رد: عتابا .......................

COBRA الأربعاء أبريل 15, 2009 4:47 pm

كنت ياكنعان ورح ترجع

ياكنعان يلي بهالصفحة الحلوة كنتْ فـِيهَا

كنت نورها وحلاها ... ولك وكِنتْ فـَيْهَا

ياعتابا الريشة يلي مابتعجبك ولكْ نتـفيهَا

خلي صوت العتاب يوصل ع حلبْ

*************

حكم براءة

أنا سنيت سيفي .. وقلمي بَريْتو

وعزمت كنعان و وحدي بَارَيْتو

بهالمعركة من دون قاضي بَرّيْتو

من حكم إعدام إجاه بلا سببْ

*************

أنا وكنعان

عتابات وشعر كتبنا وَ جـِدّنـَا

لـَ إلكن ياحباب تـَ نشرح وُجـِدنـَا

وبأحلى منتدى مريزة وُجـِدنـَا

بين أحلى صبايا وأحلى شبابْ

كنعان كنعان الخميس أبريل 16, 2009 9:29 pm

نـُـورِكْ طَلّ منْ السَمَا وَ شَعّْ لِيْ
وبِالهَمْسْ بَاحْ لِيْ بْسِرِكْ وَ شَاعْ لِيْ
تِبـْقي منْ الشَمعْ جيبيْ وَ شَعّلِيْ
الشَمعْ عَ غْيابـِكْ تْكـَفـْكـَفْ وْ دَابْ

COBRA الخميس أبريل 16, 2009 10:32 pm

نسمة عذاب

شميت ريحة الأحباب مع هوى غربي

ونسيم الشوق يا ما دبحني وغـَرّ بي

ياقلبي ع كتر ما تحملت فراق وغرْبـِيْ

صرت سفينة تايهة بـ بَحرْ العذابْ

COBRA الأحد أبريل 19, 2009 10:52 pm

مش خطيئة

أنا و إنتي لما حبينا ما خطـينا

وأول خطوة بـ هالدرب خطينا

عـ شجر السنديان العتيق خطـِّينا

اسامينا و حفرنا حبنا عالخشَبْ

magdeeb الإثنين أبريل 20, 2009 10:39 am

رب السما بالقيامة ماضي ---- جحيم الموت حطم بصليب ماضي
بفعل المسيح صار الموت ماضي ---- ونقلة من الأرض لفوق السحاب
المسيح قـــام ... حقاً قــــام

كنعان كنعان الثلاثاء أبريل 21, 2009 4:20 pm

فـُوتِي عَ حْقـْولـْنـَا وْ مشْمِشْ كـِليْ
وِنْ شَافـِكْ حـَدَا مِشْ مِشْكـِليْ
وِنْ صَابـِكْ وَجَعْ مِشْ مِشْ كِليْ*
هَيـْدا المِشْمِشْ الْكـَلـْتيه بِحْقولـِنا

* مش مش كلي = مش كلاوي

COBRA الثلاثاء أبريل 21, 2009 8:01 pm

مشتاق

يا أشواقي صيحي وعالمحبوب جنّي

أنا اللي قلبني الفراق من بشر لـ جنّي

مشتاق تـ نام ع صدر محبوبي ب جنّة

و ابعد عن نار أشواقي و اطفي اللهبْ

COBRA الأربعاء أبريل 22, 2009 9:52 pm

رهــــن

ياوليفي ياريت بشي لحظة تِمرْ هُونْ

وتحلي عيوني وتزيد السكر بــ تـَمرْهُونْ

يا قلب ليش ..... ليش بحبها تـَـ مَرْهُونْ

خود من عمري ......... وافتاح البوابْ

COBRA الخميس أبريل 23, 2009 11:00 am

سهم وصابني

يا حبيـِّبْ سَهم حبـَّك بالقلب وَصَلْ لِيْ

جسر الهوى من قلبك لـ قلبي وَصَلْ لِيْ

صرت إركع بـ معابد حبـِّكْ وَ صَـلـِّيْ

ومطرح مـَ بتمشي وطـّي بوس الترابْ

كنعان كنعان الخميس أبريل 23, 2009 5:53 pm

قضيتْ العُمرْ لـَجُرْحِي بـَدَاريْ
مَا شفتْ الحبيبْ مَرّةْ بـِدَاريْ
ع َالصخرْ أنا لو بزرعْ بـِدَاريْ
الصخرْ الجامدْ بينبتْ عشـابْ

COBRA الخميس أبريل 23, 2009 6:32 pm

اختاري

ياحلوة الحلوين يلا موقفك حددي

وسور حُبـّي حول قصرك حددي

وبين حبي وبين أمك حددي

يـَ منعيش سوا يـَ بيقـتــلنا التعبْ

كنعان كنعان الخميس أبريل 23, 2009 9:45 pm

مارسيل والمشليل

مارسيلْ مـَشَا نْهَارْ وْ مَـشَا لـَيـلْ
تَ صَارْ يـِزْحـَفْ مِتـِلْ مـَشَالِيلْ
مَعَوْ قـَصبتينْ وْ فيهنْ مـَشَاليلْ
والعـَنْكليسْ بِالـغـَبـّيطْ شَدّْ وْ كـَرَبْ

كنعان كنعان الجمعة أبريل 24, 2009 9:13 am

الناسْ بـِأَعمالـُنْ بْيترُكوا مَجـِدْهُونْ
وْ الجَدّْ بالعتابا بَـعدْ مَا جـَدّْ هُونْ
بذكرْ كانْ بِهالصفحةْ مـَجدْ هُونْ
غَــــابْ علينا وْ طَوّلْ بِالغِـــيابْ

COBRA الجمعة أبريل 24, 2009 9:16 pm

رســالـة إلى مـجــــــد

إذا بدك مجد ... يا كنعان مَارسِيلْ هُونْ

أمجادو بالمنتدى بين الصخر مَارْ سَيْلهُنْ

وِنْ بـَدَّك بُوصِّل صَوتك بـ مِرْسَالهُونْ

رح ابعت المرسال وانطر منهم الجوابْ

كنعان كنعان الأحد أبريل 26, 2009 3:11 pm

يا حلوهْ مِنْ مُوبايلِكْ عَلّميلي
رِمشْ عَينِكْ مَرسُومْ عَلْ مِيلي
عَ الشبّةْ مْنِدْبُكْ مَعِكْ وْعَالمَيلي
الا بْوُجُودِكْ ما بْتِحْلَى حَفلاتـِنا

الشاعر الأحد أبريل 26, 2009 5:07 pm

رماك الحب يا قلبي بــــــي دارو

وساعات الشوق بيني وبينو دارو

مابعرف كيـــــــف هالعالم بيدارو

وبيقولو الحــب خالي من العذاب

COBRA الأحد أبريل 26, 2009 9:44 pm

يـا شـــــاعـر

ظافر يلـِّي للكـلمة كان شـَاعِرهَا

و بحروفو صدَّع جبَال وشَعَرهَا

وبنت العتابا بإيدو سَرَّحْ شَعرهَا

رجع عـ المنتدى بَعد طـُول غيابْ

كنعان كنعان الثلاثاء أبريل 28, 2009 3:31 pm

بْوَعْدِكْ إلي أوعي تِخِـلّيْ
عَنْ الارتباطْ ما بينفـَعْ تـَخَلّيْ
وإذا شيْ يَومْ تـْخَلّيتي تـَ خَلّيْ
حياتِكْ كلها حَسرَةْ وعَذابْ

COBRA الثلاثاء أبريل 28, 2009 9:04 pm

دمـعــــــة و هـديـّـــــــة

يا عيوني اسكبي الدمعات وَجُوْدِي

جـوَّات قـَلبــها رَحْ اثبـتْ وُجُـوْدِي

ومِنْ كِـتر حُـبِّي وكـَرمي وَجُـوْدِي

رَحْ اهديها قـَلبي مرصَّـع بالدَهـَبْ

mark الأربعاء أبريل 29, 2009 11:20 pm

ياريم الجاي عانبعي ولافي
ماعاد عانبعي شجرة ولافيّ
عليك عيون لامتلها ولافي
الأساطير اللي ذكروها بالكتاب

COBRA الخميس أبريل 30, 2009 4:32 pm

ياريت

يا حبيبتي شو فــرحـــت لما شــفتك

يا ريت فيي ضمك وبوسك عـ شفتك

ومافي يـوم شـعرت بهنا تــــ شــفتك

حســيت بحـالي طير وفوق السحابْ

COBRA الجمعة مايو 01, 2009 9:09 pm

قلب جديد

عم فتـِّش عـ قلب جديد تـَ حِلِّ فِيه

و مالك عليي يَمين قـلبي تِحَـلِفِـيه

عـ كتر مافتـَّش عـ غيرك حَلِّ فِيه

أكبر المصايب و بحور من التعبْ

اللورد الجمعة مايو 01, 2009 9:17 pm

سبق وأن حكيت انك موهبة فذه بالشعر و انا بعتبرها موهبة ارتجالية بالشعر مافي اشي جديد ينضاف انشالله بالتوفيق

الشاعر السبت مايو 02, 2009 4:16 am

يا كوبرا والله شعرك كلو سلاسي

وقافية شعرك كلمة ومعناها ثلاثي

ولو حلفوني والله بحلف بالثلاثي

أنك شاعر يا أغلى الصحاب

كنعان كنعان السبت مايو 02, 2009 5:00 pm

عَ شَطْ البحرْ لِبْسِتْ بـِكِينـَـا
أنا والأمواجْ بْحَسرِتها بـِكِينـَا
بالطولْ فِيكْ تـْشَبهْهَا بـِ كِينـَا
وْجمالْ عِندا وعلم وأدب