صفحة غزل

كنعان كنعان الثلاثاء يناير 06, 2009 9:47 am

بدعي الشعراء والشاعرات عصفحة غزل
وكل واحد يتغزل عطريقتو وبالشكل اللي بيحبو
وأنا رح بلش وناطر المشاركات .

سبحان الله اللي خلق هالجمال ------ تا جن فيكي تلتين الرجـــال
ان كان عالحلا إنتي الحـــــلا ------ وان كان عالغنج إنتي الدلال

عندك سحر ما منو هروب ------ بقالب دهب هالجسم مسكوب
عيون بتقول يا شاعر طل ------ وخلي كلام عيونها مـــكتوب

جبينك شمس تنور الإيام ----- وشَعرك دهب بينوزن بغرام
خدك حبق وعطر بيفوح ----- ومن التم غار كل توت الشام

وفوق الحلا حلاوة روح ----- وعقل للمعرفة عالدني مفتوح
علم وأدب فوق الخيـــال ----- وحشمة بترفض المش مسموح

كنعان الياس كنعان

magdeeb الثلاثاء يناير 13, 2009 10:04 pm

غزل حربي

يا حلوة يا رصاصة مطرحا بقلبي----وطيارة استطلاع ملاحقة دربي
دكيتي برموشك كلشي بنيت حصون----وعطلتي هالرادار الضابط لحبي

وصار الحب وحش وآلة التدمير---- يدور عالبراءة ويشغل التفكير
يرسم بدم العشق خطوط المسير ---- ويهدم الأحلام مع غفوة الضمير

وكل ما تعاندي معي بتزيدي الصراع ---- تدمى جروح الحب وتكبر الأوجاع
يا حلوة حني بقا ما تعبتي بهالدفاع؟ ---- ورجعي الهدنة بأفضل الأوضاع

بارجة سحرك مرت عليي بليل ---- تقذف حممها ورصاص عليي سيل
بس أنا بناضور بكشفها بكل ميل ---- وبصد هالهجوم وبرد بذات الكيل

رح فاجئك قديش بتجهيزي قوي----حضرت كل سلاح حتى النووي
لو مهما غاراتك تزيدي على قلبي ---- رح عطل بصمودي مجهودك الحربي

bedrous muradian الخميس يناير 15, 2009 7:34 pm

يعطيكون العافية يا شباب فعلا كلماتكون بترفع الراس

كنعان كنعان الجمعة يناير 16, 2009 1:36 pm

رد على خيي مجد (غزل حربي)

عيونك قنابل معيرة للتفجير ---- بتفقع اذا بينفك هالتشفيـــــر
واللي بدو يحلل رموزها ---- بدو يكون بالحرب أكبر خبير

لما بإيد حوا بيوقع سلاح ---- ما بيقى حدا عالأرض مرتاح
من يوم الخلق هالكون الوسيع ---- كان سلاحك هوي لقمة التفاح

سهامك إذا بترميها بتصيب ---- ان كان عن بعيد أو عن قريب
جوى قلبي اغرزي النشاب ---- بشرط يطلعلي من حبك نصيب

COBRA الأربعاء يناير 21, 2009 4:25 pm

قــاتلـــــتي
[/size]

لا أطلب عشــــق البنـات و الغوايــات................ ولا أطلب عرشاًً ولا إحدى الأميـراتِ
لا أطلب كــنوزاًً ولا ذهباًً ولا مرجـان................ ولا أطلب شيئــــاً من المستحيـــــلات ِِ
أريد قلبا يََعطـُُــــف عليَّ إذا ظـُُـلــــمت................ وعيوناًً تسهرُُ على عيوني المريضاتِ
أريـد يـــداً تنـتشــــــلني إذا غرقــــــت................ وتجــفف دمــــــــوعي الغـــــــزيراتِ
أريد حضنــاً يدفـــــئ لياليَ البـــــاردة................ وحباً يشـعل النار في عمــق ذاتـــــــي
قد عشقـــتُُ عينيــــكِِ ودُُفنت فيهمـــــا................ آه من عينيكِِ يا أغـــلى الحبيبـــــــــاتِِ
ولديـــــــك من الأسمـــاءِِ ما أعشــقـه ُُ................ (.......), به كـتبتُُ تـاريخي وبدايـاتـي
قاتـلتي خرج القــــــــلب عن طـــوري................ يا حبيبتي هرب إلى أبعد المســـــافـاتِ
فيا أيها الطيرُُ المســــافرُُ إلى الجـــنوب................ خذ معـك أروع ََوأحــزن رســــالاتـي
خذ معـــك دمعتـــــي إلى المحبــــــوب................ دمعتي التي مزجها الحزن بكلمــــاتـي
خذ معـــك سيمفونيـــــــة أحـــــــزانـي................ تردد أصدائها جــروحــي وأنـّّاتـــــــي
خذ معك وردة ًمن نبض القــــــــــلوب................ وردة ًلم تقبل بتركهــا فراشـــــــــــاتـي
تلك الفراشات أنستني ابتســـــــــاماتي................ وجعلتني أفـــكر فقط بمأســــــــــــــاتـي
لقد دمرتي أيــــامي وأحــــــــــــلامـي................ وظلمتي عـــمري وقتــلتــي نـداءاتــــي
ذبحـتي إحســــاسي , قتـلتي أنفـاســـي................ وكفـّّـنتي قلبي فلم أعد أشـعر بنبضاتــي
أنا بغير هواكي كحجــارة وأصنـــــــام ِِ................ أنا بغيــر هــواكي أعــدّّ من الأمـــواتِِ
أنا في بعدِِ هواكي عني بقيت تائـــــــها................ مريضاً حائراً , ضائعاً في متاهــــــاتـي
نسيت أهلــي نسيت أحبـــــــــــــــابـي................ نســيت نفســــي ونســـيت ســـماواتـــي
تركتُُ جروح ََروحـي تنزف ألمــــــاً................ وأودعـــت بيـــــن يديــــــــكِ حيــــاتــي
حتى قلبي قد تخلى عن صــــــــدري................ حتى قـــــلبي رفــــض مواســــــــــاتــي
هــموم الأرض قاطبــــة عشــــقـتني................ حتى الميــاه أصبحت مراً بكاســــــــاتـي
يا قبلة الحـــــب إلى عينيها أرســــلك................ فهــل يا تــرى ضـــاعت قبـــــلاتــــــي
قتلتي بيديــــك أغـــــــــاني الهــــوى................ قتلتـــي حـــبي و أعدمتي حكايـــــــــاتـي
لقد أضعتُُ في عينيـــــكِِ عمـــــــري................ وعشقت أوهـامي وصدقت افتراضــاتـي
أزرع في جنــــان حبكِِ أحـــــــلامي................ فيــورق الشوك و تأبس وريقـــــــــاتــي
لقد سافرت في صحـــــــــــراء حبكِِ................ وتركت القـــدر يحــدد اتجاهـــــــــــاتــي
أحاديثي وأنفاسي مزجت بأحزانــــي................ وضاع الفرح من أحـــلى عبـــــــاراتــي
أريد البـــــكاء على صـــدر آلامــــي................ أريد البكـــــــــاء حتى تجف دمعـــــاتـي
أريد البكـاء على نفسي , شهيد حــبٍ................ عصرت قلبي وقطـََعتي أنفاسي الكئيبـاتِ
إلى عينيـــــكِِ أعلـنــــتُُ الإبحـــــــار................ فعصفت الريــــح ومزقت شراعــــــاتـي
غرقت سفني ورسـت إلى الأعمــــاق................ فقـُُـتــلتُُ سريعــــــــاً من معانـــــــــاتـي
متى تمطر الدنيـــــا فوق جراحــــــي................ علّّ المطـــر يطفـــئ نــــار آهــــــــاتـي
متى يأتي النسيــــــان ويعشــــــــقني................ متى ترفرف في الأفــــــق رايـــــــــــاتي
يا , لِِتعــاســتي كــيف حزنــي أبــدده................ ماذا أفعل ما عادت تجــــدي توســــلاتـي
ماذا أفعل كي أبقي الفرح إلى جــانبي................ فقـــد تـركــــني وحـــيداًًً مـــع عذابــاتـي
تيتمـت أحلامي وشـــرِّّدت آمـــــــالي................ فلم تعـــــد تنـــفع شيئــــاً صــــــلواتــــي
سهامكِِ بأوصالي قطـّّـــعت شراييني................ و نذف جسدي ما أكثرك يا جراحـــاتــــي
رماح اليأس غـرزت في جســــــــدي................ وماتت...ماتت...ماتت... ضحكـــــاتـــي

[/center]

magdeeb الجمعة يناير 23, 2009 2:10 am

غزل عأكل
دخلت رجل لورا ورجل لقدام --- متل المسحوب على حكم إعدام
ولما خبروني أنو (---) هون ---- سرحت بفكري وخلقت الأحلام

يا ترى كيف رح بتكون؟ --- حدة قوية متل برد كانون ؟
ناعمة طرية عقلبي هالحنون ؟--- سرحت بفكري وخلقت الأحلام

وسألتن عن شكلها كيف ؟ --- حلوة طويلة ومبسما ظريف؟
بشعة عجيبة ومنظرا مخيف؟--- كوبس بقبحا وشوفا بالمنام
سرحت بفكري وخلقت الأحلام

وسألتن إذا (---) مهيوبة--- عقلها موزون ومش مقلوبة
حكيو وقالو قديش طيوبة --- بتعيش عالزيتون براحة وسلام
سرحت بفكري وخلقت الأحلام

يا ترى بشغل البيت حركي؟--- ما بتقضي وقتها تتابع التركي
وعقلها نضيف تفكيرا عالبركة--- بتبادل زوجها كل الاحترام
سرحت بفكري وخلقت الأحلام

يا ترى (----) كتير أمورة--- وتدويرة وجهها صدر نمورة
بتصير عالخجل حبة بندورة--- محضرة للكت على مجلى رخام
سرحت بفكري وخلقت الأحلام

ريقها بالحكي عشو للبلبل --- ما بتعرف الملح وحدة الفلفل
حكيمة بتمناها تحكم وتعدل--- ويصدر من ضميرا أنصف الأحكام
سرحت بفكري وخلقت الأحلام

والشعر على كتافا راس العبد--- تصون سر البيت وتحفظ العهد
وتبقى ست البيت حبيبة مجد--- ما تكفرني فيها وعود للصيام
سرحت بفكري وخلقت الأحلام

كنعان كنعان الثلاثاء يناير 27, 2009 6:03 pm

هالحلوة اللي بيحمرّوا خدودهــا ---- وبتخجل إذا حــاكيتا بالــغزل
بتوعد وبتوفي بكل وعــودهــــا ---- لكن ما بتقدر تخبي هالخجــل
بجنينتي من شهر فتحوا ورودها ---- وطل الربيع وعن حُسنا سأل
صار يغار الورد من وجودهـــا ---- والنحل بطّل عم يجني عسـل
فراشات الكون غطت عزنودها ---- ترشـف رحيق وتقدم قُــــبل

صفحة غزل

صفحة غزل

رد: صفحة غزل

رد: صفحة غزل

رد: صفحة غزل

رد: صفحة غزل

رد: صفحة غزل

رد: صفحة غزل