الى كل مغترب ,ما الذي يمنعك من العودة الى بلدك

[size=18]صراحة الموضوع مو من عندي عجبني باحد المواقع و حبيت اعرضو بموقع اليازدية
الغربة
يكاد لا يخلو بيت في اليازدية من مغترب او اكثر في اي بلد من بلدان العالم
و كل بلد له سيئاته و حسناته و كل شخص تغرب عن اهله اكتسب بعضا من افكار و حضارة ذلك البلد و حملها الى بيته و مجتمعه و اهله
الى كل من عاش تجربة الغربة او لم يعشها :

هل تفكر بالعودة الى بلدك و الاستقرار فيها ؟؟و لماذا ؟ام بالزيارة ؟؟ او نسيتها
ما الذي دفعك الى الغربة اصلا و ترك بلدك
ما تاثير الغربة على اولادك و هم يعيشون في مجتمع غير مجتمعهم
ما تاثير الغربة على عائلات متفرقين بسبب الغربة
هل تحب ان يعيشوا اولادك نفس تجربتك؟؟
كيف ترى بلدك اليوم و كيف ينظرون اليه في البلد الذي انت فيه
نرجو من الجميع المشاركة[/size]

يا شباب وينكون :
خلونا نشوف ردودكم و اراءكم حول هيدا الموضوع يا مجد سعد عماد فادي
الموضوع مهم وبحاجة تعطوه اهتمام اكبر حتى لو ما كنتو مغتربين
متل ما فعلتو بموضوع الزواج المختلط منشكركم على اهتمامكن

الحبيب ابو الزوز كتير صعب اني رد على هالسؤال بما اني لست مغترب
بس اللي فيني قلك ياه اني بعد سسنتين انشالله رح كون عندك بالامارات
والسؤال اللي لازم ينطرح شو اللي بيخليك تبقى ببلدك ؟؟؟

افكربالعودة ولكن عندما تسمح الظروف بذلك فكل انسان يبغى لتحقيق الحلم الذي سافر من اجله وانا سافرت لاكتساب خبرات جديدة لاني كنت متخرجا حديثا والغربة ليست بالامر السهل وتاثيرها سلبي على الاطفال لان الطفل يعيش وحيد فب الغربة ولا احب اولادي ان يعيشوا هذه التجربة المرة وارى بلدي من افضل الى افضل وكل الجنسيات تنظر الينا باحترام وتقدير لاننا شعب يملك كرامة وعزة نفس وشعب يعمل بجد واخلاص

انا واحد من الشباب الموجودين بالايمارات وسبب وجودي العسكرية لان قد متكون الغربة صعبة بضل احسن متخدم عسكرية مزلول لاي ضابط وبشك عام كل الشباب الموجودين ب الايمارات حالتون نفس حالتي ما رضو انون ينزلو لاضباط وبعدين منشان انو منفكر نرجع على سورية اي بدنا نرجع لان الواحد بالاول و بلاخير مالو غير وطنو بس
انا اذا رجعت في عندي شغل اشتغلو بس في عالم كتير مانا رح تقدر تشتغل و يكون مدخولا متل مكان وبعدين شو مشتغل الواحد ب سورية بدو يضل مكسور لان كلشي غلي وضلت الرواتب نفس الشي يعني اذا في شي واحد بدو يفكر يشتري سيارة عادية بدو يعمل حسيبو مو تحت 700الف وبعدين بيجي تنمير وضريبت رفاهية وكل هيدا محمول بس بعدي بدو يفكر بالمصروف اليومي ل السيارة و هوي البينزين لصار حق 20لتر 800 وقابلة للزيادة انشا الله شو بدو الواح يعمل وهيدا غير مصروف البيت وغير...........
وبعدين سؤال اي واحد موجود بالايمارات اذا رجع في يعيش متل مكان عيش بالايمارات ؟؟؟؟

انا يا زياد ممكن تكون غربتي بهدف الدراسة بتفرق عن المغترب بهدف العمل
طبعا لا انكر انو اول ما اجيت على مصر كرهت الحياة واللي فيها, بس هلق تاقلمت و صار شي عادي
على كل و جوابا على اسئلتك:

اولا: طبعا افكر بالعودة الي بلدي و الاستقرار بها, و لا بعمري بفكر انو استقر بحياتي باي بلد تاني
السفر للبدان الثانية لن يتجاوز هدف الزيارة او العمل لوقت ما

ثانيا: السبب الذي دفعني الي الغربة هنا الدراسة و التحصيل العملي, على اساس انو لا يوجد دراسات عليا في اختصاصي في سوريا حاليا

ثالثا: طبعا لا تعليق هههههههههههههههه اذا فيك تنطر لحتى اتجوز و جيب ولاد, ليش لا

رابعا: بالنسبة لاولادي هل احب ان يعيشوا تجربة الغربة؟ انا بحب قول اي, لانو تعلمهم الاعتماد على النفس, و مواجهة المشاكل لوحدهم و اتخاذ القرارات, و حتى لو غلطوا بيتعملوا من غلطون, لانو اذا الواحد ما تعلم من حالو, ولا تحاول مهما حكيتيلو عن تجاربك و و الاخطاء اللي مريت فيها, ما رح يتعلم الواحد منها

خامسا: اني ارى سوريا لقدام و قدام, ما بعرف, انا بطبيعتي متفائل, يمكن لانو زادو المعاشات لدكاترة الجامعة 100% عم قول هيك ههههههههههههه, بس بجد انا شايف انو بلدنا لقدام رح تصير احسن, و ان شاء الله, ما حدا بيتمنى غير هيك بعتقد

و شكرا