بــــــــــــــــــــــــــاب الـــــــــــــــــــــحارة (صفحة خاصة بالنقاش والمتابعة)

عاد باب الحارة مع عودة شهر رمضان الكريم
وعادت الأحداث المشوقة
كلنا انتظرنا حلقة الأمس الساعة العاشرة مساءاً على شاشة mbc
لهيك حبيت افتح هالصفحة للنقاش وتقييم الحلقات كل منا على حسب رأيه

خلونا نبدا بالحلقة الأولى:
غياب أبو عصام الزعيم الفعلي للحارة ترك فراغ كبير يعني كنا بنتمنى لو شفناه ولو لقطة صغيرة ببداية المسلسل
بس الظاهر كبر الخلافات بين النجم عباس النوري والمخرج جعل الكره يوصل لدرجة عدم إظهاره على الشاشة أبداً
على الأقل هيدا رأيي
تميزت الحلقة كمان بانفتاح الحارة على الجوار يعني رح نشوف أحداث كتير تتم خارج الحارة مع شخصيات جديدة
التبديل في دور فوزية تبديل موفق بغض النظر عن أسبابه فالنجمة شكران مرتجى مناسبة تماماً لهذا الدور

معك حق .. المسلسل يأخذ ضجته بين الناس وخصوصا بعد الأحداث المشوقة في الجزأين الأول والثاني
ولكن غياب أبو عصام كان أكبر صدمة لي شخصيا وخصوصا أنه كان البطل في الجزء الثاني

وكتعليق عن الحلقة الأولى :
أنا انبسطت أنو كل العالم بتكرهو لأبو غالب
وأبو بدر لساتو في موقفه الجبان الكوميدي
ومشهد معتز الحزين .. شي بيبكي

الشغلة الحلوة بأجزاء باب الحارة أنو لكل جزء بطلو
يعني الجزء الأول كان بطلو (الإدعشري)
والجزء التاني كان بطلو (أبو عصام)
واسا لهلق مو معروف مين بطل الجزء التالت بس عالأغلب معتز
وكمان في كتير عالم بحارة الضبع ماطلعو بالجزء الاول والتاني متل أم حاتم وبناتا ال7 وهيك عرفنا انو بنت ابو حاتم (جمانا مراد)هي الي رح تكون زوجة ابوشهاب مو متل ماكانوايحكوا العالم انو زوجتورح تكون من برات الحارة
بس سؤالكأنو جميلة بنت ابوعصام مغيرينا

والله ما حدا فيه يقول عن المسلسل انو مانو حلو بس مبين انو فيه لت نسوان كتير والدور الابرز للداية
بس هيبة ابو عصام راحت وضيعانو عن جد بس بدنا نعزي حالنا بمعتز شو كيميا
وكمان كل جزء وألو عنصر جمال وفتونة
الجزء الاول كانت لطفية
والجزء التاني كانت فوزية
والجزء التالت مين ما بين لبعدين مو احلى من جميلة الجديدة حياتي هيي
ولازم ندعي كلنا لبراهين ونسعالو بجوازة دلال العمى احترق قلبنا علاه ولله
بس بدي وجه سؤال انتو محل عصام بتردو لطفية وبتوافقو ع شروط فريال او لا؟

يعني انا لما طرحت هالموضوع توقعت انو كل يوم وبكل حلقة رح يكون فيه احداث رح تجبرنا نكتب عنها
بس الظاهر كل مسلسل فيه اكتر من جزء بيفقد اهميته وبيصير علاك مصدي عايش على امجاد الجزء الاول
يعني هالتفاصيل اللي رايحين يمطمطوا فيها كتير بايخة شي راحت وشي اجت وشي عملوا كبة .......
ما في شي مهم
يعني بصراحة الكاتب مفلس ما عنو شي جديد!!!!!!!!!!!!!!!!!!!!!

فعلاً متل ما قال الكل يييعني صار المسلسل تمتمط و لت حكي و اللي شاف أول حلقة من بقعة ضوء بيشوف الأضراب مشان غياب أبو عصام .

أي هه
هيك من الأول بدا حركة وعلقة ...... صحي ما طول أبو عرب بين ديات أبو شهاب...بس حلوة
موفق الكاتب بالسيناريو الخاص بالمقاومة والثورة بس يخففلنا شوي من لعي النسوان وقصصن
لحتى نرجع نشوف الحكي اللي بيعبي الراس

انا مع قول مجد انو في افلاس في الاحداث الهامة و الممتعة يلي بتجذب المشاهدين و الدليل على هيك شي انو كل هدث ميضل حلقة او حلقتين ....وفي تركيز على احداث غير هامة يعني صار مير حلقتين او ثلاثة على مشكلة عصام و عدم التركيز على الهدف الجوهري للمسلسل يمكن هون فينا نقول انو الحبكة الكبيرة رح تكون في اخر حلاقات المسلسل

بس الهيئة أنو الأحداث الجاية فية تشويق متل أبو خاطر بدنا نعرف شو بدو يصير الو

شا يفين يا جماعة هالقليل الأصل عصام قال بدو يبيع بيتو مشان يرضي مرتو الأولى

ولو معقول ما بيفكر بأمو وأخواتوا والله قليل أصل ( الله يرحم بيو شو كان آدمي )


.

دخيل الله يا رازر شو حساس
ليك روح وقفو عند حدو ضربو شي شبرية