Montada Mraizeh
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

هل أنت مع عملية الإجهاض؟؟؟؟؟؟؟؟

+5
saeer tannos
Niro
The-Rock
magdeeb
yazdawib7a2
9 مشترك

صفحة 1 من اصل 2 1, 2  الصفحة التالية

اذهب الى الأسفل

هل أنت مع عملية الإجهاض؟؟؟؟؟؟؟؟ Empty انا مع.............

مُساهمة  yazdawib7a2 الأربعاء أبريل 02, 2008 5:22 pm

انا مع الاجهاض................. و مو نقطة عالسطر يا مجد Laughing

طبعا مش في كل الحالات, في حالات كتيرة تتطلب الاجهاض و بدون تفكير حتى مثل:
1- التشوهات الخلقية الشديدة للطفل التي ممكن ان تكتشف من خلال "الايكو"
2- الحمل الخطر على حياة الام

و في حالات كثيرة انا اؤيد الاجهاض فيها
مثلا: عائلة فقيرة ولا يمكن ان تتكفل بطفل. هكذا طفل قد يكبر في ظروف معيشية صعبة قد تحوله الى منحرف او سارق او مجرم او........

انا مرة بالكنيسة, فتحت هادا النقاش مع الشبيبة, هوي و نقاش الموت الرحيم
و على فكرة كانت في اراء كتير حلوة و موضوعية
بتمنى انو يفوتوا الشباب بقولوها و بدون خجل

و شكرا
yazdawib7a2
yazdawib7a2
مشرف منتدى مشاكل وحلـــــول

عدد الرسائل : 623
العمر : 44
الموقع : Egypt
العمل/الترفيه : PhD Student
تاريخ التسجيل : 19/10/2007

https://www.facebook.com/profile.

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  magdeeb الخميس أبريل 03, 2008 12:16 am

أن يأتيك طفل ذو تشوهات ليس أمراً سيئاً بالمطلق
والله هو من يخلق هكذا اطفال لدى بعض الاسر ليكونوا
سبباً في صبرهم وامتحاناً لايمانهم وتسليمهم بمشيئته
وقتل النفس هو مرفوض في الدين والمجتمع
والدليل هو ان كل الدول التي حللت الاعدام تتراجع عنه تدريجيا
يعني انت مش لازم تقتل ابنك لانك بتعرف انو رح يخلق معاق او رح يتعبك بحياتك
هيدي جريمة
اما بالنسبة للموت الرحيم فهوي تعبير غير دقيق لانك غير مفوض بانهاء حياة اي شخص
لان الرب اعطى والرب ياخذ وليس اي بشري
والطبيب الذي ينزع المصل عن مريض وينهي حياته هو مجرم
والطفل الذي سيولد في عائلة فقيرة نحكم عليه بالموت هيدي شغلة كتير غريبة !!!!!!!!!!!
يعني يلي لحق وغلط يتحمل النتيجة كاملة او يكون واعي والطب تقدم بهالمجال
ولان الله بيدبر وما بيقطع بحدا بتصور هالتفكير مش منطقي
magdeeb
magdeeb
مشرف المنتدى الهندسي

عدد الرسائل : 690
العمر : 37
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  magdeeb الخميس أبريل 03, 2008 5:16 pm

بسلامة فهمك يا مدام
بس الجنين ببطن امو روح حية وقتلو جريمة متل قتل المعلق بمصل
اما عن انو الله كملنا بالعقل فلسبب واحد حتى نقدر نعيش بهالحياة
ونعبدو ونعمل مشيئتو باستخدام هيدا العقل
وهوي عارف انو نحنا رح نوصل لدرجة كبيرة من العلم من خلالها رح نعمل
ما يشبه المعجزات
لهيك قال على لسان بولس (كل شيء مباح لي ولكن ليس كل شيء يوافق)
يعني رح نكون قادرين نعمل كتير بس يا ترى هيدا بيوافق مشيئتو؟؟؟؟؟؟؟؟؟؟؟؟؟
magdeeb
magdeeb
مشرف المنتدى الهندسي

عدد الرسائل : 690
العمر : 37
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  yazdawib7a2 الخميس أبريل 03, 2008 11:50 pm

