رأيك ...بالدراما السورية

Adon السبت فبراير 21, 2009 9:21 am

الدراما السورية خطت خطوات سريعة في الفترة الاخيرة واصبحت حديثا في الشارع العربي بل شكلت حالة معينة حتى و هلق صار في قناة للدراما وهيي شي كويس ومبروك وانشالله تكون شي محترف وحلو

فاي الانواع من الدراما (اقصد المسلسلات)تعتقدون انه كان الافضل والاقرب اليكم الكوميدي عسيرة حياتي ات او بقعة ضوء ,مسلسلات البيئة الشامية بيت الحارة بيت جدي ...,مسلسلات الفنتازيا كما تسمى ,المسلسلات البدوية ,مسلسلات الواقعية المعاصرة وشو اكتر مسلسل علق بذاكرتكن وعنالكن شي من كل شي حضرتو
سؤال تاني شو بتعتبروا اكبر ايجابية ومميزة للمسلسلات السورية عن غيرها (الخليجي المصري اللبناني التونسي )
وشو السلبية اللي بتشوفوها واللي لازم ينشغل عليها بالمسلسلات السورة برأيكن

razor back السبت فبراير 21, 2009 2:41 pm

شكراً إلك عموضوعك

منجهتي افضل المسلسلات كان " الخط الأحمر " لأنه يعالج الواقع من العين المجردة

والذي يميز الدرامة السورية عن غيرها من السلسلات العربية :

1- باعتقادي انها مفهومة لكل العرب لأن اللهجة السورية قريبة جداً من الفصحة مهي مفهومة

2- تتناول في موضوعاتها أنواع عديدة كالمشاكل الأسرية أو الحالات الإجتماعية أو ....

3- براعة الممثلين في أداء الأدوار التي تعطى لهم في شتى الحالات ( سواء البكاء أو الفرح او الجنون أو المرض أو..... )

إلا أن هذا النجاح ليس كامل بسبب وجود بعض الأخطاء:

1- ان بعضها يعطى له عدة أجزاء قد تخرب جمال القصة الحقيقية والمغزة من النص

2- ان بعض المسلسلات تتفرع عن اخرى أو تأخذ نفس الفكرة ولكن بإسلوب آخر ( بقعة ضوء ) مثل ( مرايا )

ولكن المسلسلات السورية بمجموعها جميلة

شي فاشل الجمعة فبراير 27, 2009 5:32 pm

هلق انا بصراحة ما بعرف هاد الموقع وفتت عليه بالصدفة بتمنى تقبلوني صديق كما ان
ابخصوص الدراما السورية هلق هي صارت منيحة بس لو ما توقع بدكتاتورية المؤلف والمخرج اللي ديما بيحولو الممثل لبيدق شطرنج
وانو لاحظو صار التمثيل عندن وراثة انو احيانا منشوف كل العيلة بالحقيقة عمتمثل بالعمل (مع المبالغة طبعا)
انا برأيي بينقصنا الديمقراطية بالتفكير وبالتطبيق ضمن العمل الفني
آخر شي اكتر شي شدني ممكن الأعمال اللي هي وشاء الهوى -ليس سرابا-يوم ممطر آخر او خلونا نقول هالنوع من الأعمال وشكرا

(( الزمن كأهله وأهله كما ترى!!!!))

Adon الجمعة فبراير 27, 2009 7:46 pm

اهلا وسهلا فيك شي فاشل صديق بالمنتدى
انا بحب اسألك اليس الاولى ان يكون المخرج مسؤول عن العمل اللي كتبه المؤلف ؟وهل هي دكتتورية اذا تابع عمله ووصل للرؤيا اللي محطوطة للعمل ؟وهل للمثل دور اكبر من ان يتعاون مع المخرج ليأدي الشخصية بشكل مناسب ؟
وين بتشوف ان الممثل بيحقلو يتدخل بالرؤية العامة انا مثلا بشوف ان ذياد الرحباني هوي صاحب الرؤية لاعماله وبالتالي ان بحب الرؤية تبع ذياد الرحباني هيي اللي لازم تبين بالعمل
بالنسبة للوراثة ؟؟؟ هيدات سؤال محق جدا للاسف ان التمشيل لحق بقية المهن بالتوريث بس احيانا انا بقوا ان في اولاد ممثلين فعلا محترفين وكونهن اولاد ممثلين ما هوي عائق بدرب حياتهن الفنية

ومرحبا من جديد

شي فاشل الجمعة فبراير 27, 2009 9:16 pm

بشكرك مسيو adon عالترحيب وكتير غالي انت لأن ممكن كتير نحب اشخاص ما منعرفن......
هلق بخصوص زياد هو حالة كتير خاصة ممكن سبقو فيا الفنان يحيى الفخراني بمصر ولحقو الفنان غسان مسعود بسوريا
بس هدول-برأيي انا- ناس ممكن تتغير المفاهيم كرمالن لأنن ناس ينتمون الى الصهيل
هاد رأي وشكرا كتير الك

الزمن كأهله وأهله كما ترى!!!!!!!!!!!

رأيك ...بالدراما السورية

رأيك ...بالدراما السورية

رد: رأيك ...بالدراما السورية

رد: رأيك ...بالدراما السورية

رد: رأيك ...بالدراما السورية

رد: رأيك ...بالدراما السورية