أسئلة حب صريحة.؟؟؟؟؟

العيب مو انو البنت تطلب علاقة من الشب العيب انو الشب رح ينغر ويشوف حاله انو صار شغلة مهمة او شخصية كبيرة











النسر لايطوي جناحيه مادامت هناك قمة لم يصل اليها

على راسي الشباب والله وردودهم بس ليه ما حطيتو أسئلي مشان أنكمّل الموضوع يعني كل عضو
بيجاوب عن الأسئلة يلي قبل وبيسأل كمان وهيك بيكبر الموضوع وبيصير أحلى
ناطر أجوبتكم وأسألتكم.......

سؤال

ليش عطول الشب هوي اللي بيحكي البنت موالبنت اللي بتحكي الشب

طبعا في عالم بتقول انو هوي الشب

بس بلكي هالشب خجول مثلا"



انا مع انو الشب هوي اللي لازم يحكي البنت......... بس السؤال فرض نفسو

الجواب ياخيي كوبرا برأيي لأنه بالمجتمع عندا هيك يعني بغير مجتمعات مافي عندهم فرق وبالنسبة ألي
بحب الشب هوي يلي يحكي البنت........
سؤالي للعضو يلي بعدي......
كام مرة حبيت من كل قلبك؟؟؟؟؟؟؟؟

له يا أبو المورك شو أخر مرة ليه بتعرف أيمت الحب بيدق بابك.....
بالنسبة لسؤالك للصراحة ولا مرة بكيت قدام يلي بحبه.....
السؤال : كيف بتحب شخصية يلي رح ترتبط فيه بعلاقة حب؟؟؟؟؟؟ السؤال للشباب والبنات.

والله انا يا ابو وديع اهم شي عندي يكون تقيييييييييييييييييل ورااااااااااكزو متعلم
اما السؤال هوي
على اي اساس لازم تكون مبنية العلاقة بين الشب والنبت

لازم تكون العلاقة بين الشب والبنت أولا مبنية على أساس الصدق والصراحة والأخلاص ثم المحبةوالبنترح تعرف انو الشب بحبها وقت بتكون صريحة معو وبتقدرلو مشاعرو أما السؤال:هل الكذب على الحبيب ضروري في بعض الأحيان؟

حلوسؤالك يا mark

هل يمكن أن يحل شخص أخر مكان الشخص يلي حبيتو بالأول ؟؟؟
مستحيل


ويصير حبك ألو أكبر من حبك للشخص الأول ؟؟؟؟
مستحيل


وهل يمكنك أن تنسى الحبيب الأول ؟؟؟؟
مستحيل
سؤالي :ليش اذا كان الشب والبنت متزاعلين دائما الشب بينطر البنت لحتى هي تحكي معو وتعتز منو وتصالحو ليش دائما البنت ليش مو الشب؟؟؟؟؟؟؟؟
ووين بتكون كرامة البنت بهالوقت قدام رفقاتا ورفقاتة ؟؟؟؟؟؟؟؟

ردا على سؤال سويت :
انا برأيي اذا كان في زعل لازم البنت تصالح الشب لان البنت خبيرة بالتعاطي مع الشب عاطفيا وهيك اكيد رح تأثر عليه وتخليه يصالحا
*وسؤالي:اذا الشب قال لبنت انو بحبا ليش معظم الاحيان البنت بتقول انت عمتضحك عليي وهوي اكيد بكون بحبا من كل قلبو؟

ok mark
البنت بتراضيه اول مرة وتاني مرة وتالت ورابع وخامس وسادس و......................................nمرة وبعدين لأيمت بدا تضل تراضيه هيي وتعتزر منو
ومشان سؤال zazo
يمكن لأن الفكرة الي معروفة عن أغلب الشباب (مو الكل)أنون مابيعرفوا يحبوا كلشي عندون تسلاي وهالشباب هني نسبتون كبيرة يعني الي بيكونوا عم يتسلوا 75% بينما الي بكونوا صادقين مع البنات25%
طبعا مع أحترامي لكل الشباب
هيدا رأيي بالنهاية

هاااااااااااي ولو أنطرونا غبنا يوم ماعد نعرف عل أيه بدنا نجاوب ثواني رح جيب علبة حبر مشان مايخلصه الحبرات..
على اي اساس لازم تكون مبنية العلاقة بين الشب والنبت
أنا برأيي أنه البنت تتصرف متل مابيحب الشب والشب يتصرف متل مابتحب البنت يعني لازم يكون في تفاهم كبير بين التنين وأكيد الصدق والأخلاص مهمين والصراحة أساس كل شئ...

وسؤال تاني: كيف بتعرف البنت انو الشب بحبا عنجد وبتقدر تبدا معو علاقة
عيون الشب مفتاح كل شئ.......

أما السؤال:هل الكذب على الحبيب ضروري في بعض الأحيان؟
أنا بالنسبة ألي مافي شئ عندي حتى أكذب فيه والصراحة أحسن من الكذب...

هل يمكن أن يحل شخص أخر مكان الشخص يلي حبيتو بالأول ؟؟؟ ويصير حبك ألو أكبر من حبك للشخص الأول ؟؟؟؟
وهل يمكنك أن تنسى الحبيب الأول ؟؟؟؟
والله يا أبو المورك كلشئ معقول بس في أله حدود يعني الحب الأول محفور بالقلب حفر وجرح البعد عن الحبيب الأول غميق ولو طاب بضّل أثاره معلّمة بالقلب وما بتنمحى.وعلى سيرة الحبيب الأول رح حط الكلمات يلي كتبتها عن هالموضوع وأنشالله كل تنين أبتعدو عن بعضهم يرجعو ويكملو المشوار.....

ياما سهرنا ليالي نسأل النجمة
عن حب غاب وحملته النسمة
وغنّينا للقمر الشوق أحلى غنّية
رجّعنا لأيام الحب الأول دبنا من الحنّية
ضاع منّا وانسرقت الأحلام الوردية
يامين يردّو وياخد عمري أنا هديّة

كيف بدّك انسى همسة الحب
لمّى تواعدنا مسويّة
أو انسى رعشة هالقلب
وتصير وعودك منسية
حلّفتك يا روحي بالّرب
وبالكتب السّماوية
ارجعلي ولا تخلّي هالقلب
يتعذّب كل سهريّة......

سؤالي :ليش اذا كان الشب والبنت متزاعلين دائما الشب بينطر البنت لحتى هي تحكي معو وتعتز منو وتصالحو ليش دائما البنت ليش مو الشب؟؟؟؟؟؟؟؟
ووين بتكون كرامة البنت بهالوقت قدام رفقاتا ورفقاتة ؟؟؟؟؟؟؟؟
سؤال حلو بس على فكرة هيي الشغلة بالذات بترجع لعلاقة الشب والبنت يعني مافينا نطبّق هالشئ على الكل
يعني العلاقة القائمة على التفاهم لازم الطرف الغلطان هوي يلي يصالح
وبالنسبة لموضوع الكرامة بظن أنه بالحب هيك مبادئ كلها بتصف عجنب طبعا عم أحكي عن الحب الحقيقي مو أي حب

*وسؤالي:اذا الشب قال لبنت انو بحبا ليش معظم الاحيان البنت بتقول انت عمتضحك عليي وهوي اكيد بكون بحبا من كل قلبو؟
والله يازازو سؤالك سهل كتير هيي الشغلة عادية يعني رح تسمعها كتير بس صلي ماتسمع البنت عم تقلك شو بيثبتلي أنك بتحبني هون وقتها أذا قلتلي شو بدنا نقول بقلك اللله وأعلم ؟؟؟؟

هلق أنا جاوبت على كل الأسئلة بس موضروري يعني الواحد فيه يجاوب على السؤال يلي قبله وبس ولاتنسو سؤالكم
سؤالي : شو هيي أحلى شغلة عشتها وأختبرتها بالحب؟؟؟؟؟؟؟

هلللا أبو المورك شو شايف مافي حدا عيري أنا وأنت عم نسأل يلا مو مشكلة ولعيونك أحلى كاسة متة عالسد.....
بالنسبة لسؤالك أكيد حسيت حالي مظلوم من قبل حبيبي في بعض الأحيان يعني مابيخلا الأمر من شوية مشاكل وألا مابتكون العلاقة مظبوطة يعني مافي تنين بيحبو بعضهم ومابيصير بيناتهم مشاكل أو حساسيات وألا بيكونو عم يكذبو على بعضهم وكل واحد عم يمسح جوخ للتاني وحتى قلك بخبرتي بالحب مافي شئ بيقوي العلاقة الا هيي المشاكل يلي منتعلم منها مع مرور الوقت....طبعا بس كلشئ أله حدوده...
والسؤال : متل مابنعرف الحب حالة شعورية قوية بيحس فيها كل شخص بقلبه وقد مايحاول يعبر عن هالشعور بتصرفات خارجية مافيه يعبّر الا عن نقطة من هالبحر الكبييير بقى أذا كنت شب أو أذا كنت بنت وأنسألت من قبل الشخص يلي بيحبّك وبتحبيه شو بيثبتلي حبك شو بيكون جوابكم ياترى جاوبوني حتى شوف؟؟؟؟؟؟؟؟؟؟

والله يا أبو المورك مو كون متفق أنا وياها اي وكون متفق معها ومع أهلها وكل عيلتها ما أسمع حدا
عم يحكي عليها بتعرف شو بيصير مارح أنكمل......أكيد مابسكت وبضحي بحبي ألها وما بخلي حدا يمسها بكلمة...

السؤال : شو هيي نظرتك للحب أن عشت هالتجربة ولا لا.....؟؟؟؟؟؟

بالنسبة لإلي ما بقبل تكون علاقتي سرية أبداً وأكيد أنا رح دافع عن أي شخص بينحكى عنو كلام كاذب كيف لوكان هيدا الشخص هوي الحبيب

بدي انا اسالكن سؤال بيشمل كل الاسئلة يلي طرحتوها شو الفرق بين الحب بالعقل و الحب بالقلب
ملاحظة:في شي اسمو الحب بالعقل محي يستغرب

بدي قول لkokoاكيد في حب بالعقل
اما الفرق بيناتون
اول شي الحب بالقلب:وقت الواحد بحب بدون تفكير وبيكون الشخص يلي بيحبو اخدلو كل عقلو وتفكيرو
اما الحب بالعقل:وقت الشخص بحب بعقل يعني بيحسب لقدام وبيشوف اذا هالشخص فعلا مناسب الو ولا لأ
انا هيدا اللي بعرفو وانشالله يكون صح

أنا برأيي هالسؤال مهم كتير وفيه فرق كبير بين التنين.......
الحب بالعقل موجود بس بقاموس حبي أنا محذوف لأنه الحب بالقلب أكيد ويلي بيعملو بهالفكرة على الأغلب
بيكونو عم يدورو حتى يرتبطو بعلاقة زواج يعني بيفكرو بعقلهم أكتر من تفكيرهم بقلبهم يعني شو هيي
الشروط المناسبة والجيدة لشريك الحياة لتأمين مستقبل أفضل وأريح حسب متطلبات هذا الشخص أو ذاك وأنا برأيي الحب فيه بيكون بارد جدا وبعيد عن الأحاسيس النابعة من القلب لأنه الحب لايبحث عن المادة وأنما يبحث عن لمسة حنونة تأويه عن نظرة دافئة ترويه وعن رعشة قلب تكسو أيامه أحلاما....... بعدين نوع الحب بالعقل بيكون جامد لأنه يبحث دوما عن العلاقة المثالية والأفضل اي وين بتروح المشاكل وعذاب الحب وجنون الحب ما أروع شئ بالحب وأعقل شئ فيه هو جنونه............. بنظري الحب للقلب والقلب ينبض للحب........