عصر العولمة

كنعان كنعان الخميس أكتوبر 16, 2008 6:28 pm

عصر العولمة

هالقصيدة موجهة للناس اللي استغلوا العلم لأشياء تتنافى مع قدرة الخالق ولأشياء سلبية لا تخدم الإنسانية

ابن آدم على عرش العولمة تمدد
ونسي ايّام جدودو الأوّليّه

لولا علمهم بالماضي تخلّد
ما كان حضرتو بصفوف العالميه

بالأمس كان الفلاّح بالأرض يجهد
تالعالم ياكل هاللقمه الهنيّه

يزرع الخيرات بالزند المبولد
ويقطف العسلات من الجرّة بلا خليّه

ومن خير الطبيعه الخد يتورّد
ومتل الصخر البنيه قويّه

تحت الشتي والتلج المجمّد
خلقوا جدودنا لا حكيم ولا قيصريه

واليوم اذا شي طفل يولد
دزّينة حكما لشيخ الأشبهيه

وحجار الصوّان لليوم تشهد
نارها ضوّت ليل الجاهليه

ولولا قدموس الحرف يوجد
منين بهالوقت عنّا أبجديه

بالنهر- يوحنّا-المسيح عمّد
واليوم للعماده عملولا قضيّه

دخل أورشليم عاجحش أسود
اللي كان يعمل خمر من ميي

و عضهور الهجن تنقّل محمد
تا يكفّي طريق الرساله الجليه

واليوم بالمعرفه كلشي تجدد
تالعلم حطّم حضارات البهيّه

حكموا عالفكر بالسجن المؤبد
بعد ما جمّدوا مواهب فتيه

تحول العلم بعصر أسود
فايروس اتزرع بعقول الآدميه

وتا تكبر المصيبه وتكون أعقد
بلّشوا بقصة استنساخ البشريه

وتعدّوا عاقدرة الخالق الأوحد
تا صار العلم أكبر خطيّه

يا محلا الحطب عم يولع بموقد
وسراج الزيت والنسمه النقيه

اخترعوا الكوندشن تا الجوّ يبرد
برّد عقولهم وجنّنهم سويه

يا رب هالكون يا الأسمك تمجّد
اغفرلهم ذنوبهم من كل خطيه

كنعان الياس كنعان

magdeeb الخميس أكتوبر 16, 2008 11:08 pm

الله على هالكلمات التي تصف الواقع بحذافيره
أجدت في الحب ..... في الغزل ......... في الحرب ..... في السلم
وفي النقد
الله ابو الياس

كنعان كنعان الأربعاء أكتوبر 29, 2008 6:47 pm

magdeeb كتب:الله على هالكلمات التي تصف الواقع بحذافيره
أجدت في الحب ..... في الغزل ......... في الحرب ..... في السلم
وفي النقد
الله ابو الياس

بالسلم وبالحرب منكتب عن مَجدنا ------ نشفت قلامنا من كتر مـَ جُدنا
وبالموقع كلو في عنا مجــــدنـــــا ------ مجد ديب يا شيخ الشبـــاب

شكرا خيي مجد على ردك المشجع
تقبل مني أحر التحيات من سماء الدوحة إلى ربوع اليازدية.

الشاعر السبت نوفمبر 01, 2008 2:08 pm

كنعان ع عرش الشعر ملِكنا ----- وكل أشعارو ثروتنا وملكنا

وبحرفوا وصّل ع قلبنا ومَلكنا ----- وصرنا جنودو وبنكتب عالتراب

شكرا كنعان عالقصيدة المعبرة جدا عن خطورة المستقبل واستعمال العلم بأغراض جهنمية الله يستر من الجاي

samerbek الإثنين نوفمبر 03, 2008 11:42 am

نظم جميل و كلام دقيق
و يمكن اعتباره خطوة مهمة جدا في تنوع قدرتك على كتابة الشعر
دمت لبلدك ولقريتك ولموقعك
مع محبتي

كنعان كنعان الإثنين نوفمبر 10, 2008 5:41 pm

الشاعر كتب:كنعان ع عرش الشعر ملِكنا ----- وكل أشعارو ثروتنا وملكنا

وبحرفوا وصّل ع قلبنا ومَلكنا ----- وصرنا جنودو وبنكتب عالتراب

شكرا كنعان عالقصيدة المعبرة جدا عن خطورة المستقبل واستعمال العلم بأغراض جهنمية الله يستر من الجاي

من كـَرَمَك يا خيي تعلمنا كـَرَمْنا ------الشاعر بردو أتحفنا وكـَرَمْنـــا
نحنا الخصلة وأنت كــَرِمْنــــــا ------ منقتل الناطور تَ ناكل عنــب

شكرا خيي ظافر عردك الجميل ومن زمان ما قرينالك شي ناطرين جديدك.

كنعان كنعان الإثنين نوفمبر 10, 2008 6:49 pm

samerbek كتب:نظم جميل و كلام دقيق
و يمكن اعتباره خطوة مهمة جدا في تنوع قدرتك على كتابة الشعر
دمت لبلدك ولقريتك ولموقعك
مع محبتي

عتابا كتير غنينا وجُــدنــا ----- لمريزة تنشرح عن وجْدنــــا
ومع سامر بهالمنتدى وَجَـدنا ----- موقع للحضارة والأدب

شكرا خيي سامر على ردك المشجع .

عصر العولمة

عصر العولمة

رد: عصر العولمة

رد: عصر العولمة

رد: عصر العولمة

مع المحبة

رد: عصر العولمة

رد: عصر العولمة