أنا و الصورة و المكتوب

اذهب الى الأسفل

أنا و الصورة و المكتوب

مُساهمة  كنعان كنعان في الجمعة فبراير 13, 2009 8:44 am


أنا و الصورة و المكتوب



أنا والصورة و المكتوب
وشمعة قبالي مضويــها
والشمعة بالعتمة تدوب
وتكرج دمعاتا عليـها
وتنزل دمعة عالصورة
عالكلمات المسطورة
والشمعة يخلص نورا
ويضل خيالك فيها


*******


هيدي حكاية كل مسـافر
عشقان بأرض الغربة
بيقضي عمرو ناطر
على شواطي المحبة
بيضوي بليلاتو شموع
بيطفي نارو بدموع
وبيبقى قلبو موجوع
بعتم الغربة ولياليها


*******


قيس بليلى داب وجن
بحبك أنا بلشت جنون
وعنتر ياما لعبلا حن
وأنا قلبي عليكي حنون
كتير بهالدنيي عشاق
بتلاقو من بعد فراق
رح ضل عليكي مشتاق
عيونك مش رح انسيها



*******


جايبلك وردة حمرا
مخباها من عيون الكل
والقلب المتل الجمرا
بس عليكي إنتي دل
خلينا بهالعيد الحب
نمشي من أول هالدرب
نمشي ويمشي معنا الرب
وننسى الدنيا وما فيها


********


كنعان الياس كنعان

_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 48
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى