ذكريات الماضي

استعرض الموضوع السابق استعرض الموضوع التالي اذهب الى الأسفل

ذكريات الماضي

مُساهمة  george salim shohakar في السبت يناير 24, 2009 7:14 pm

لحظة وعي رجعتنا______للاحلام الوردية
اللي بلشت بمدرستنا______بالمرحلة البتدائية
والانسات اللعلمتنا_______ع مقاعد مهترية
واساتذة ضرباتنا_______بلا رحمة وحنية
والبنت اللي علقتنا_______تركتنا واتجوزت هي
وبعد بذكر بضيعتنا_______طلعة الضهر القاسية
عدرج قبال كنيستنا_______قعدنا بايام الشتوية
بنزلةوسوق خضرتنا_______وحوادث كواعوا المحنية
وقبل مابلش بحارتنا_______بذكر دكانة سعد و الزاوية
دخنة تنور دعد عميتنا_______والياس خبر البلدية
وسهرات تحت تينتنا________حلوة ايام القوزلية
مشتاق لريحة غرفتنا________عتيقة من زمان مبنية
مشتاق للداروياسمينتنا________وريحة عطرها عشية
مشتاق لتراب حاكورتنا________اللي ع الطريق مدرية
لبيت تراب ومنشرتنا_________والعدة اللي لمستها ايدية
لخشبات درفة بوابتنا_________اللي من الشتي مهترية
اشتقتللك يامغسلتنا_________يا احلى قطعة اثرية
ولغرفة يا ما جمعتنا_________عا ذكريات عائلية
مشتاق لبريق متتنا__________انا و ياك يا بي
مشتاق لهدير غسالتنا_________وجمعة قهوة عصبحية
للمطبخ وصوبيتنا__________الواقفة عا بير المي
اشتقتلك يا ام اللربتنا_________وكانت لالنا الضحية
الام اللتعبت واتحملتنا_________ولا اشتكت من المسؤلية
مشتاق لاخت وحيدتنا_________ام ثلاث ورود جورية
مشتاق للبيدر وقعدتنا_________المسا تحت نجوم صيفية
ومشوار بقلب ضيعتنا_________بيسوى الدنيا يا خي
لحظة وعي ذكرتنا__________بايام حنونة وطفولية
لحظة وعي ونقلتنا__________لزيتونات عز الياذدية

george salim shohakar

george salim shohakar

عدد الرسائل : 37
العمر : 40
الموقع : dubai
العمل/الترفيه : chef
تاريخ التسجيل : 24/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ذكريات الماضي

مُساهمة  magdeeb في السبت يناير 24, 2009 7:31 pm

أبو جريج نورت المنتدى
إي شو هالكلام الحلو عنجد نحنا يلي مش مغتربين حنينا بقى كيف المغترب
كلام جميل سمعنا منو على طول
أهلاً بيك
avatar
magdeeb
مشرف المنتدى الهندسي

عدد الرسائل : 690
العمر : 31
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ذكريات الماضي

مُساهمة  mark في الأحد يناير 25, 2009 12:27 am


عنجد متل ماقال الأخ مجد كلمات رائعة جداً

واذا بتسمحلي أخ جورج انا مرة عملت فيديو للضيعة وحبيت ضيف علاه كتابة

وكتابتك بتوفي بالغرض رح نزلها ضمن الفيديو واذا بتسمحلي بدي حرف فيها شوي من بعد أذنك يعني

وشكراً كتير
avatar
mark

عدد الرسائل : 324
العمر : 28
الموقع : www.mraizeh.com
العمل/الترفيه : طالب
تاريخ التسجيل : 14/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ذكريات الماضي

مُساهمة  كنعان كنعان في الثلاثاء فبراير 17, 2009 8:53 pm

عزيزي جورج

عندك صور رائعة وحلوة كتير , والتمست بكتاباتك حب الشعر , لكن اسمح لي أن أقول لك شيئاً , ومن كوني مشرف الزاوية , إقرأ قد ما بتقدر أشعار , كل ما قريت كل ما زادت مقدرتك عالكتابة بأوزان مزبوطة , متل ما قلتلك صورك حلوة كتير وأختيارك للقافية كمان موفق بس شغلة الوزن والإيقاع بدك تدير بالك عليها .
بالنهاية هيدا رأيي لك أن تقبله ولك أن ترفضه.
وشكرا لك مع التمنيات بالتوفيق .

_________________


لنكسب المال نفقد صحتنا
ثم لاستعادة صحتنا
نخسر أموالنا
نصف عمرنا يذهب لأهلنا
والنصف الباقي لأولادنا
نعيش وكأننا سوف لا نموت
ونموت وكأننا لم نعش .

********


avatar
كنعان كنعان
مشرف منتدى الشعر والزجل والخواطـــــر

عدد الرسائل : 568
العمر : 47
الموقع : سوريا / قطر- الدوحة
العمل/الترفيه : شيف مطبخ / كاتب
تاريخ التسجيل : 28/02/2008

معاينة صفحة البيانات الشخصي للعضو http://www.kanaan.ahlamontada.com

الرجوع الى أعلى الصفحة اذهب الى الأسفل

شو هيدا يا ابو جريج

مُساهمة  samerbek في الأربعاء فبراير 18, 2009 10:58 am

جورج حبيبي
كتير كلامك حلو ومميز زووصفك كتير ناعم وحساس
شكرا على الصور الجميلة
بس وين كنت متخبي هالفترة

_________________
avatar
samerbek
مشرف المنتدى البــــلدي

عدد الرسائل : 68
العمر : 42
الموقع : www.mraizeh.com
تاريخ التسجيل : 11/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى