مشكلة عويصة

موضوعك حلو يا pink girl وكتير من العالم بتشوف العالم التانية متل ماهي بدا يعني يمكن يشوفوكي شايفي حالك او نفسية مثلا بس انت موهيك ومتل مابقولو \الي مابيعرفك بيجهلك\
وانا صايرة معي بس ماعملت شي معن معن بيعرفو لحالن اكيد لمن بيعاشرو هل شخص او حتى بيقعدو معو مرة بس بتتغير نظرتن فيه

انا بالنسبة ألي يا pink girl ما بحكم على حدا الا اذا عاشرتو منيح والأنسان لازم يكون عندو استيعاب للعالم ويعامل كل واحد حسب ما بفكر وعفكرا انا صار معي شغلة من ورا هل شي وبعتقد عرفتي على مين قصدي بس الحمد الله عرفت الشخص يلي ما اتعامل معو انو مو متل ما كنت مفكرو بالعكس طلع طيوب كتييير بس من برا ببين انو شايف حالو بعدين بس حكيت معو عرفت انو طيب كتييير وبشكرك عل هل موضوع الحلو

في الحقيقة انو نحكم على شخص من خلال المظهر سؤال مهم والحكم يعني انك اتخذت قرارا لكن لو سألنا
كم يكون لانطباعك الاول حين تقابل شخصا دورا في الحكم عليه اعتقد هذا المقصود........

الشخصية جزآن جزء ظاهر للناس وجزء يختفي وراء تلك الملامح والصور التي تعكسها عيوننا .......لذلك اذا حكمت على الشخص من مظهره الخارجي بتكون قد حكمت على جزء منه ومافيك تهمل الجزء الثاني والعكس يحدث مافيك تحكم على شخص فقط من خلال ماتعرفه عن خلفيته وطريقة تفكيره وثقافته .......لانو اهمال اي جزء بيكون الحكم وقتها ناقص...تتكامل الشخصية بانعكاسها على المجتمع وطريقة تعاملها معه اي هل تتناسب تصرفات هذا الشخص مع المجتمع .........والتصرف هو انعكاس للجزء الذي لايمكننا معرفته عن هذه الشخصية ..........مثلا طريقة اللبس تدل على خلفية الشخص وثقافته الاجتماعية وقدرته على ايجاد توازن بين شخصيته والمجتمع .......فالشخص الفوضوي لايستطيع ان يوصل فكرته كما يريد وببساطة لانه لايملك القدرة على التركيز وضبط الاشياء والشخص الذي يهتم بمظهره ويحاول ان يبقى مظهره امام الناس جيدا يحاول ان يوصل فكرته مجملة احيانا بكثير من الاشياء غير الحقيقية كي يبقى مثاليا فيها....
البعض يحب الحقيقة مزينة ببعض الكذب الذي نسميه ابيضا......والبعض يحب ان لايعرف الحقيقة مقابل ان يستمتع بقصة رويت له او حادثة رآها ........والبعض يحب الحقيقة عارية ولو قتلته بقسوتها........
من هنا كان الحكم على الاشخاص الذين نتعامل معهم حسب نمط شخصيتنا ومانحب ان نعرف من الحقيقة........
مشان هيك الموضوع والجواب عليه بيختلف من شخص لأخر لأنو كل شخص بيختلف بطريقة تعامله مع الناس
وأنا شخصيا بحب أحكم على الشخص من الناحيتين الخارجية وهي الأنطباع الأول والداخلية وهي الأنطباع الثاني
ولكن الحكم النهائي والحاسم هو للأنطباع الثاني.....
وشكرا على الموضوع الحلو وبتمنى كل الأعضاء تطرح هيك مواضيع...

شكرا كتير الكون كلكون ولولا تعليقاتكون ما كان للموضوع معنى

أنا برأيي إذا كنت مقتنع بشو ما أعمل مو فرقاني معي حكو ولا ما حكو

انا برأيي أحسن شي بعملو هوي اني حاول خليون يشوفو الخشبة يلي بعينون ويحكمو عليا وعدين يحكمو عالقشة يلي بعيني

أولا بدي أشكر بينك كيرل على هالموضوع الرائع وبعتقد ما في واحد منا ولا مر بهيك تجربة أو حالة

أما بالنسبة ألي انا ما بحب أحكم على الشخص اذا ما عشرتو مزبوط حتى لو كان فيي جمعات أو قعدات قليلة بيناتنا

وبرجع وبكرر شكري

انا معكن انو ما ليزم نحكي على الشخص مندون ما كون اعرفو
بس في بعض الاحيان بيوجد اشخاص من خلال تصرفاتا بتخليك تكون عندك فكرة عنا سواء كانت هل الفكرة منيحة او بشعة حسب تصرف
في اشخاص تصرفاتا بتخليك اجباري عنك تحكي عليا



هل الاشخاص معباين مع كامل الاحترام ههههههههههههههههه

الانطباع الاول شيء مهم جدا, و لكن هذا الانطباع يؤخذ فيه في حالات معينة كما في حالة التوظيف في شركة ما

اما في الحياة العامة العشرة و التعامل هو الاهم

افعلوا ما انتم مقتنعين به, و طالما افعالكم لا تؤذي احدا...............كلام الناس لا بيقدم ولا بياخر
الناس بدها تحكي, فيكم و بلاكم
و شكرا

هوي صراحة مفروض تعاشر الشخص لحتا تعرف طباعو بس بالنسبة للضيعة عنا ما في داعي لأن معروف مين بيتعاشر فيا ومين لأ
والله من عيونن بينعرفو
مع كامل الاحترام...............

بيقول المثل
بتعرفو قال أي قالو عيشرتو قال لا قال معناتا ما بتعرفو
وبيقولوا كمان
قلي من تعاشر أقول لك من انت

فكرة الموضوح حلوة للنقاش بس يلي بدي قولو انو اذا الشخص اول مرة بقعد معو ما فيني احكم عليه مباشرة لازم اقعد مرة ومرتين وثلاثة وعشرة حتى اقدر اعطي حكم صحيح لهذا الشخص .
والاكبر منا بالعمر افهم منا بالحياة وخبرتون اكتر منا يعني اذا بيعرفوا مين اصدقاءنا ممكن يعرفوا اذا كنا امناح او لا .

واللبيب من الاشارة يفهم يعني اذا الشخص عندو حركات وغمز ولمز بحكيو فمن الممكن افهم انو شخص مو كويس .