مجد عم يقول يللي لحق و غلط يتحمل غلطو او يكون واعي
يا جماعة في مجتمعات (و هنا اتكلم عن مجتمات كمناطق و ليس كبلد, لان هكذا مناطق تعتبر مجتمع بحد ذاته)
المهم انو في مجتمعات ما بيعرفوا شي من اساس الوعي الصحي و الجنسي او فينا نقول الثقافة الجنسية و تحديد النسل
بيقلك: الولد رزقتو بتجي معو, و خود على خلفة و ولاد بالشوارع
هدول فيك تقلي شو بدو الواحد يتحمل غلطوا فيهون تيتحمل؟ اذا هوي كاب او ام مو واعيين لهيدي النقطة
شو ذنبون هدول الاولاد يربوا بالشوارع؟ هني لا قالوا جيبوني ولا قالوا شغلوني ولا قالوا عذبوني

يا جماعة نحنا اوقات منحكي من منطلق انو ما جربنا هالعيشة, او يمكن ما جربنا التجرية اللي هني عاشوها او مروا فيها, او مازالوا فيها, بس يمكن لو انحطينا بنفش الظروف كان الامر اختلف
ما شفنا ناس كيف عم تعيش, عم تاكل من الزبالة, عم تقتل لتاكل

كمان تعا لقلك, انت قلت الطب تقدم, اذا نحنا ما عملنا اجهاض بوسائل طبية سليمة و صحيحة
الام اذا ما بدا الولد رح تلجأ لوسائل شعبية قد تؤدي بحياتها, و صدقني اذا بحكيلك هالطرق, بقشعر بدنك كلو
و تيتموا الاولاد, و يللا يا بنت اللي كنتي بالمدرسة, تركيها تتطبخي لخواتك اللي بدون يشتغلوا و يطعموكي انتي و اخواتك..................و تدور الدائرة

من فترة انعمل فلم هون بمصر اسمو "حين ميسرة" ما بعرف اذا شفتو الدعاية تبعو
الفلم يحكي عن الطبقة, ما بدي قلك الفقيرة, بل الطبقة المعدمة في مصر, عمل ضجة ما طبيعية هون
انا عن نفسي بكيت, عنجد بكيت بالسينما لما شفتو, و باخر الفلم بيقلك المخرج, انو هوا ما صور الواقع متل ما هوي, لانو قاسي جدا

اذا بتلاقوه على سي دي, اتمنى انكون تحضروه, و رح تفهموا معاناة هالناس و مشاكلها

و شكرا
yazdawib7a2
yazdawib7a2
مشرف منتدى مشاكل وحلـــــول

عدد الرسائل : 623
العمر : 44
الموقع : Egypt
العمل/الترفيه : PhD Student
تاريخ التسجيل : 19/10/2007

https://www.facebook.com/profile.

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  magdeeb الجمعة أبريل 04, 2008 12:06 am

خيي عماد تقبرني شو حنون
انا فهمت من حكيك انو معناها نتقتل الولد قبل ما يجي ويصير بالشوارع
او انا فهمت منك غلط؟؟؟؟؟؟؟؟
magdeeb
magdeeb
مشرف المنتدى الهندسي

عدد الرسائل : 690
العمر : 37
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  yazdawib7a2 الجمعة أبريل 04, 2008 12:26 am

لا تقبرني ولا اقبرك يا قلبي

اذا حضرت الفلم, رح تفهم شو قصدي

كمان ليش عم تسميها عملية قتل؟؟؟؟؟؟؟؟؟؟؟
ماشي مشينا معك بالقتل
يعني الام تجهض (او عفوا تقتل) ابنا, و تقتل حالا معو احسن؟ (طبعا و ما يترتب على هذا من انعاكاسات سيئة على العائلة كلها)
او انو الولد يكبر و يصير هوي نفسو يقتل احسن؟

ما تقلي ما فينا نقتلوا على احتمال انو يصير مجرم ولا لا
مالمكتوب بينقرا من عنوانو
لما تدرس هيك مجتمعات و تلاقي نسبة الانحراف و الاجرام و الاغتصاب و القتل و التحشيش و السرقة و........و..........و......... كبيرة كتير, بتعرف انو احتمال هوي اللي رح يمشي

ولو, هادا علم الاحتمالات اللي اخدوه بحادي عشر ادبي Wink , مظبوط؟؟؟؟؟؟؟؟
yazdawib7a2
yazdawib7a2
مشرف منتدى مشاكل وحلـــــول

عدد الرسائل : 623
العمر : 44
الموقع : Egypt
العمل/الترفيه : PhD Student
تاريخ التسجيل : 19/10/2007

https://www.facebook.com/profile.

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  magdeeb الجمعة أبريل 04, 2008 12:50 am

منذ القدم كان الإجهاض مرفوضاً وفى قسم ابقراط الذي يتوارثه الاطباء عبر الأجيال يقسم الطبيب ألا يصف دواء يجهض به حاملا ...
هذا طبياً
اما دينياً
لا توجد مقاطع معينة في الكتاب المقدس تتناول موضوع الإجهاض ولكن يوجد تعاليم توضح وجهة نظر الله في هذه المسألة كما في
أرميا 5:1 يقول لنا أن الله يعرفنا قبل تكويننا في الرحم.
ومزمور 13:139-16 يتحدث عن دور الله الفعال في خليقتنا وتكويينا في الرحم.
وسفرخروج 22:21-25 يصف المتسبب في موت جنين في الرحم كقاتل نفس.
ونحن كمسيحيون
فالإجهاض هو يمثل موضوع انهاء حياة تشكلت على صورة الله كشبهه (تكوين 26:1-27 و 6:9) والرب يعرف حساب الإجهاض يوم الدينونة.

وانا انسان علمي الاتجاه لذا اسمع الراي الاول واقتنع به
ومسيحي الهوى والانتماء لذا اسمع الراي الثاني واقتنع به

اما بالنسبة للامور الاخرى التي تحدثتم عنها فهي نتائج
وعندما نريد معالجة امر نبدأ من الجذور ولا نذهب للنتائج
magdeeb
magdeeb
مشرف المنتدى الهندسي

عدد الرسائل : 690
العمر : 37
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  yazdawib7a2 الجمعة أبريل 04, 2008 12:57 am

خيو هادا قسم ابقراط معمول من مدري كم سنة, الله اعلم
بهيداك الوقت يمكن ما كان عندون ناس عم تاكل من الزبالة, او ناس عم تشحد اللقمة تتاكل
yazdawib7a2
yazdawib7a2
مشرف منتدى مشاكل وحلـــــول

عدد الرسائل : 623
العمر : 44
الموقع : Egypt
العمل/الترفيه : PhD Student
تاريخ التسجيل : 19/10/2007

https://www.facebook.com/profile.

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty معاااااااااااااااااااااارررررررررررررررررررررررررض

مُساهمة  The-Rock الجمعة أبريل 04, 2008 8:57 pm

من دون مناقشات ولا لف ودوران انا اعاااااااااااااااااااااااااااااااااااااااااااااااااارض الأجهاض حتى لوكان مشوه هيدي ارادة الله وبس.
The-Rock
The-Rock

عدد الرسائل : 53
العمر : 37
تاريخ التسجيل : 05/10/2007

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  Niro السبت أبريل 05, 2008 7:07 pm

يمكن أنت لأنك مابدك تتزوج <مابعرف إذا غيرت رأيك>
يمكن لأن مارح تنحط بهيك موقف أنو أبنك مشوه أو مو طبيعي <بعيد الشر> لأن مافي حدا بالعالم بيعرف أنو أبنو يمكن يكون مو طبيعي وبيخليه طيب شو رأيك نغير السؤال <هل انت مع عملية الإجهاض؟> ونخليه يكون : إذا ابنك بدو يطلع مشوه شو بتعمل ؟
هل بتخليه وبتضل ندمان كل حياتك وتتعذب وقت بتشوفو عم يتعذب ويقول ياريت ماجبتوني ع هالدني
أو أنك بتقسى شوي وبتريحو مع أنو اللي عم تعملو بيقطع قلبك لأن مافي حدا بيتمنى هالشي Sad
أما بالنسبة لسبب الفقر بعتقد أنو إذا ما إجا عهالدني أحسن ما يجي ويموت من الجوع أو أنو ينام بالشوارع أو يكون قاعد ع طرف الطريق عم يشحد
إذا شفت أبنك بصفة من هالصفات شو بيكون شعورك< مع أنو بعتقد أنو سبب الفقر نادر كتير>
طبعا بتحس بعدم المسؤولية وبالندم وبتقول ياريت ما جبتك وما شفتك بهالمنظر ياأبني متل مابيكون عم يقول هو ببالو < إذا ما فيك تعيشني ليش جبتني عهالدني> Evil or Very Mad
Niro
Niro

