اليازدية ضيعتنا الحلوة ............

COBRA الإثنين مارس 30, 2009 7:36 pm

اليازدية الضيعة الحلوة ............

ضيعتنا هيي الإحساس اللي منشعر فيها نحنا وعم نشرب كاسة متي ...
ع واحد من بلاكين بيوتها أو ع بساط اخضر ع بيدرها
أو ع رصيف قدام بيت من بيوت الأصحاب

ضيعتنا (اليازدية )..........
هيي المزيج الفوضوي الهادي بنفس الوقت , اللي بيجري بحارات الضيعة
هيي العديد من الشباب اللي بيتعانقو مع النسائم الباردة بـ كذدورة مسوية ع مشوار الضيعة

ولما بتخلص المشاوير ولما بتتلاشى الحركة بالضيعة بتبلش حياة البيت اللي بيعشق السهر ، وبتضل البيوت المتراكمة الملتصقة متل غيوم شباط , بتضل سهرانة معنا

ضيعتنا
هيي نجمة الصبح هيي فيروز الصبح

هيي خوف هديك الصبية الراجعة عل البيت بمسا متأخر
هيي حب هداك المراهق لبنت الجيران

هيي وجوه الناس اللي تعودنا نشوفها وحفظناها
هيي قصص وحكايات بيوت , قصص وحكايات شخصيات مابتنتسى ،

هيي فنجان القهوة بصبحية نسوان

ضيعتنا هيي ريحة طبخات أمي وأم كل واحد بهالضيعة ,, ريحة طبخ عم بتفوح ع بواب البيوت

هيي قعدة رجال وشبان بسوقها القديم اللي صارت حجارو عم تحكي قصص
اللي صارت حجارو عم تنضح ميات من تاريخ مابينتسى
وبين كاسة متي وبين نفس اركيلة وقرقعتها وعبق الدخان
وعيطة واصوات
وهديك النقاشات اللي بلشت من زمان ومن حلاوتها ماعرفت تخلص

ضيعتنا هي التنهيدة الطايرة بالهوا مع كل شهيق وزفير عم نشعر فيها
هي ابتسامة خفيفة عم تنتشر بين الأصحاب وعم تتمادى حتى تصير ضحكة عالية لا بتهتم لا بالمكان ولا بالزمان ........

يا ضيعتنا ........
ياامنية كل طفل حتى يطلع ع الحارة يلعب مع ولاد الجيران ،

يا ضيعتنا انتي هي الحارة والأصحاب
انتي هيي المدرسة والطريق اللي مشيناه ميّّات المرات زهاب واياب
الطريق اللي كان طاولة درسنا والغرفة اللي منجتمع فيها إخوة وأخوات

ياضيعتنا يللي مهما كبرنا مرح ننساكي
رح بتضلي طفلة صغيرة بقلوبنا
ياضيعتنا يللي مهما بعدنا ما مننساكي
رح بتضلي نثرة دهب بعيونـّّا
ورح يضل اسمك محفور بقلوبنا

يــــا ضـيـعـتـنــــــــــــــــــــــــــــــــا

wassouf الثلاثاء مارس 31, 2009 3:57 am

الله الله على هل كلام الحلو ياشريك

يسلم تمك يارب على هل بيوت الذي لا تنوصف في الشعر او اي شي هيدي اقوى من اي شي بسمعو او بقراه في الحياة

شكراُ ياشريك

صديق الأربعاء أبريل 01, 2009 7:52 pm

كل يوم عم تظهر النا اشياء جديدة غير معروفة عنك

يعني شاعر
كاتب
وقبل كل شيء
الرجولة والنخوة

وقبل الكل الانسانية

COBRA الأربعاء أبريل 01, 2009 10:18 pm

وسوف شكراّّ ياخيي ع مرورك الرائع

صديقي الغالي صديق
مابعرف شو بدي رد عليك

بس نحنا منكبر بوجودكن
شكرا كتير ع مرورك

كنعان كنعان الخميس أبريل 02, 2009 3:29 pm

كل مرة أدخل إلى صفحة من صفحاتك أكتشف إبداع جديد
وكل مرة اقرأ بها ما تخطه أناملك أرى موهبة حقة كانت مكبوتة من حين
تقول مي زيادة : " وكم من درة في أعماق البحار لم تصل إليها يد الغواص لتخرجها وتسر بها النواظر"
مارسيل ... أخرج دررك من أعماقها وأتحفنا بالمزيد .
سلمت يداك .

اليازدية ضيعتنا الحلوة ............

اليازدية ضيعتنا الحلوة ............

رد: اليازدية ضيعتنا الحلوة ............

رد: اليازدية ضيعتنا الحلوة ............

رد: اليازدية ضيعتنا الحلوة ............

رد: اليازدية ضيعتنا الحلوة ............