تطويل الشعر للشباب هل انت موئيد ام معارض ؟؟؟

ظاهرة تطويل الشعر عند الشباب بجوز تلبق للبعض منون بس أنا برأيي أنو الشب الراكز ما لازم يطول شعرو لان معد بصير شب

انا بأيد هلفكرة وهي مشروعي الحالي لاني بدي طول شعري اي خيي والشغلة مو شغلة ضعف شخصية هيي نوع من التغيير طيب شرحلي وين ضعف شخصية اي هات لشوف
انا بأيد هلفكرة كتير كتير وعفوا منك بينك كيرل مو ضروري انو يكون الانسان شرع سبل ليطول شعرو برجع بقلك هيي تغير شكل لا اكتر ولا أقل

انا عندي رأي بهالموضوع بحب شارك فيه
الاسباب اللي بتدفع الشاب لتطويل شعره عديدة مثلاً:
واحد سافر حلاقو اللي ما بيغيرو بعمرو وما قدر يسلم راسو لحدا تاني ...... ممكن يترك شعرو
واحد حابب يغير شكل ليلفت نظر حدا او ليحقق ذاتو.................... ممكن يترك شعرو
واحد متقشف محب لحياة الزهد والرهبنة ............................. ممكن يترك شعرو
واحد اللي بيحبو طلب منو والطلبات هون اوامر .................. ممكن يترك شعرو
واحد بالغربة واجرة الحلاقة ببلد الاغتراب تبعو غالية يعني بتسكنو ببيت اجار بسوريا........ممكن يترك شعرو
اسباب كتير لسا ولكل منا سببه الخاص

هلق أول شئ ليه تقليد للغرب صار كلشئ تقليد للغرب ليه أيمت العرب
كانو يقصو شعرهم ماكنت تحضر المسلسلات التاريخية.......


هل أنت مؤيد أم معارض لتطويل شعر الشاب ؟ ولماذا ؟

بالنسبة أذا مؤيد أو معارض كل مين عنده رأيه يعني أنا وقت بدي ربي شعري
مارح أنطر العالم حتى تقلي حلو ولا لا ولا هيدا تقليد للغرب لأنه بالنهاية أنا عم
أعمل الشئ يلي مقتنع فيه.......


وماهي نظرتك للشاب اللي شعرو طويل ؟
والله حسب أذا كانت بتلبقله منقله حلو وأذا لا منقله بشع شو كيميا....

هل تعتبره ضعف شخصية لأنه تقليد الغرب ؟
أكيد لا مو ضعف شخصية......
بالنهاية كل عصر وأله موضى وموديل شكل... لمى كنت أعمل شعراتي سبايكي كانو
يضحكو عليي وهلق صارت العالم كلها عم تعمل سبايكي.... أنا بطبعي بحب غير كتير
بشعري يعني كل فترة كنت أعمل لوك جديد ومرّة ربيت غرتي سنتين ونص بكون هيك
عم قلّد الغربين أي ولامرة شفت واحد عمل هيك ومرّة قصيت عالصفر وربيت دقني كمين
يعني الواحد بيحب يغيّر شكل .. وهلق ألي 4 أشهر بالأمارات ولهلق ماخليت الحلاق
يقصلي شعري من ورا.......
وأنا بأيد أفكار مجد يعني أحيانا في ظروف بتفرض عالواحد هالشئ مثلا أنا بأمتحانات الجامعة
كنت قص عالصفر مشان ما أتلهى بشعري لأني للصراحة وقت كنت مطول شعري كنت وقف ساعة
ونص عالمراية بقى كنت قص عالصفر بالأمتحان......
وهون بالأمارات القصة يلي كنت قصها بالضيعة ما بعتقد رح تظبط مع الحلاقين هون مشان هيك
قلت حتى طوّل شعري أحسن شئ بس هلق عم طوّله وصار طويل كتيير بس بكرا يمكن قص عالصفر
يعني حسب الجنة بقى المهم ماعندي حل وسط ياطويل يا أما عالصفر ............
بقى الموضوع كل مين عنده ذوق وشكرا كوبرا على الموضوع......

بصراحة أنا من المعارضين لفكرة تطويل الشعر اوحتى عمل سكسوكة او اي موديل بالشعر او الذقن
لان حلة الواحد يكون على الطبيعة وحلو انك تشوف الواحد مثل ما متعود تشوفوعلى طبيعتو
وبدل ما الواحد يقلد الغير بشعرو او ذقنو وهيدا مقلد الممثل الفلاني او المطرب الفلاني او اللاعب الفلاني
ليش ما منكون نحنا قدوة للاجيال الطالعة ونكون فكلرة عن شخصيتنا بدل ما نقلد الغير

والله أنا بوافق zazo لأنو هالظاهرة توافق وتليق للبعض

ولاكن في مجتمعاتنا أعتقد أن الشب شب والفتاة فتاة

ولكن إذا نظرنا في مجتمعات أخرى إن الرجل لايقص شعرة وكذلك الفتاة

وإن هذه الظاهرة هي غربية وعبارة عن تغيير شكل وليس أكثر وعلينا أن نقلل منها

Mr.stone gold : Yes I Agree In Your Point ... But It's Not Depend On Freedom ...

بأختصار شديد

انا شعري طويل والسبب مو ضعف شخصية أو لفت نظر (لأنو لفت نظر لازم يتغير كل شهر ع الأكتر )

أنما هيك ماألي مروة روح أحلق بس أكيد شعري مو متل هيدا



أما الي ماعجبني هو شغلة تقليد الغرب ؟؟؟؟

هات لنشوف مين أكتر شي ممكن نقتدي فيه بالغرب مممممممم بتخيل الممثلين صح واغلب الممثلين شعرهم قصير كتير

وفي أعطيك 100 مثال عن هالممثلين بس أكيد مافي داعي لأنو الكل بيعرفهم

وأنت أذا حضرت المسلسلات التاريخية (مو الفنتازيا)بتلاحظ أنو كل رجال العرب بهيديك الأيام كان شعرهم طويل


أما عن ضعف الشخصية فهي عجبتني أكتر يعني وين ضعف الشخصية أذا الشب مطول شعره
والله ممتاز أذا طول الشعر مقياس للشخصية معناتها شغلة الطبيب النفسي سهلة كتير

لاتقل أصلي وفصلي أبدا .............. أنما أصل الفتى ماقد حصل

بتلاحظ أنو الشاعر ما قال اصل الفتى قصر شعره ؟؟؟!!!

هلق بدكون رايي انا ابطيق الشعر الطويل للشباب
يا عمي القصير احلى والو هيبي ما بدا تنين يحكوا فيا
بعدين إذا الشباب طولوا شعرون شو ضل للبنات لكن......؟؟؟
أحلى شي للشب يوقف شعروبالجيل وخلصنا

بلنسبة للبينك كيرل اسف جدا اذا حسيتي جوابي قاسي شوي بس أنا حاسو جدا عادي وهوي رد على حكيك وحكي زازو يعني مو ضروري يكون الانسان شعرو سبل ليطولي هيدا كلشي على كل حال حئك عليي بينك

انا بدي قول انو اكتر شي حلو للشب انو يوقف شعرو بالجل وكمان في كتير عالم بيلبقلون الشعر الطويل - وبالنسبة انو هل شي تقليد للغرب ليش نحنا منعمل شي الا تقليد للغرب

والله يا شباب متل ما تفضلتوا وقلتوا انو في تاس بيلبقلا الشعر الطويل

بس لا تزعلوا مني

فاذا اكنت الرجولة والشخصية بالشعر الطويل فان النساء هم اكثر رجولة وشخصية من الشباب