كزدورة بمسوية الضيعة بالصيف عجقة المغتربين وحفاوة المناسبات الكتيرة , ريحة الأراكيل وتلطيش الشباب عالصبايا .
الأغنية الوحيدة اللي بتحتل مسجلات السيارات لما مراهق بيسرقها من بيو ليشبح قدام الصبايا...........
غريب هالشخص إلو سحر ما حدا فيه ينكرو ..... ما بيخلا موبايل من أغنية إلو ... إلا موبايلي لأن ما بحط غير أغاني المقاومة والتراتيل.........
الله يطول بعمرو ويفتتح كل صيف بإبداع جديد

لك اخ يا خي مجد ولله العظيم كلماتك عطر هيدا الوسوف و صوت الوسوف الرائع يسلم تمك على هل التشبيه الحلو........
خيييييييي كوبرا الموضوع بسيط جدا انا ما شفتك ابدااااا تهجمت على صوت الوسوف و بعرف انو ما في شخص بيحب الوسوف و صوتو ابدا متلك على كل حال انا بايدك انت و ميشا بكلشي حكيتو من مبدأ فصل الشخصية عن الصوت

تعددت الاسماء والفن واحد(ابو وديع-جورج- السلطان-الطفل المعجزة)يا عمي شو بدنا بحياتو الشخصية مع احترامي لارائكن ---هيدا ابو وديع اللي غنى الملاحم--انا قليل ما بعلق عموضوع بس عهيك موضوع ما فيني وما علق
بحب اهدي كل شي علق عالموضوع كلمات سي دي الوسوف الجديدي
اسمعوه وادعولي
الدهب يا ابو وديع بيضلو دهب

اسفة تأخرت بالرد ع الموضوع
اول شي بدي اشكر كل شخص طرح رأيو
بالنسبة لاول مشاركة لكوبرا مافي داعي احذفا يا كوبرا لان كل شخص عم عط رأييو بالموضوع وميعبر عن رأييو بالوسوف بس انا كنت بفضل يكونو المشاركات لعشاق الوسوف حصراً بس عكل حال مشكورين
بالنسبة لميشا نحنا مامنعبد جورج وسوف ولاتفكري انو المسيح المنتظر مومشان شي بس مشان السيتمول مايخلص من الصيدلية
وبعدين بدي اعتزر منك بس ابو وديع معروف بالعالم كلو واكبر دليل حفلاتو بدول العالم بعدين عشاق الوسوف مش مجبورين يبرهنو أي شي عن شهرة الوسوف لأن اسمو بيكفي واذا مابيكفيكون اسمو في مواقع كتير للوسوف فيكون تشوفو بعينكون وبعدين بالنسبة ل القاب الوسوف متل مابيقولو لنجوى كرم شمس الغنيةاللبنانية ومحمد عبدو فنان العرب و....و......و.........الخ اذا بدنا نعد مامنخلص بيقولو لابو وديع سلطان الطرب وبنظري انو بيستاهل هيك لقب و كل شخص بيحب مطرب بيشوفو احسن واحد بالنهاية كل واحد عندو رأيي بس بتمنى انو يصير الرد ع الموضوع مش ع المشاركات والعضو الي مابيعجبو الموضوع بتمنى انو يحتفظ برأيو لحالو ومايطرحو بالموضوع لان برجع بكرر الموضوع لعشاق الوسوف
وبالنهاية الف مبروك الابوم الجديد يا ابو وديع متل ماعودنا كل سنة البوم جديد واغاني جداد بس السنة البوم كتييييييير حلو وبهدي اغانيه لكل wassoufans