ســهرانْ وَحْديْ

اذهب الى الأسفل

ســهرانْ وَحْديْ

مُساهمة  كنعان كنعان في الجمعة فبراير 13, 2009 8:14 pm


سهرانْ وَحْدي


سهرانْ وَحْدي أنا والغرفـةْ
وْ كاسْ ما ضَلّ منّو وَلا شَفـِّةْ

وَحْدي أنا وأتْخايَلكْ حَـدّيْ
وفجأةْ توصَلي منْ فَتْحةْ الْدَرْفـِةْ

مَسّيْ علَيكي والمَسَا تْرِدّيْ
و قِلكْ فوتي وسَهْرْتـِكْ كَفـّيْ

لَوْ نعسْتِي بِفْرُشْ إِلِكْ زِنْديْ
و بْلَمْساتْ إِيدي عِيونِكْ بْغَـفّيْ

يِحّمَرْ خَدِّكْ وتقولي ما بَدّيْ
والشّالْ عَ العِنِقْ تْرجَعيْ تـْلِفّيْ

قلكْ الغيومْ بالسَمَا سَوْدِيْ
خايفْ الْعَاصفِةْ وْرَاقِكْ تـْشَّفيْ

لَوْ مْشِيتيْ عْلَيكي السَمَا بْتـْنَدّيْ
والشِتيْ عَ الدَربْ عِطْرِكْ يْصَفّيْ

عِنْدِيْ نْبيدْ منْ عمرْ جِدّيْ
مْلَقـّحوْ بالعتمْ غِفْيانْ عَ رَفـّيْ

نَاطْرِكْ حتى تفْتَحيْ السَدّةْ
منْ عِبْ قَنينْتو بشْفَافِكْ تْشِفّيْ

تْفوتيْ وتطبَعيْ جَمرْ عَ خَدّيْ
نْضيعْ و تِلزَقْ الشِفّةْ مَعْ الشِفّةْ

وفجأةْ أُوعَى وتخْلَصْ المِدّةْ
و يضيعْ الحِلمْ مِنّيْ بالعَتمْ
حَتى الحِلمْ مَمْنوعْ أنا كَفـّيْ





كنعان الياس كنعان





_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 47
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

رد: ســهرانْ وَحْديْ

مُساهمة  s.adonis62 في الجمعة فبراير 13, 2009 10:59 pm

من زمان كتير قالتلو بحبك</FONT>
وختير الزمان وبعدا بتقلو بحبك...

كانت بايام الشتي والبرد...
تضوي هالقنديل وتقعد قبال الشباك...
تعمل منو مراية... تسرح شعراتا خصلة وخصلة...
و عكل خصلة حكاية وبكل حكاية بيدر محبة ....
كانت تحس الدفا جاي من بعيد... مع كل عصفة ريح...
مع كل غيمة بالسما هرباني... مع كل خفقة قلب عصفور...
كنت تشوف خدودا قديش تعبانة من السفر...
حلفتلو بطيور الشوك... بالسما الزرقا... بالزيتونة ...
بشروش السنديانة اللي حفرو اسمن عليها...انها ناطرتو...
قلها جاي مع مواسم الزيتون...
جاي مع البرد مع ريحة الطيون...
جاي والشال بايدي...
شالك كان مدفيني...؟

s.adonis62

عدد الرسائل : 21
تاريخ التسجيل : 30/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ســهرانْ وَحْديْ

مُساهمة  كنعان كنعان في الجمعة فبراير 27, 2009 10:07 am

s.adonis62 كتب:من زمان كتير قالتلو بحبك</FONT>
وختير الزمان وبعدا بتقلو بحبك...

كانت بايام الشتي والبرد...
تضوي هالقنديل وتقعد قبال الشباك...
تعمل منو مراية... تسرح شعراتا خصلة وخصلة...
و عكل خصلة حكاية وبكل حكاية بيدر محبة ....
كانت تحس الدفا جاي من بعيد... مع كل عصفة ريح...
مع كل غيمة بالسما هرباني... مع كل خفقة قلب عصفور...
كنت تشوف خدودا قديش تعبانة من السفر...
حلفتلو بطيور الشوك... بالسما الزرقا... بالزيتونة ...
بشروش السنديانة اللي حفرو اسمن عليها...انها ناطرتو...
قلها جاي مع مواسم الزيتون...
جاي مع البرد مع ريحة الطيون...
جاي والشال بايدي...
شالك كان مدفيني...؟


وبعدا لهلق عم تقلو بحبك
وبفرش ورد أحمر عدربك
وكل يوم بتروح تنطرو عالمفرق
والشال من عصف الهوى تمزّق
ويمرقوا العشاق من صوبها ويتطلعوا
كل واحد يرجع وحبيبتو ترجع معو
وهالبنت ناطرة تا يرجع من السفر
مخباية بكتابها مكاتيبو والصور
وتنطفي الشمس وترجع من جديد
ويطل الدوري من طاقة القرميد
و حبات الندى عالأرض تدمع
وبعدها ناطرتو وتقول رح يرجع

_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 47
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى