من تغرّب ضاع..!!!!

اذهب الى الأسفل

من تغرّب ضاع..!!!!

مُساهمة  Souli...Y,M... في الثلاثاء أغسطس 05, 2008 10:49 am

احبائي عندما صعدت سلم الطائرة التي ستقلني الى ارض المهجر كانت نفسي مثقلة باللآلآم وشعرت بفراق مريرلضيعتنا التي عشت متنقلا في ربوعها طيلة طفولتي وشبابي تلك الضيعة الجميلة التي لا تزال وستبقى في ذاكرتي مدى الحياة تساءلت لماذا نهاجر ولماذا نغترب ولماذا ...؟؟ لم اجد جواباً مع ان الجواب ليس في غاية الصعوبة لكنه يحتاج الى تحليل وحوار طويل اخيراً استسلمت لاقول انها ظروف الحياة القاسية التي تتحكم بمصير الفرد والمجتمع وبعدها سبحت في افكاري بعالم الخيال الى عالم جديد وقلت أننا سنشتغل بجد ونشاط لنجمع بعض المال ونرجع لبلادنا ..
الى أن قاطعني أحدهم وتلاشت أحلامي جلس بقربي وبدأ يحدثني عن الغربة وعن خبرته سألني ألى أين أنت ذاهب أجبته الى دول الخليج وسأعمل جاهدا لأجمع الأموال وأعود الى وطني الحبيب سوريا فأجابني : ساقول لك عن خبرة وتجارب عرفتها ولمستها الذي لاينجح ويبقى فقيراً يخجل ان يرجع ومتوسط الحال يريد المزيد من المال والذي يصبح غنياً يبقى حارساً على امواله وتمر الايام ولا يشعر المغترب الإ الشيب قد دب في راسه واولاده في المدارس فيصبح في حيرة من امره واخيراً يستسلم للامر الواقع آحبائي هذا هو الحق اسمعوني المغترب هو الانسان الذي يولد طفلاً في جسم رجل هي بلاد غريبة لانه يجهل عاداتها وتقاليدها ويبدأ الحياة وكآنه على مقاعد المدرسة المغترب هو الذي يهجر بيته وقريته واقرانه بالطفولة والمدرسة ويجرد حياته من الماضي الذي يبقى ذكريات يخالطها الشوق.. المغترب هو الانسان الذي يهجر وطنه واوالده واخواته واحياناً زوجته وامه التي ارضعته حليبها ممزوجاً بالعطف والحنان المغترب هو الجندي الجبار الذي خرج عن طاعة الفقر والحرمان وسلّح روحه بسلاح العزيمة والثبات ليشق طريقاً جديداً ويعود فارساً منتصراً الى وطنه والمغترب هو الجندي الذي لا ينام وكأنه دوماً في ساحة القتال ناسياً ما يدور حوله من واجبات اجتماعية والمغترب هو الانسان الجديد الذي بدأ طفولة الحياة رجلاً يصطدم بالحقيقة المرّة ويتحول الى شخصية معقدة وهنا ينطبق المثل من تغرب ضاع .......

منقول بتصرّف....

_________________
أعجبك في كلّ شئ الا الزعل.......لو تخاصمني أخاصمك بغزل
.........................أبو وديع.........................
avatar
Souli...Y,M...
مشرف منتدى المــــغتربين

عدد الرسائل : 706
العمر : 32
الموقع : اللاذقية
العمل/الترفيه : طالب جامعة
تاريخ التسجيل : 17/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: من تغرّب ضاع..!!!!

مُساهمة  الغريب في الجمعة أغسطس 08, 2008 4:47 am

كلمي حلوي ومعناها كبير
avatar
الغريب

عدد الرسائل : 34
العمر : 35
الموقع : dubai
العمل/الترفيه : صيد السمك
تاريخ التسجيل : 10/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: من تغرّب ضاع..!!!!

مُساهمة  COBRA في الجمعة أغسطس 08, 2008 8:55 am

[center][size=18]
مرحبـــــــــــــــــــــــــــــــــــــــــــــــــــــــا للمغتربين جميعا


ولاعضاء المنتدى



بالنسبة الي مابعرف معنى الاغتراب لهلق لانو ماجربت الا اذا البعض بيسمو الجيش اغتراب


عكل حال منسمع من الشباب اصدقاءنا كلمات مفرحة واخرى موجعة عن الغربة وبعتقد انو الموجعة نسبتها اكبر.......

والشيء الأساسي الذي يجعل من الغربة , غربة قاتلة مسمة و و و ...هو عدم جدية المغترب بالتأقلم مع ظروف الوطن/البلد/البيت/المحيط الجديد.. على المغترب أن يقتنع بأنه سافر الى بلد جديد كي يعيش وليس فقط كي يعتاش... من جميل أن لا نتخلّى عن عاداتنا وتقاليدنا التي هي نتيجة ظروف وبيئة مغايرة لما نعيشه في الغربة,, ولكن,, هل تعلّق المغترب ببلد الأصل يمنعه من تعلّم لهجة او لغة البلد الجديد, التداول بعملته, تعلّم بعض عاداته ويومياته...الخ..


وعكل حال خيي سولي انت وبعض الشباب من اللي بيسافرو تيشتغلو سنة سنتان ,خمس سنين..... وبيرجعوا وبس يرجعو ويشوفوا ارض الوطن واهلون واحبابون بلحظة صغيرة بينسوا كل اللي مر عليون بالغربة


في شباب بيسافروا وماعاد يرجعوا يمكن بعشرين يمكن بخمسين سنة يمكن يموتوا ومايشوفوا الوطن هيدا اسمو اغتراب

انتو الله يعطيكون العافية مافينا نقول مانكون مغتربين بس والله بعض الناس بتقتلا الغربة

ورح حط بين ايديكم كلمات حلوة كتبها شاعر عنجد كلمات اثرت فيي كتير بتمنى انو تعجبكون


اسمها ناطرة





يقول الشاعر........................
إحدى قريباتي هاجر ابنها أيام العثمانيين الى الأرجنتين وبقيت تنتظره 57 سنة ، وماتت الأم وهيي ناطرة
وأنا طفل صغير كنت شوفا تحت هالقنطرة وعيونا عالبحر تنطر إيمتى بدو يرجع أبنها من الغربة




عالحب بحضان الجبل بالصيف كانوا يلتقوا
يتسبحوا بالنهر يجمعوا بواق الزهر
وتطير فيّون هالدني ويروّقوا
كتبوا أساميّون على الدلب العتيق
حكيوا حكاياتون لها الصخر العتيق
كرجت على مواويلن طيور الحجل
وسهرت على دبكاتون كواف الجبل
وقت ماهبت رياح العاصفة فلوا
وتركوها لحالا تنطرن
وتعوّقوا عالحب بحضان الجبل
بالصيف كانوا يلتقوا



هونيك بحضان الجبل في قنطرة
بفياتها بتقعد عجوز ملبّكة
تصرخ بها الوديان
بيرد الصدى
مافي حدا
مافي حدا
مافي حدا
بترجع ع بيتا تشتكي
لمين بدها تشتكي
نهبو الديابة المنطرة
والريح ماخلت الها بها الجرد
شجرة زغيّرة
وبسمعا بترندح مواويل بتبكي الحجر
هيهات يم الزلف عيني ياموليّا
شريان قلبي انقطع ومافكّروا فيا




روحي ضناها الدهر
متشوقة ليكن
وع قد رمل البحر
بتسلم عليكون
مستنظرة ترجعوا
تا بوس عينيكن
وأفرش دروب اللكن
برموش عينيا

وعالعين يم الزلف
عيني ياموليّا





مرات ع دروب الدني
بتصرخ وبتردّ
الدني
ولك وينكن
في بحور بيني وبينكن
رحتوا تركتوا بوابكن
تشتاق ضحكة عينكن
مرمر الهجر حبابكن
قلبي احترق ع غيابكن
وماوفيتوا دَينكن
ولك وينكن
يامشردين بها الدني
كاس الهجر عم تجرعوا
ياريح وديلن خبر
بلكي يحنّوا ويرجعوا




ومشكور خيي سولي كلامك رائع وانشالله بترجع عن قريب ومن حر بالليل ههههههههههههههههههه


[/size][/center]

_________________

أحبك على السماء أرسمها

أحبك على الأرض أبنيها

أني أحبك للكروم و العناقيد أقولها

و للطيور أكتبها على جناحيها

أحبك على جبين الشمس أنقشها

أحبك بين غيوم السماء أخبيهـا

إني أحبك يا سهماً بصدري

يا أوجاعاً عن الناس أخفيها

لو تطلبي شعراً فلعينيك أكتبه

أو تطلبي قصة فللناس أحكيها

لو تطلبي قلبي عند قدميك أذبحه

أو تطلبي روحي ففيك أفديها
avatar
COBRA
مشرف منتدى المرح

عدد الرسائل : 550
العمر : 34
الموقع : www.mraizeh.com
العمل/الترفيه : حب اليازدية
تاريخ التسجيل : 10/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: من تغرّب ضاع..!!!!

مُساهمة  Souli...Y,M... في الجمعة أغسطس 08, 2008 10:19 am

الغريب كتب:كلمي حلوي ومعناها كبير

مشكور غريب على مرورك وردّك سلامي الك ......

_________________
أعجبك في كلّ شئ الا الزعل.......لو تخاصمني أخاصمك بغزل
.........................أبو وديع.........................
avatar
Souli...Y,M...
مشرف منتدى المــــغتربين

عدد الرسائل : 706
العمر : 32
الموقع : اللاذقية
العمل/الترفيه : طالب جامعة
تاريخ التسجيل : 17/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: من تغرّب ضاع..!!!!

مُساهمة  Souli...Y,M... في الجمعة أغسطس 08, 2008 7:45 pm

مشكور خيي كوبرا على مشركتك الرائعة بالموضوع ....
والغربة ياخيي بضلها غربة أن كانت يوم ولا عشرين سنة .......
وطلعت معي هالقصيدة من ورا هالموضوع ومشاركتك خيي مارسيل وأنشالله بتعجبكم...

غربة.....


بالليل وحيد وناطر سهران..........ونجوم السما من عيونك عم تلمع
حنّلي القمر وصار حيران...........وشاب ليل الهوى ومال رح يوقع
والقلب بعده ماشاب وندمان..........على هاكي الأيام وياليتها بترجع
تعاهدنا الحب عهود الرهبان.........ويشهد لنا الليل وشجرة عم تصلع
هجرني وراح طيف النسيان.........وتركني بالغربة شمعة عم تدمع
ياليل خدني عهاكي الشطأان.........بمد وبجزر لملمني موجة بتركع
لعيونها وصلّي المسبحة بأيمان.......من رب السما بطلب العون وبتشفّع
ولو بغربتي يقسى علي الزمان.......على العهد باقي وقلبي للحب يخشع
دموعك الندى على زهر نيسان.......بتكرج من عيون كحيلة منها بتقشع
للمطر أبهى حلّة بيلبس ألوان........وقوس القزح على خدودك بيدلّع
وبخاف من حلمي أبقى صحيان......وليلي يصير نهار وشمسه عم تطلع
رسمتلك عالقمر بالعالي عينان........تحرسك وأنا بغربتي ناطر أرجع
وبعدني عالموعد باقي سهران.......واقف بوجه الشمس ما خليها تطلع

أبو وديع........

_________________
أعجبك في كلّ شئ الا الزعل.......لو تخاصمني أخاصمك بغزل
.........................أبو وديع.........................
avatar
Souli...Y,M...
مشرف منتدى المــــغتربين

عدد الرسائل : 706
العمر : 32
الموقع : اللاذقية
العمل/الترفيه : طالب جامعة
تاريخ التسجيل : 17/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى