جرجي وبالعالي بيروت

استعرض الموضوع السابق استعرض الموضوع التالي اذهب الى الأسفل

جرجي وبالعالي بيروت

مُساهمة  samerbek في الإثنين يونيو 08, 2009 6:49 pm



إنت ورايح من ضيعتنا بآخرها بتلاقي عَين
عَ جبينا بتعرّم صخرة مكتوب عليها إسمين
جــــرجي وبالعالي بيروت
بو جرجي بيّو لجرجي
ختيار وإيدو مقطوعة سكّير مداوَم عالشّرب
وعَ طـــول الكاسة مرفوعة
ومين المابيعرف بوجرجي وكلّ حكاياتو مَسموعة
صيّاد كبير ومشهور مرة صَيّـد تسع نسور
ومرة اصطاد تلات نمور ومرّة استوحَش
هيك بيحكوا عنه مَرّة صَيّـد ضبعة ولَبوة ونمرة
ونسور المانا معدودة وفجأة
خانيتو البارودة وانفجرت واحترقت إيدو ...
وانقطعت بيقولوا مابكيت عينو
سلّـى حالو بغنيّـة بيقولوا
إيدو المقطوعة دشّـرها بالبرّية
ومن يوما بو جرجي اتغيّـر قفّـل عَ بواب الإحساس
بلّـش يسكر خمس ســنين وما دشّــر من إيدو الكاس
دشّــر مرتو وإبنو وبيتو
دشّـر رفقاتو والناس وما بعّـد عن تمّـو الكاس
اتمنى واحد من ضيعتنا يشوفو شي مرّة واعي
اتمنى يشوفو ممشّـط شعرو مرّة ونضيف الأواعي
صار الخمر يخاوي دمّـو يفيّق بعيونو النسيان
وسَكرة صحيانة تهمّـو وترميه ويبقى نعســـان
عندو الكاس بيسوى قلعة ما عندو أغلى من البَلعة
ويوم الجمعة تسعة حزيران الأسود من عام تنين وتمانين
بتوقَف سيارة بالضيعة بتسأل عن بو جرجي وين
ترجّـل ضابط عَ كتافو معلّق نجمين
ونادى : يـــــا بو جرجي
وبو جرجي مطنّـش سرحــــان ردّ .. وقلّـو :
يابو جرجي إبنك جرجي مبارح كـــان
عَ صدر الجبهة نيشان
إبنك جرجي مبارح غنّـى خلّـى جبال النار تهزّ
بــاس الأرض وضمّـا وحنّـى بدمّـو تراب حفاف العزّ
إبنك سيف مدافع عَنّـا رمْح بصدر العادي انغـزّ
إبنك قلعة مَـجد وأعلى ربيانة عَ كتاف الريح
وعَ مدخل بيروت اتجلّـى
مارد أسمر مــا بيزيح إبنك شبّـاك مراجيح
توَدّي وتجيب عصافير بموجة نور بموجة عزّ
بموجة ياسمين وجرجير يعني نحنا كنا زغار
ووحدو إبنك كان كبير
بيقولوا
بو جرجي وقتا بلّـش يرجف متل اللمعة
بيقولوا هي أول مرة
بتنزل من عينيه الدمعة وقـّـف هَـمهَـم غَـمغَـم زَمجَر
كفـّـو تصلّـب زندو تحَجـّـر شفافوا انمدّوا عيونوا اتحدّوا
فزّع كلّ الكانوا حدّوا وبلـّـش يزأر ويصيــــح بها العالي ويهدُر :
جرجـــي إبني جرجـــي عيوني جرجي يمـــوت
قالولي ما اتجوّز إبنك هي هوي اتجوّز بيروت
ومن يوما بو جرجي غاب واحد بس المَرّة شافو بنصّ اللّيل وحَـدّ العين
سطـّـر عَ صخورا إسمين جــــرجي وبالعالي بيروت
وما عرفنا بو جرجي وين إلا وبتمرق سنتين
بيحكيلي ضابط لبناني عن ختيار كبير السّــن
مدفوع ومقطوع الإيد شــافو عم يزحف لبعيد
صــوب الجيش الإسرائيلي والدّنيا شي إنـّـو صبح
وفجأة وقـّف متل الرمح وجندل ستة بسيفو وغنـّـى
جايي يا جرجي استقبلني رح تبقى الرّاية مرفوعة
السّـكير اللي إسمو بيـّك طـفـّى بدمـّو الأرض وجوعا
ولما بيناديه الواجب من سابع سكراتو بيوعا
قصيدة قديمة وجدتها عندي حبيت انكم تقروها

_________________
avatar
samerbek
مشرف المنتدى البــــلدي

عدد الرسائل : 68
العمر : 42
الموقع : www.mraizeh.com
تاريخ التسجيل : 11/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

سامر

مُساهمة  george salim shohakar في الثلاثاء يونيو 09, 2009 10:45 pm

من اروع واجمل الصور
تسلم اييدك ع ها الكلمات عن جد من اروع ماكان
الله يرحم جرجي و ابنو
ويا ريت اللي بيقرى كلماتها يفهمها ويعتز ويفتخر
لانوا بكون قرى تاريخ الاصل

george salim shohakar

عدد الرسائل : 37
العمر : 39
الموقع : dubai
العمل/الترفيه : chef
تاريخ التسجيل : 24/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جرجي وبالعالي بيروت

مُساهمة  magdeeb في الجمعة يونيو 12, 2009 1:40 am

هو الإبداع بحد ذاته............رائعة مؤثرة محبوكة
avatar
magdeeb
مشرف المنتدى الهندسي

عدد الرسائل : 690
العمر : 31
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جرجي وبالعالي بيروت

مُساهمة  كنعان كنعان في الجمعة يونيو 12, 2009 1:34 pm

معك حق تحطا بزاوية القصص لأنو هالقصيدة قصة ومسرودة بشكل رائع , كتير حلوة .
سلمت يداك .

_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 47
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: جرجي وبالعالي بيروت

مُساهمة  the black rose في الجمعة يونيو 12, 2009 2:54 pm

عنجد وقت قريتا نمّل جسمي و دمّعت مع أني مابعرف الشخصيات بس كتير حلوة .
avatar
the black rose

عدد الرسائل : 40
العمر : 27
الموقع : syria
العمل/الترفيه : student
تاريخ التسجيل : 14/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى