معركة زجل جديدة ( وين الشعراء )

كنعان كنعان السبت أغسطس 29, 2009 11:31 am

الدعوة للجميع

شفت هالمنتدى نايم ونعسان
متل ختيار وعم ينطر مماتو

أنا قلت لحالي وين هالخلان
اللي كان نورن يشعشع بعتماتو

معقول لو غاب كم يوم كنعان
بتعلنوا الحداد وبتنكسوا راياتو

راجعلكن أنا وبعزم و بإيمان
جايي ت اتحدى مجد مع رفقاتو

ومارسيل المقطوع حسّو من زمان
وعم يبخل علينا بأشعارو وكلماتو

ظافر معذور وعليه مش عتبان
بحيثو عريس وغاطس بعسلاتو

وين الشعار تاينزلوا عالميدان
عطشان سيفي ونشفانين دماتو

ع منبري ناطر ديب جوعان
كل شاعر يخبي بالدار نعجاتو

واللي فيكن عن حياتو مش سئلان
يلاقيني عالساحة ويحضّر العدة
تيشهدوا الأعضاء تاريخ مأساتو

مع احترامي للجميع