كنا صغار

استعرض الموضوع السابق استعرض الموضوع التالي اذهب الى الأسفل

كنا صغار

مُساهمة  كنعان كنعان في الخميس أغسطس 27, 2009 11:19 am


كنا صغار



كنا صغار
وكانت صغيرة الدني
وكبرنا
وكبرت معنا الولدنه
العمر مشوار
بيمرق ع غفله
والزمن دوار
و ما إلو قفله
يا ريت لو بترجع
إيام الشيطنه
وإرجع صبي وترجعي طفله
وأخسر من عمري سنين
وكل ما خسرت سنه
أعطيكي سنه


بتتذكري ؟
ياما ورا الحيطان
كنا نلعب سوى
طيارة قصب
مع خيطان
نطيرها بمهب الهوى
وتركضي وأركض وراكي
وأقطفلك من حقلتي
ورده وسوسنه
بتتذكري ؟
ع كعب الشجرة العتيقه
شو حفرنا اسامينا
وبالذكريات الغميقه
شلحنا الهم ونسينا
وهلق كبرنا و تغيرنا
والشعر براسنا شاب
من خمر نضجنا سكرنا
وسكرنا عالماضي بواب
وبتضلها صغيرة هالدني


حتى لولا الضهر انحنى
وانكتب عوجوهنا
تعب الدروب
وتفاحنا صار بموسم جنى
وضعفت شمسنا
ومالت ع الغروب
الشجر كل ما حمل أكتر
كل ما غصونو عالأرض
بتنحني

كنعان الياس كنعان

_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 47
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: كنا صغار

مُساهمة  magdeeb في الخميس أغسطس 27, 2009 12:24 pm

مع أني بالفترة الماضية كنت مبسوط بوجودك وطلتك بالضيعة وبعرسك يلي فرحت اليازدية كلها فيه
مبسوط أكتر لعودة الحياة للمنتدى من خلال كلماتك الرائعة.
الله يا أبو الياس
avatar
magdeeb
مشرف المنتدى الهندسي

عدد الرسائل : 690
العمر : 31
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كنا صغار

مُساهمة  Adon في الجمعة سبتمبر 04, 2009 1:53 pm

صغار كنا ولازم نبقى صغار

ع باب العمر نبقى نعيش قمار

الاسامي المحفورة زهر وغار

ع اغصان الشجر ليل نهار

خلص العمر شو صرنا كبار؟

قلب الطفل يبقى دهر

ورد مزين روح الفجر

avatar
Adon

عدد الرسائل : 155
العمر : 35
الموقع : http://www.facebook.com
العمل/الترفيه : اوتيل\ موسيقى
تاريخ التسجيل : 05/11/2007

معاينة صفحة البيانات الشخصي للعضو http://www.facebook.com/profile.php?id=567315107&ref=profile

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى