نهر ومطاعم

استعرض الموضوع السابق استعرض الموضوع التالي اذهب الى الأسفل

نهر ومطاعم

مُساهمة  george salim shohakar في السبت مايو 30, 2009 12:21 am

بليل غربة طويلة ساعاتوا..............قلب تعبان بحنين واهاتوا
اتذكرت النهر بسمكاتوا...............ودفل مشرشر على حفافوا
وحور شامخ بسحباتوا.................غيوم السما تلامس اطرافوا

ومطعم حد الجسر ومغارتوا...................وكرم عنب اجا موسم قطافوا
والعندليب يغرد ويلحن بنغماتوا.................للمحبة رمز الكرم ومضيافوا
وعين مريزة وعفيف واخواتوا................وقصة خي حمل خيوا عكتافوا
والطاحونة ونبع للشرب مياتوا................بلون الثلج ابيض ملون نفنافوا


الرمانة واجهة المدخل وحلاتوا...............براءة العالم بصوراوصافوا
وايام التنور وعجقة رحلاتوا.................جمع الغرب وثقافتنا شافوا
وعرق فستق اخضر بحباتوا.................متل عضة طفل صغير عشفافوا
وتين ع اموا مخبى بورقاتوا..................ناطر يجي دواقوا و كشافوا
وصبر استوى محمي بشوكاتوا...............بينطال بشبيط طويل ومعكافوا

وغبيط الفحصة وصخراتوا.................وبالجبوعة الغميقة سبحوا وما خافوا
اتزكرت النهر وكل بحصاتوا................اتزكرت كل بستان وشجر صفصافوا
هيدا نهرنا كان و كانت قعداتوا...............وبكل مطرح قعد طفل اتزكر ماضي اسلافوا

محاولة فاشلة من george salim shohker

george salim shohakar

عدد الرسائل : 37
العمر : 40
الموقع : dubai
العمل/الترفيه : chef
تاريخ التسجيل : 24/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى