Montada Mraizeh
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الــــــيـــــازديــــــــــــــــــة

2 مشترك

اذهب الى الأسفل

الــــــيـــــازديــــــــــــــــــة Empty الــــــيـــــازديــــــــــــــــــة

مُساهمة  magdeeb الخميس أغسطس 27, 2009 3:25 pm



بضيعتنا تجمعوا بنات وصبيان
عالمحبة وعالعطا
وحدوا كل الخطا
وحدوا لقـــــلوب
تَ اسمك يــــدوب
وما تبقي ولا يوم بصف النسيان
يا يازدية يا صبية
يا أحلى وردة جورية
بأوائـــل نيســـــــان
***
ومرت تلات سنين
وصاروا فيكي يكبروا
قدموكي لكل الكون هدية
وصرتي لحبهم عنوان
وقطفوكي ثمرة خيّرة
بتكفي الكل
لما الزمن حان
يا يازدية يا عاصمة أبدية
لكل الأكوان
يا أحلى وردة جورية
بأوائـــل نيســـــــان
***
لعيونك بترخص الكنوز
وكرمال رفعتك
كل الما بيجوز يجوز
ولو عين الغدر تطلعت
والشر تطاول عليكي
بنقلو اسمع هالإعلان
نحنا اللي القمر بيطلب رضانا
تيبعت نورو على السهران
والكاس بتستأذن حمانا
قبل ما تفضى وتقتل السكران
والخوري مع ذكر الأبانا
وريحة البخور تعبق بالمكان
يصلي تَ الله يحمي اليازدية
ويصون الشباب الطيبة العدية
اللي ما بتبخل لو كانت روح
تقدما عمدبحك قربان
يا يازدية يا صبية
يا أحلى وردة جورية
بأوائـــل نيســـــــان
***


magdeeb
magdeeb
مشرف المنتدى الهندسي

عدد الرسائل : 690
العمر : 37
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

الرجوع الى أعلى الصفحة اذهب الى الأسفل

الــــــيـــــازديــــــــــــــــــة Empty رد: الــــــيـــــازديــــــــــــــــــة

مُساهمة  كنعان كنعان السبت أغسطس 29, 2009 10:28 pm


يا مجد كل ما عبالك خطر ------ تكتب شعر وأشواق مدفوني
بحروف مدهبة بترسم صور ----- وبتبني قصور بالحب مسكوني
بأبيات صارت للعالم عـبر ----- وكنوز تحت الأرض مكنوني
عجناح الشعر رح ودي خبر ----- تعوا تعلموا من مجد القصيد
وكيف بتكون الأبيات موزوني


يعطيك العافية حلو كتير .
كنعان كنعان
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 53
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

http://www.kanaan.ahlamontada.com

الرجوع الى أعلى الصفحة اذهب الى الأسفل

الــــــيـــــازديــــــــــــــــــة Empty رد: الــــــيـــــازديــــــــــــــــــة

مُساهمة  magdeeb الأحد أغسطس 30, 2009 12:22 pm

تلاميذ نحنا بصفك
بنكتب شعر وبنألف قصيد
كل ما قلنا خلصت الكلمات
جمالها ..سحرها بيحيينا من جديد
وبنسرح بوحيك يا أغلى كنعان

بنشكر العالي اللي منّ علينا
وخلقنا فيها وكرّم الإنسان
باليازدية هالصبية
أحلى وردة جورية
بأوائـــل نيســـــــان
magdeeb
magdeeb
مشرف المنتدى الهندسي

عدد الرسائل : 690
العمر : 37
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى