ايهما لصالح الفتاة؟

هيدا الموضوع من احد المنتديات:

الزواج ام الدراسة ايهما في صالح الفتاة ؟؟؟ ))
الكثير من الأهل يرفضون يزوجون بناتهم فى مرحلة الدراسه
فالدراسه أولا ومن ثم الزواج ..هل وجهة نظرهم صحيحه ؟؟

أم ان الدراسه لاتمثل عائقا لزواج الفتاه حيث انها تستطيع التوفيق بينهما ؟؟
هل الشهاده الدراسيه اكثر ضمانا لمستقبل الفتاه من الزواج ؟؟

هل الزواج فى سن مبكره السبب لحالات الطلاق حيث يكون الزوجان
غير مهيئين لتحمل المسؤليه وحل المشاكل ، كذلك إنشغال الفتاه فى الدراسه قد يلهيها عن واجباتها تجاه زوجها وبيتها
فيحدث الإنفصال من أول مشكله أو خلاف..؟؟
انتوا شو رايكم في الموضوع ؟؟؟؟

والله يا نديم هالشي بيرجع لطبيعة البنت كنتو عندك قدرة انو تنظم وقتا بين الدرس والواجبات الزوجية

ومنشان انو الشهادة الدراسية ضمن لمستقبل البنت ؟؟؟؟؟؟؟؟؟
انا برأي اي أضمن لانو بيصير فيا تساعد زوجها بالمصروف وخصوصا بهالأيام الصعبة الي ماعاد فيه الزوج لحالو قادر ع تأمين حاجات الأسرة

والزواج المبكر ؟؟؟؟؟؟؟؟
اي هوي من الأسباب الرئيسية للطلاق لانو متل ما قلت انت أو متل ما أسئلت انو مابيكونوا جاهزين لتحمل مسؤولية الزواج وبالأغلب حالاتالطلاق بتكون اذا الزواج كان مبكر هوي الزواج الخطيفة (التشريد)لانو الشب والبنت مابيكونوا واعيين عشي بالمرة ولا بيكونوا أخدين رأي أهلون بالموضوع يعني أهلون مابيكونوا مفهمينون عن شي أسمو المسؤولية
بالنهاية انا برأيي أنو أول الشي البنت تخلص دراستها ويكون معا شهادة وعم تشتغل بعدين تتزوج هيدا لمصلحتا أكتر

موضوع حلو كتيير خيي نديم........
انا برأي بالنسبة لموضوع الدراسة أم الزواج بعتقد انو أغلب البنات عم يتزوجو بسن22 وطالع او بالعشرين وبهالفترة هيدي البنت أو الشب بهالعمر اذا كانت مجتهدة رح تكون حاصلة على شهادة جامعية في حال لم ترسب بأحد السنين وبالنسبة لموضوع الأهل هاشئ بيرجع للعلاقة بين الأهل وأولادهم اذا في تفاهم بينهم ان كان بموضوع الزواج للبنت أو بموضوع السفر مثلا للشب ورح أعطيك مثل عني أنا اسا ما خلّصت جامعتي وهلق سنة رابعة أهلي كانو معترضين عفكرة السفر بس كلو بالتفاهم بينحل.....
وبالنسبة لموضوع الشهادة اذا هي أضمن للفتاة من الزواج : هيي أضمن للفتاة للزواج متل ما قالت sweet لمساعدة الزوج في المستقبل...
والزواج المبكر انا ما بشجعو بس لكل قاعدة شواز يعني يمكن انك تلاقي شخصين متزوجين بعمر صغير وعلاقتهم كتيير جيدة فأنا برأي اذا في تفاهم بين هالشخصين مبني على علاقة وطيدة وتخطيط جيد للمستقبل ما بيمنع هالشئ انو يتزوجوا بعمر صغير............

شكرا على الموضوع بس انا برأيي انو العلم والشهادة اول بعدين الزواج لان مثل ما تفضلتوا وقلتوا انو الزواج المبكر الغالبية منو زواج فاشل والسبب انو تزوجوا عن حب اي على عيني وراسي بس الحب ما بيطعمي خبز واذا خبز الواحد ما عم يقدر ياكل فكيف بدو يبني عيلة واولاد .
فالعلم سلاح ممكن انو الواحد يعتمد عليه لبناء الاسرة والحياة الزوجية السعيدة .
اما العلم بالنسبة للزوجة فهوي شي مفيد للاسرة بشكل عام فمن الممكن للزوجة ان تعمل بشهادتها وتساعد الزوج في اعباء العائلة وهذا فضلا عن ان الزوجة المتعلمة تربي اولادها بطريقة سليمة وحضارية