عدد الرسائل : 45
العمر : 38
الموقع : أبوظبي
العمل/الترفيه : منتدى اليازدية
تاريخ التسجيل : 23/03/2008

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  yazdawib7a2 الأحد أبريل 06, 2008 1:04 pm

شكرا Niro على التعليق
بس الموضوع و ما فيه يا Niro
انو كل الناس بتحكي من خارج اطار المشكلة
بس لما اي شخص بينحط جوا المشكلة, بيختلف الامر كليا, و انا واثق انو الراي بيتغير كليا
الله لا يوقع حدا باي مشكلة طبعا
بس الواحد ما لازم يحكي و ينهي الحكي, و يقول نقطة عالسطر
في مشكلة, في ناس عم تعاني, في ناس عم تموت باليوم مليون مرة
طبعا احنا الله انعم علينا بكل ما طيب لنا, و الحمد الله طبعا
بس ما حدا حاسس بشو عم يصير خارج نطاق مجتمعاتنا المرفهة

الله يكون مع الجميع و يساعد الجميع يا رب
yazdawib7a2
yazdawib7a2
مشرف منتدى مشاكل وحلـــــول

عدد الرسائل : 623
العمر : 44
الموقع : Egypt
العمل/الترفيه : PhD Student
تاريخ التسجيل : 19/10/2007

https://www.facebook.com/profile.

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  Niro الأحد أبريل 06, 2008 2:01 pm

شكرا إلك دشي عالرد ومعك حق أنو ماحدا بيحس بالمشكلة غير لما يوقع فيها والله يعين كل العالم
وشكرا Very Happy
Niro
Niro

عدد الرسائل : 45
العمر : 38
الموقع : أبوظبي
العمل/الترفيه : منتدى اليازدية
تاريخ التسجيل : 23/03/2008

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  magdeeb الأحد أبريل 06, 2008 10:01 pm

ما بعرف شو الواحد بدو يقول
يعني اذا الممارسين لمهنة الطب غير مقتنعين بقسمهم فعلى الدنيا السلام
يعني صار الواحد بيخاف يسلم حياتو لطبيب
وانت يا عماد من الذين سيدرسون الاجيال انشالله

اما عن نيرو ارجو ان تناقشيني بالحجج والنصوص
عن مصدر قناعتك بان الانسان يجب ان يحدد حالة اولاده فيختار من هو سليم ويقتل من هو معاق

يا مدام هناك بشر يمجدون الله بصبرهم ورعايتهم للايتام والمعاقين والمشوهين خلقيا واخلاقيا
وهم فرحون مغبوطون لا يعطون فرحهم لاحد وهنا اسأل :
هل هم أرحم على هؤلاء من أهلهم؟؟؟؟؟؟؟؟؟؟
بكلامك فهمت أنهم قد يكونون أرحم عليهم من أهلهم الذين إن رغبوا في قتلهم لا يتوانون لحظة عن
تسليمهم لمصح أو دار عناية

الله يجيرنا ..........لوين العالم رايح؟؟؟؟؟؟؟؟؟؟؟؟
magdeeb
magdeeb
مشرف المنتدى الهندسي

عدد الرسائل : 690
العمر : 37
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty شكرا

مُساهمة  saeer tannos الإثنين أبريل 07, 2008 12:33 pm

شكرا يا شباب على هالنقاش المحموم بس لازم قبل ما نتوصل للإجهاض ونوقع بمتاهات العاطفة والعقل ومتاهات الدين والمجتمع أن نفعل دور الوعي الصحي للناس عبر المرشدين الصحيين وبالتالي تقليل الولادات غير المرغوب فيها وكمان نعمل استشارات وراثية وصحية والنساء تبنعد عن التدخن والأدوية والكحول أثناء الحمل وعن الحقول الممغنطة وأي مهنة ممكن تشوه أو تمسخ الجنين مثل الأشعة والتخدير وهيك منكون جعلنا الولادات المشوهة نادرة الحدوث وبعد هالإجراءات الوقائية كلها إذا حصل تشوه يكون مشيئة الله وهنا لن أتدخل

saeer tannos
مشرف المنتدى الطـــــــبي

عدد الرسائل : 73
العمر : 42
الموقع : yahoo
العمل/الترفيه : معيد /جامعة تشرين / tutor
تاريخ التسجيل : 12/02/2008

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty شو هيدا يا شباب

مُساهمة  saeer tannos الإثنين أبريل 07, 2008 6:35 pm

النقاش الحقيقة مجتدم وهو الموضوع شائك كتير وإلو كتير وجهات نظر
لونحنا علمنا الشباب المتزوج بعد الاجراءات رح منخفف كم كبير من هالمشاكل ونجنب حالنا دخول متاهات الدين والقانون والاعراف الاجتماعية وهالاجراءات هيي
ضرورة اتباع المشورة الوراثية قبل الزواج وهيدا يخفف كتير من التشوهات والأمراض الوراثية
الابتعاد عن زواج الأقارب
الابتعاد عن الزواج والانجاب قبل ال 18 وبعد ال35 عاما
عدم تناول الأدوية والكحول وتجنب زيادة الوزن وسوء التغذية أثناء الحمل
الثقافة الصحية الجنسية بين الزوجين واتباع برامج تنظيم الاسرة والاستشارة الطبية قبل الحمول
علاج الالتهابات النسائية والبولية قبل تقرير الحمل
اعادة النظر في نظام اجازات بعد المهن الطبية والنفطية ومجالات الطاقة وأثرها على الحمل خيث يوجد للكثير من المواد الاشعاعية والكيماوية آثار ماسخة للأجنة

وفي حال اتباع هذه الأمور نخفف من نسبة الحمول غير المرغوب بها والمشوهة قدر الامكان وفي حال حصولها بعد هذه الاجراءات برأيي ان تكون الخبرة الطبية وراء أسباب منطقبة جدا لحدث الاجهاض وإلا اعتبر الاجهاض جنائي يعاقب عليه القانون السوري وفق مواده المتعلقة بالمهن الطبية وتنظيمها شحطو فرااااام

saeer tannos
مشرف المنتدى الطـــــــبي

عدد الرسائل : 73
العمر : 42
الموقع : yahoo
العمل/الترفيه : معيد /جامعة تشرين / tutor
تاريخ التسجيل : 12/02/2008

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  yazdawib7a2 الإثنين أبريل 07, 2008 6:43 pm

شكرا سائر لهذا الرد المهم
انا و انت نفهم ما قلت, المستوى الاول من الوقاية و هو الوقاية الاولية و التي تحتوي على التثقيف الصحي و معالجة الامراض المسببة للتشوه و........ و....... و......
بس يا زميل
لبين ما توعي كل هالناس و تصير كل الناس تعرف شو يعني وقاية اولية, و شو يعني وعي صحي
بيكون صار عندك بالمجتمع حالات بلاوي من اللي ذكرناها سابقا
هدول شو بدك تعمل فيهون؟
و شكرا
yazdawib7a2
yazdawib7a2
مشرف منتدى مشاكل وحلـــــول

عدد الرسائل : 623
العمر : 44
الموقع : Egypt
العمل/الترفيه : PhD Student
تاريخ التسجيل : 19/10/2007

https://www.facebook.com/profile.

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  LOJAIN MOUSSA الثلاثاء أبريل 08, 2008 12:00 am

الله لا يجرب حدا يا جماعة و هي الشغلة بالزات بتعتمد على العاطفة و الدين اكتر من العلم و المعلومات الطبية لان بالاصل هي نفس بشرية خالقها ربها و هوي اللي بيرعاها و بيقرر مصيرها ولا سمح الله ازا اي واحد منا وقع بهيك تجربة مارح يرجع يدور بالكتب رح يتصرف بعاطفتو و يسأل رحمة ربو
LOJAIN MOUSSA
LOJAIN MOUSSA

عدد الرسائل : 53
تاريخ التسجيل : 15/10/2007

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  دموع حزينة الجمعة أبريل 11, 2008 12:39 pm

بصراحة يا شباب كل ارأكم صحيحة يعني من وجهة الدين متل ما حكا مجد صح
ومن وجهة العلم متل ما حكا عماد صح
ومن وجهة الواقع متل ما حكت نيرو كمان صح
بس نحنا في عصر العلم والسرعة وانا برأيي
صار في وعي يعني اذا الاهل مش قادرين يعيشوا
الولد ما بينجبو وانا على مرأى عيني الواحد بيبقى سنة وتنتين حتى
يفكر في الانجاب حتى يصير قادر على معيشة الاولاد معيشة عالية
وبرأي اذا الولد مشوه انا مع عملية الاجهاض
دموع حزينة
دموع حزينة

عدد الرسائل : 6
العمر : 39
الموقع : الياذدية
العمل/الترفيه : السياحة
تاريخ التسجيل : 03/04/2008

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  OSAMA الأحد أبريل 13, 2008 10:35 am

يا شباب ولو كنت بدي أرجع نشط هالموضوع بس هو موضوع مهم ولا زم يرجع لدائرة النقاش

أغلبيتكم ما بعرفهم مشان هيك مرح أستخدم الأسماء بالتعبير وهيدا من حقي

بالنسبة لنظرة العلم بالأجهاض فالعلم ما فارق معو ومافي شي ممكن يحد العلم عن عملو غير الدين الي بيقيد العلم وبيوجهو نحو الخير ( أو الشر )

يعني مابدي حدا يقول والله العلم مانو مع الأجهاض أو مع الأجهاض, العلم خلق عملية الأجهاض وترك الدين يحط شروطها

وشروطها مستمدة من العلم ومن الأختبارات العلمية الوراثية أو السريرية

الأجهاض حسب الشريعة والي هي القانون لازم يتم قبل ما يبلغ الجنين الشهر الثالث والسبب أنو الجنين لحتى نهاية الشهر الثاني بيضل أسمو مضغة أو مضغة مخلقة (حسب المرحلة) وبتكون أجهزتو مجرد براعم (برعم القلب برعم الكبد ) ومع الشهر الثالث ببلش الجنين ياخد شكل الأنسان النظامي وهون صار حسب الدين روح

أما فعن أيمت وجب أجراء الاجهاض

في حال أصابة الأم بمرض يستطيع عبور حاجز المشيمة متل الأيدز

في حال أظهر بزل السلى وجود عيب جيني بتكوين المضغة

في حال أظهر الفحص بالصدى الصوتي (الإيكو) وجود عيب خلقي بالجنين ما بيوافق الحياة

متل حالة خلل التكون الذنبي (عروس البحر) وهي الحالة نادرة جدد والمولود بعدها رح يموت وخاصة أنو ما بيملك كلية (بالمرحلة الجنينية المشيمة بتشتغل محل الكلية )

أما عن أنو أذا العيلة فقيرة فمسموح عمل الأجهاض لحتى ما يتطور الجنين لقاتل أو سارق أنا هون ومع أحترامي الشديد للكاتب أنما بحياتي ما سمعتها هالشغلة وأكيد هيدي الشغلة ما مسموحة بالدين ومتل ما قلت سابقا العلم ما بيهمو هيك مواضيع

تحياتي
OSAMA
OSAMA

عدد الرسائل : 36
العمر : 34
الموقع : in my own space
العمل/الترفيه : دكتور مع وقف التنفيذ
تاريخ التسجيل : 10/04/2008

http://www.sitamol.net

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد على الملاك الابيض

مُساهمة  yazdawib7a2 الأحد أبريل 13, 2008 2:59 pm

شكرا كتير يا الملاك الابيض على ردك القيم

اتمنى انو تذكر المرجع الاساسي تبع نقطة راي الشريعة بسماح الاجهاض باول 3 شهور من الحمل
لانه و بكل تاكيد, الاجهاض سيحصل باول 3 شهور, لا احد ينتظر لاخر او منتصف الحمل و بعدين بدو يصير يجهض

يا جماعة احنا عم نحكي عن الاجهاض عندما يكون في سبب لذلك, الموضوع ليس مزاج او لما بيجي ع بالو

اما بالنسبة للحالات الطبية التي ذكرتها
انا قلت من الاول عنها, بس انت ذكرتها بالتفصيل, و شكرا الك
و مع انو كلامك كان بمصطلحات اختصاصية جدا..... بس المهم انو الناس تعرف في حالات لازم, و ليس يجوز, بل لازم الاجهاض فيها


و بالنسبة لنقطة العائلة الفقيرة و سماح الاجهاض فيها
انا ما كان قصدي انو كل عالة فقيرة لازم تجهض
يا جماعة, في مجتمعات الناس فيها معدمة...........ما معها شي
اذا هني اختاروا الاجهاض, ليش لا
سبق و ذكرت, اذا احنا ما عملنا الاجهاض, الام رح تلجأ لوسائل شعبية وقتها الها عواقب كتيرة
و من كلامك يا الملاك الابيض فهمت انو عندك خبرة بمجال الطب, فانا واثق انك بتعرف شو هالوسائل

برجع و بكرر كلامي, لما اي شخص بيدرس واقع هيك مجتمعات, و بلاقي فيها نسبة الانحراف و الاجرام و السرقة و القتل و المخدرات و....و.............و....... بيعرف ليش نسمح بالاجهاض فيها

سائر ذكر نقطة التوعية الصحية للناس حول هالموضوع
طبعا هادا شي مهم كتيييييييييييييييييييييييير, انو كل الناس تعرف اسباب التشوهات الخلقة مثلا, و الاهم من ذلك وسائل منع الحمل و هادا الاهم في حال ما بدون يفوتون بموضوع الحمل غير المرغوب فيه و الاجهاض......
بس لبين ما اجا الوقت و كل الناس تعرف شو يعني هالكلام...................لا تعليق
اي انا بالمجال الطبي, و في بعض الحالات الي ذكرتها يا الملاك الابيض ما عرفتا, فكيف على ناس ما بتعرف شو هوي العلم من اساسو

و برجع بقول: طبعا ما حدا بيجيب حدا و بيجهضوا غصب عنو, كل هادا اذا الاهل بدون. بيدو ذكر كل ما يتعلق بالقانون بالنسبة لموضوع الاجهاض, و قال اذا كان الاهل و جميع الاطراف موافقة , القانون لا يعاقب

و شكرا مرة ثانية
yazdawib7a2
yazdawib7a2
مشرف منتدى مشاكل وحلـــــول

عدد الرسائل : 623
العمر : 44
الموقع : Egypt
العمل/الترفيه : PhD Student
تاريخ التسجيل : 19/10/2007

https://www.facebook.com/profile.

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  Niro الأحد أبريل 13, 2008 3:05 pm

بونصوار
شكرا عماد على ردك وبرجع بقول أنو كل واحد عندو قناعاتو وكل مين ع دينو الله يعينوا
بس عندي استفسار وين بقية الردود اللي كانت موجودة قبل هي الصفحة إذا بتعرف
وشكرا
Niro
Niro

عدد الرسائل : 45
العمر : 38
الموقع : أبوظبي
العمل/الترفيه : منتدى اليازدية
تاريخ التسجيل : 23/03/2008

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  yazdawib7a2 الأحد أبريل 13, 2008 3:14 pm

شكرا Niro
يعرف كل واحد عندو اعتقادات و اراء
بس انا بالنسبة لنقطة العائلة الفقيرة حبيت فسر وجهة نظري للناس تفكر اني ماسك النسوان الفقيرة و نازل فيهون اجهاض

بس المشكلة انو ما عم توصل الفكرة
على كل انا قلت و برجع بقول
احنا دايما منحكي من برة اطار المشكلة, و ماحدا بيعرف شو عم بيصير برة مجتمعاتنا المرفهة و الخالية تقريبا من المشاكل اللتي لو تقارن بمشاكل غيرنا..........هي لا شي
و شكرا
yazdawib7a2
yazdawib7a2
مشرف منتدى مشاكل وحلـــــول

عدد الرسائل : 623
العمر : 44
الموقع : Egypt
العمل/الترفيه : PhD Student
تاريخ التسجيل : 19/10/2007

https://www.facebook.com/profile.

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  bedrous muradian الأحد أبريل 13, 2008 3:15 pm

خيي عماد بعد اذا بتسمح وبعد اذن شواربك في اخونا سائر طنوس في موضوع الحمل الخطر ففي احدى ردوده كاتب عن الاجهاض وسالني عن رأي القانون بالاجهاض
طبعا انا جاوبت ويعرف انو المفروض يكون الجواب هون بهيدا الموضوع فقط اقتضى التنويه وشكرا


عدل سابقا من قبل bedrous muradian في الأحد أبريل 13, 2008 3:21 pm عدل 1 مرات
bedrous muradian
bedrous muradian

عدد الرسائل : 380
العمر : 45
الموقع : الامارات رأس الخيمة
العمل/الترفيه : sales man مجوهرات داماس
تاريخ التسجيل : 06/01/2008

http://www.mraizeh.com

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  Niro الأحد أبريل 13, 2008 3:20 pm

بعرف وأنا كان رأيي من رأيك وأنت بتعرف هالشي من مشاركاتي منشان هيك سالتك عن الردود القديمة لأن مو طالعة عندي
وبالنسبة انو كل واحد عندو قناعاتو كان قصدي انو في عالم هيك بتقتنع ومافي شي بغيرلها رأيها لأن متل ما قلت عم يحكوا من خارج إطار المشكلة
وبالنسبة للنسوان حرام عليك شوي شوي
Niro
Niro

عدد الرسائل : 45
العمر : 38
الموقع : أبوظبي
العمل/الترفيه : منتدى اليازدية
تاريخ التسجيل : 23/03/2008

الرجوع الى أعلى الصفحة اذهب الى الأسفل

هل أنت مع عملية الإجهاض؟؟؟؟؟؟؟؟ Empty رد: هل أنت مع عملية الإجهاض؟؟؟؟؟؟؟؟

مُساهمة  OSAMA الأحد أبريل 13, 2008 7:39 pm

[quote]يا جماعة, في مجتمعات الناس فيها معدمة...........ما معها شي
اذا هني اختاروا الاجهاض, ليش لا
[/quote]

ما فينا نقول أذا هني أختاروا الأجهاض ليش لاء والسبب

عملية الأجهاض خطيرة دوما ع الأم ومتل ما حضرتك ذكرت أنو في شعوب معدومة (من كلشي ) فكيف بتتوقع يكون عندهم رعاية طبية كافية لمعالجة حالة نزف بسيطة أثناء العملية

يعني ابسط شي ممكن يصير نزيف حتى الموت (حتى الدم مرح يكون مؤمن بالنسبة لهالشعوب الفقيرة)

أو من الممكن أهمال الطبيب لجزء من المشيمة وتركه داخل الرحم وهالجزء هيدا ممكن يسبب كتير مضاعفات ومنا ممكن يسبب سرطان بالرحم وبالنهاية يا عقم أو موت

مع العلم أنو عملية الولادة الطبيعية الي بيتبعها بعد ما يقارب نصف ساعة خروج المشيمة الدكتور بهالحالة ما بيتطمن غير لما بيتأكد أنو فلقات المشيمة الموجودة على الوجه الرحمي كاملة

أما بهيك شعوب هل تعتقد أنو ممكن يكون في هيك تقني من الدكاترا


أنا معك من ناحية أنو هالولاد ما يخلقو بس نحن بدل ما نمنعهم عن الولادة فلنمنعهم عن التكوين من الأساس

يعني أنا بلاقي أنو وسائل منع الحمل هي أفضل شي بالنسبة لهالشعوب

بعدين نحن أذا كنا مع الأجهاض بكل الحالات شوف شو رح يصير بالأرض والحمدلله أنو هون عنا بيتعاقب الدكتور الي بيعمل متل هيك عمليات من دون سبب(يعني شوي الخوف من الحمل بيقضي عهالشغلات )


تحياتي
OSAMA
OSAMA

عدد الرسائل : 36
العمر : 34
الموقع : in my own space
العمل/الترفيه : دكتور مع وقف التنفيذ
تاريخ التسجيل : 10/04/2008

http://www.sitamol.net

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى