تأثير العلامة على حياة الطلب........طالب الباكلوريا

استعرض الموضوع السابق استعرض الموضوع التالي اذهب الى الأسفل

تأثير العلامة على حياة الطلب........طالب الباكلوريا

مُساهمة  DESPERADO في الثلاثاء أكتوبر 07, 2008 9:35 pm

هيدا الموضوع اللي كتبتو ناتج عن تجربة شخصية .....

العلامة بتعمل كتير وسدقوني بتندم الشخص او بالاحرى الطالب ان كان من ناحية انو ما طلعلو رغبتو اللي بدو ياها او ما قدر انو يعيش تجربة الجامعة مع اصحابو ومتل ما بيقولو( سأل مجرب ولا تسأل حكيم )

جمعت بالباكلوريا 220 وكانت رغبتي ( هندسة العمارة )تفاجئت لما طلعت المفاضلة انو كان بدا بللادقية 221

اول شي انزعجت انو ما طلعلي هيدا الفرع وتاني شي انزعجت انو ما رح اقدر عيش هالتجربة مع اعز الاصحاب الي

ومن ناحية تانية...

الشباب (اصحابي) طلعلون كلن بللادقية الصراحة انزعجت كتير لأنو متل ما بيقولو انو احلى ايام بحياة الشب هيي ايام الجامعة بكل النواحي ( الدرس _ الطلعات والجيات _الحياة المشتركة )...............

وطبعا ما بيحب الوحد يعيشها الا مع اصحابو اللي قضا معن كل ايامو .......

بقا بتمنى من كل طالب بالباكلوريا او رح يوصل عليا انو ما يجرب هالشعور لانو سدقوني صعب ........

درسوا منيح منشان ما تندمو ععلامة ممكن تغير مجرى حياتكن

واالله يوفق الجميع

.................تحية لشباب اللادقية اصحابي (بو درع _ كاسر _ مجد )

........... لا تنسوني بشي سندويشة شاورما من عند لفاح................
avatar
DESPERADO

عدد الرسائل : 30
العمر : 26
الموقع : www.mraizeh.com
العمل/الترفيه : جامعي مستجد
تاريخ التسجيل : 23/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  الأغـــــــا في الثلاثاء أكتوبر 07, 2008 9:46 pm

خي علاء يلا مو مشكلي انت طلعلك شي بالجامعة بس العترا ع ماطلعلون شي


دعولنا انو نتوفق وانو ما نطر انو نعيدا ليطلعنا فرع بالجامعة
avatar
الأغـــــــا

عدد الرسائل : 164
العمر : 26
الموقع : www.mraizeh.com
العمل/الترفيه : مالكون علاقة
تاريخ التسجيل : 09/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  bedrous muradian في الأربعاء أكتوبر 08, 2008 1:30 pm

والله بيقول المثل من جد وجد ومن سار على الدرب وصل

يلي بيحضر تمام بيلاقي
ما بعرف ليش الكل بيلقي باللوم على التربية وانو الاسئلة كانت صعبة جدا

مع احترامي للجميع

hrrr hrrr hrrr hrrr hrrr
avatar
bedrous muradian

عدد الرسائل : 380
العمر : 39
الموقع : الامارات رأس الخيمة
العمل/الترفيه : sales man مجوهرات داماس
تاريخ التسجيل : 06/01/2008

معاينة صفحة البيانات الشخصي للعضو http://www.mraizeh.com

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  the monster في الأربعاء أكتوبر 08, 2008 3:49 pm

طيب هلق شو سجلت
avatar
the monster

عدد الرسائل : 173
العمر : 22
الموقع : mraizeh.com
العمل/الترفيه : الأكل
تاريخ التسجيل : 21/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  magdeeb في الأربعاء أكتوبر 08, 2008 7:28 pm

حبيبي علاء :
العترة مو انك ما تقدر تسكن مع رفقاتك
المهم تلاقي ناس من ضيعتك رجال ما بيرموك لتتشنشط مع الغريب وبيتآمروا ليمرروا الباطل على حساب الحق
بس انت كفو والله واحلى شب
نحنا باللاذقية والحمد لله متوفين انو كل شباب الضيعة من خيرة الاوادم وما بيتركو بعض
لو شو ماصار
وهالحكي نتيجة تجربة
انشالله بيصيرو جماعة حمص هيك ووقتها بتحس انو كل الشباب هني متل رفقاتك واحسن

بالنسبة لبيدو بتصور اللي بيجمع 220 وما بيطلعلو عمارة الغلط ما بيكون فيه على اقل تقدير
avatar
magdeeb
مشرف المنتدى الهندسي

عدد الرسائل : 690
العمر : 31
الموقع : اليازدية عاصمة العالم
العمل/الترفيه : معماري مع وقف التنفيذ
تاريخ التسجيل : 18/09/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  KaSeR في الأربعاء أكتوبر 08, 2008 7:43 pm

خيي وحبيب قلبي وقبل كل هيدا انت شريكي
انت دوما بالبال يا علاء وخاصة كل ما بطلع عالبات بشوف اسمك ع حاط البناية
وللصراحة حكيك درر واكبر نصيحة لشباب البكلوريا
وحكيات خيي مجد مظبوطين مية بالمية لهيك يا بكلوريا الضيعة
ما تنغروا بالشخصيات الموجودين بهالضيعة ولا تتأملو بحدا
ويا بكلوريا لا تحلمو كتير ابتعرفو الزمن شو مخبالكون
وكتر خير الله عطلتنا سوا منشوف بعضنا بالضيعة

_________________
avatar
KaSeR
مشرف منتدى الصـــور الفوتوغرافيــــــة

عدد الرسائل : 29
العمر : 26
الموقع : الياذدية
العمل/الترفيه : هندسة حاسبات وتحكم الي
تاريخ التسجيل : 12/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  DESPERADO في الأربعاء أكتوبر 08, 2008 7:56 pm

والله للحقيقة مجد وكاسر ما خلولي شي تحكيه حكو اللي بقلبي شكرا الن عالهرد المقنع .......


كمان بيدرو: متل ما قال مجد مجموع ال 220 مانو هين وبيحكي كلمتو بدون اي مكابرة طبعا

وان ما القيت اللوم على الاسئلة اللي جيتنا هالسنة لانو كنت حكيت غير هالحكي ........

مونستر: سجلت علوم صحية بحمص الشقيقة


شكرا عجميع الردود .........
avatar
DESPERADO

عدد الرسائل : 30
العمر : 26
الموقع : www.mraizeh.com
العمل/الترفيه : جامعي مستجد
تاريخ التسجيل : 23/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  DESPERADO في الأربعاء أكتوبر 08, 2008 9:13 pm

كمان بحب وضح شغلي لمجد انو مو كل العالم هيك في منن قدا وابيتركو حدا ( هني بيعرفو حالن )لانن متل ما قلت( شباب)


واللي عم تحكي عنن انن مانن قدا كمان معروفين ............
avatar
DESPERADO

عدد الرسائل : 30
العمر : 26
الموقع : www.mraizeh.com
العمل/الترفيه : جامعي مستجد
تاريخ التسجيل : 23/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  صديق في الخميس أكتوبر 09, 2008 4:03 am

ايا ليت الزمان يعود يوما....................
اي والله كل لحظة بحياة الانسان مهمة وخصوصا اذا كان فيها تقرير مصير حياتك
مثل الاخ علاء يعني 220 بالباكلوريا انا بعتبرك فطحل رقم 1
يعني ما شاء الله لا تلام و عندك من الذكاء الشيء الفائض البركة الله يحميك ويخليك لاهلك واحبابك
والحياة فيها الظاهر و فيها الباطن وكذلك البشر
يعني انت 1علامة بالباكلوريا غيرت مجرى حياتك او على الاقل ما راح تدرس الفرع الذي ترغب به
والله انك لا تلام ومن يلومك هو انسان لايعرف من الحياة شيء
لكن يا اخي الحياة صعبة و كما قلت كالبشر بوجهين ان لم يكن اكثر
ومثل ما بيقول الشاعر: على قدر اهل الكرم تاتي المكارم وعلى قدر اهل العزم تاتي العزائم
(او بالعكس نسيتو الله وكيلك)
لكن هذه العلامة يجب ان تكون دافع للاخرين حتى ياخذوا بنصيحة المجرب(علاء)لان من محبته لكم اراد ان ينصحكم
وكذلك دافع ل علاء حتى يستشف من هذه 1علامة المريرة و يستخلص العبر وتكون دافع حتى تصبو الى هدفك الجديد
ارجو من الله ان يحقق امنياتك و يكون معك ومع كل الشباب و الصبايا وتحققوا جميع امنياتكم ولكن بالصبر و المثابرة
والاعتماد على الذات وعدم الاصغاء الى الترهات والاقوال و القيل و القال
احبائي لن يفيدكم الا المثابرة و النظر الى الامام
الله يوفق الجميع بالدراسة
ويا طلاب الباكلوريا شدو اللهمة
والله يكون مع الجميع
حتى ما تفوتكم احلى ايام العمر (ايام الجامعة)
.......................................................
لاتواخذونا كنت كاتب كام شغلة و عدلت الموضوع عملا بنصيحة صديق حتى ما يزعل بعض المعنيين
hq hq hq hq hq
اي والله بدها تعظيم سلام
لكن ل:
علاء


hq hq hq hq hq
avatar
صديق

عدد الرسائل : 198
العمر : 108
الموقع : قلوب الكل انشاءالله
العمل/الترفيه : زرع المحبة
تاريخ التسجيل : 15/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

علاء

مُساهمة  إدارة المنتدى في الخميس أكتوبر 09, 2008 8:28 am

علاء حبيبي كيفك شو اخبارك
اول شي حكيك كتير حلو لانو بينقسم ع قسمين اول قسم هو لطلاب البكالوريا بتمنى انو يستفيدوا منها قدر الامكان مع انو يلي واضح انو ما حدا عم يستفيد الا من تجاربهم الشخصية الا القلة القليلة
القسم التاني يلي بيدل ع حسرة من جوى بقلب علاء وانا ما بحب حسك هيك لاني بحبك كتير
علاء لا تكرهوا شيئاً عله خير لكم
يلي بدي قلك ياه انو لازم تكون مقتنع بفرعك وبكرا بتروح زيارة لعند رفقاتك وبتروح بتاكل عند لفاح ويا سيدي بكرا انت بتعزمهم ع كريش
وبعدين انت قبضاي وما بينخاف عليك ورح تعمل رفقة بحمص وصدقني الحمصيات احلى من صبايا الادقية
انا بعرقك شاطر وذكي وقبضاي وخليك هي
موفق من كل قلبي يا علاء
avatar
إدارة المنتدى
الإدارة

عدد الرسائل : 151
العمر : 67
تاريخ التسجيل : 06/09/2007

معاينة صفحة البيانات الشخصي للعضو http://montadamraizeh.ahlamontada.com

الرجوع الى أعلى الصفحة اذهب الى الأسفل

معقوا بدنا نبقى نستعمل نظام القبول المتخلف هيدا!!!!!!!!!!!

مُساهمة  BABA SNFOR في الخميس أكتوبر 09, 2008 9:17 am

يعني واحدنا بس يقرأهيك قصة ما بيعرف شو بدو يقول حتى يقول أو شو بدو يحكي بس أبسط الأمور أنو نقول
أكتر من هيك نظام تعليمي فاشل ما عاد يصير و هيدا الاسلوب الساقط بالتعامل مع درجات الطلاب المفروض بقا نخجل منو و نستحي على حالنا يعني مو عيب و مسخرة انسان يتبدل مجرى حياتو بسبب هالطريقة المتخلفة للتقييم و كبف بدنا نتوقع نخرج أجيال مبدعة و محبة لوطنها و قادرة تقدم للوطن الخير و العلم و الابداع و نحنا عم نعاملهم كأنهم قطيع من المواشي عم يتم فرزها و تصنيفها حسب عدد اسنان الفم او حسب عدد الحدوات الموجودة بأقدامها,ليش ما منعتمد الكفاءة و الاجتهاد كمقاس لتحديد الرغبة بدل ما نخلي ولادنا و طلاب بلدنا أسرى لعقدة العلامة او العلامتين و ليش التشدد و الفرز الصحيح مابيكون من خلال الجامعات نفسها و اعطاء فرصة لكل انسان بأنو يثبت نفسو بالفرع اللي بيشوف أمكاناتو فيه عن طريق خلق منهج دراسة جامعية علمي و عملي و مرتبط بالواقع والابتعاد عن الكم الهائل من المعلومات النظرية اللي لا بتقدم و لا بتأخر و ما بتعطي الا خريجي جامعات ما ألهون علاقة بالواقع سوى انهم خريجي جامعات بالاسم فقط و بالنهاية و متل ما بيعرف الكل لما الجامعة بتمشي على هيك نظام بسهولة فينا نعرف اذا امكانات الطالب بتسمح انو يكون موجود بفرع معين او بغير فرع و منقدر نحدد فعليا و عمليا المكان المناسب لامكانية كل طالب و مهما كان شاطر اذا الفرع اللي دخلوا غير مناسب لامكاناتو ما رح ينجح و ما رح يقدر يستمر فيه و سجلاتنا الجامعية واضحة و أكبر دليل,و هيك شبابنا بيكونوا مقتنعين بقدراتهم و راضيين عن خياراتهم و نصيبهم كل واحد حسب قدرتوا و مو مقهروين و لا عندون احساس بالذنب متل ما عم يعمل فيون نظام القبول الجامعي المتخلف حاليا,


بتصور عيب و مخجل نكون بعدنا ماشيين بنظام القبول المتخلف هيدا و نستمر بالتقوقع و و التجاهل و الانعزال و لازم نعالج هالكارثة عن طريق خلق نظام تعليمي أفضل و نظام قبول جامعي بيعتمد على الموضوعية و الموهبة و الكفاءة كمقياس مو عن طريق التصنيف الرقمي اللي ما فيه اي احترام لعقول و كفاءات و طموحات شبابنا و اولاد بلدنا الحبيب .

سؤالي الأخير بيني و بين حالي هوي شو بيفرق المهندس اللي سجل هندسة ب 221 عن اللي معو 220او حتى 219 علامة ؟؟؟أنا بقلكون و لا شي وأنو ممكن يكون مجموعوا 180 و يتفوق بالهندسة أكتر من صاحب أي مجموع تاني
أنا ما عم أحكي عن علاء و حدوا و بس انا عم أحكي عن كتير شباب متل علاء كانو ضحايا نظام قبول جامعي متخلف و مشوه أو انو لازم كرمال هالعلامة لازم يروح عالتعليم الموازي او المفتوح و يدفع الحيلة و الفتيلة كرمال يقدر يكون بالفرع اللي هوي من حقو من الاساس و من دون اي تكاليف و هيك بيكونوا تجار العلم هني المستفيدين و بس و الطالب صاحب الامكانات المادية المتواضعة مو مشكلة بيدبر حالو لأنو هيدا نصيبوا اللي حددناه ألو سلف و لازم يقبل فيه

و اخيرا بحب أسأل لو أنو هالطالب من أصحاب الشأن الرفيع أوحتى يمت بصلة الى أحد أصحاب الشأن الرفيع أو أدى فروض الطاعة بأحد معسكرات الشبيبة او الصاعقة او غيروا من الطرق الملتوية المتنوعة و اللي بتخلي اللي ما بيصير يصير و بغض النظر عن الاستحقاق أو الكفاءة العلمية(يمكن كان أتدبرت) ,أو حتى يمكن لو كان هيدا الطالب أحد أبناء دكاترة الجامعات الافاضل ومع كل الاحترام لشهاداتهم و لشخصهم الكريم و اللي معظم هؤلاء الابناء حتى ما نظلم الجميع و ناخد الصالح بدرب الطالحمن من الفاشلين دراسيا و تعليما لكن ممكن يكون طبيب يتحكم بأرواح الناس أو مهندس يبني بيوتهم و بلادهم بس يمكن هيدول مسموح يكونوا متل ما بيحبوا مو لأنو مميزين بس يمكن لأنو أهلون كانوا دكاترة و بتعرفوا لازم نكرم كل العائلة و الاولاد و الاحفاد و يمكن كل الذرية لأنو كان أبوهن أو جدهن دكتور بس ياريت كانوا استحقوا التكريم و الامتياز عن أنفسهم مو عن الاخرين ...........


عذرا عالاطالة لكن القضية جوهرية وبتمس كل انسان بيفهم و عندو محبة لبلدنا الحبيب سوريا و حريص على أنو يكونوا شباب بلدنا الحبيب بالمكان المناسب و بالوضع السليم لأنو هيدا بينعكس ايجابا على بلدنا الحبيب و بكافة المجالات لأنو الانسان هوي أساس كل المجالات ........
و متل ما علمنا القائد الخالد حافظ الأسد رحمه الله :لا أريد من أحد أن يسكت عن الخطأ و يتستر على العيوب و النواقص
و نحن حاليا بأمس الحاجة الى تفعيل هذه القاعدة و العمل بها من منطلق الحرص على بناء الانسان البناء الصحيح و العادل لأن الانسان و كما يقول أيضا القائد الخالد رحمه الله هو غاية الحياة و منطلق الحياة.

و شكرا

_________________
TO BE....................OR NOT TO BE
avatar
BABA SNFOR
مشرف المنتدى العام

عدد الرسائل : 86
العمر : 37
الموقع : السعودية
العمل/الترفيه : Purchase Manager
تاريخ التسجيل : 06/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  Bo Dr3 في الخميس أكتوبر 09, 2008 9:39 pm

معلش ياخيي علاء انشالله يكون هالفرع لصالحك
بس كنت بتمنا لو كانوا هالشباب كفو ويكونوا يد وحدي
ولاتفكر حالك انك بعيد عناانت بالقلب
وانا شايلك سندويشة شاورما بس لا تنسا تجيب معك شوية بقلاوة للتحلاية
ملاحظة ياخي اب ميادالسهرة بلاك ابتسوا شي
avatar
Bo Dr3

عدد الرسائل : 16
العمر : 27
الموقع : alyazdieh
العمل/الترفيه : طالب جامعي(هندسة مدنية)
تاريخ التسجيل : 05/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  DESPERADO في الخميس أكتوبر 09, 2008 10:26 pm

بشكر كل الشباب اللي شاركونا ردودن المقنعة


خيي صديق الله يسمع منك ويكون موضوعي الو هدف لأنو عنجد الحياة بدا تعب واللي ما بيتعب ما بيلاقي


بابا سنفور شكرا عردك الجميل والمفصل لانك عصات عالجرح ........


خييييييييييييييييي بو درع والله القلوب عند بعضا وعراسي احلى بقلاوة وحلاوة بجبن لعيونك وعيون الشباب الطيبي
avatar
DESPERADO

عدد الرسائل : 30
العمر : 26
الموقع : www.mraizeh.com
العمل/الترفيه : جامعي مستجد
تاريخ التسجيل : 23/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  Mr. Collz _ Rami في الجمعة أكتوبر 10, 2008 2:13 pm

برأيي أصعب شي الواحد ينتقل ع محل جديد ما بيعرف فيه حدا


الله يوفقك ويكون معك يا علاء ، وانشالله بيصير عندك رفقات أكتر من اللي عندك بالضيعة

hm
avatar
Mr. Collz _ Rami

عدد الرسائل : 154
العمر : 24
الموقع : اليازدية
العمل/الترفيه : طالب 2ثا/ع
تاريخ التسجيل : 04/08/2008

معاينة صفحة البيانات الشخصي للعضو http://www.myspace.com/profile

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  koko في الجمعة أكتوبر 10, 2008 3:07 pm

ابن خالتي الحبيب الشباب كفوا و وفوا في التعبير عن نظام التعليم الظالم للطالب وانا حابب قلك صحيح انو ما طلعلك الفرع يلي انت بتتمناه و بتحلم فيه بس هذا لايعني ان الحياة انتهت عند هذه النقطة بل عليك ان تنتقل الى ما هو اهم وهو ان تتفوق في فرعك و ان تنال المراتب الاولى و هذا الاهم وكما يقال (لا تكرهوا شيئا عله خير لكم)
اما بالنسبة الى موضوع الرفقة انا حسب اعتقادي انو هل الشي رح تتخطاه في النهاية لانو انت صحيح عم تحكي تجربتك هلق بس انا متاكد انو تفكيرك يلي مياخدك و يجيبك بكل لحظة مع الشباب الموجدين بالاذقية و البعيدين عنك رح يغير مع الوقت لانو رح تتعرف على شباب بالجامعة وروح يا عمي وصبايا ورح تغير الجو وقت انت بتكون بحمص على اقل تقدير لانو تالشباب رح تشوفن بالضيعة في ايام العطل و المناسبات انا يا ابن خالتي كنت مكانك السنة الماضية بس هلق صار الموضوع عندي اقل من عادي وتعود عليه بالعكس صرت وقت كون راجع من الجامعة الى الضيعة بيكون الاشتياق لهم اكبر بقى حاج بكاء على الاطلال و التفت الى ما هو اهم وهو مستقبلك الذي يعد اهم شي في مسيرة الانسان الشاقة .
وانا متل ما اتفقت معك هل السنة كانت استثنائية و انصدمنة باكثر من موقف بس بالنهاية لا تنسى يلي قلتلك اياه اني انا كرم الخوري ابن خالتلك رح ضل معك ووراراك ورح حاول قد الممكن انو عبي هل الشي يلي انت فاقدوا بحياة الجامعة يلي انت بتحلم انو تكون عايشة.
بالنهاية الشباب رفقاتك انا بقدرن من كل قلبي لانن ابدا ما تركوك و لا فارقك و لا باي لحظة من حقك انك تفتقدلن بس انا برجع و باكد الك انو المحبة دائما تبقى في القلوب و ليست بالظاهر او تتبدل او تتغير
هل السنة رح تمضى و الحق و الباطل بينو من خلالا وانا بةعدك انو سنة الجاي ما رح تمر بكل هذه الظرف لانو الوضع رح يغير كلو .
ومن كل قلبي بدعيلك بالتوفيق الك ولكل واحد وقف جنبك سواء من خلال المنتدى يلي قدرت توصل كلمتك الى جميع اهالي الضيعة او الى المغتربين ويلي وفقفوا معك وجانبك من اصحابك و رفقاتك و لله يسامح كا شخص تركك او بعد عنك بهل المحنة.
ولا تنسى انت والشباب عزيمة الحلزون عندي بارض
avatar
koko
مشرف المنتدى السياسي

عدد الرسائل : 345
العمر : 29
الموقع : alyazdieh
العمل/الترفيه : طالب جامعي كلية سياحة
تاريخ التسجيل : 19/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  loooby في الجمعة أكتوبر 10, 2008 6:26 pm

المهم هنو الواحد يفوت شي يكون رغبان فيه يعني وقت البدك تحط اول رغبة بدك تفكر بالاربعة البعدا او العشرة قبل ما تفكر فيا يعني انا سجلت فرع معي زيادة عنو 19 علامة
avatar
loooby

عدد الرسائل : 210
العمر : 27
الموقع : اليازدية
العمل/الترفيه : NURSE
تاريخ التسجيل : 11/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  فاعل خير في السبت أكتوبر 11, 2008 5:10 pm

أنا شخص من قرية علاء وسمعت عن الموضوع من عدة أشخاص ما بيهمن الأمر وأنا أؤيد علاء أنو البعد عن الفقات بأيام الجامعة هي خسارة بس عندي توضيح صغير للموضوع وسمعت عنجد من كذا واحد أنو ما بتهمن الشغلة وبطريقة مختلفة عن الردود يلي وردت عالموضوع


نحنا ولاد ضيعة عطول أيد بأيد وحدة بس مشكلة القربة هي أهم مشكلة ليش مثلا قرايبو تركو يقعد مع الغريب وما قعد معو وأنو أنا متل ما عرفت أنو صاحب البيت رفض يقعد 5 وما بيقعد غير 4 والغريب بيناتنا رئيسي بالبيت بس نحنا ولاد ضيعا منضل مع بعض وما بيجوز الظروف تفرق بيناتنا وبما أنو نحنا ولاد ضيعا ماكان لازم يطلع ه الحكي من فم حيلا واحد فيكم واذا شاءت الظروف وفرقتنا فنحنا مش أشخاص سيئين بالعكس ممكن نكون بعاد بالمسافة بس أكييد قراب بالقلب

فاعل خير

عدد الرسائل : 1
العمر : 29
الموقع : mraizeh
العمل/الترفيه : طالب
تاريخ التسجيل : 11/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تأثير العلامة على حياة الطلب........طالب الباكلوريا

مُساهمة  إدارة المنتدى في السبت أكتوبر 11, 2008 5:30 pm

من البداية أعلنت الإدارة أن منتدى الشباب محمي من قبلها
وخوفاً على خروج الموضوع عن إطاره الجوهري والصيحيح رأت الإدارة ضروروة إغلاق الموضوع
والإكتفاء بما جاء
شاكرين تعاونكم
avatar
إدارة المنتدى
الإدارة

عدد الرسائل : 151
العمر : 67
تاريخ التسجيل : 06/09/2007

معاينة صفحة البيانات الشخصي للعضو http://montadamraizeh.ahlamontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى